Amics occitans, la cronica Ribon-Ribanha d’ancuei, titrada « La Legenda de Laguet », v’es prepauada da Joan-Pèire BAQUIÉ, President de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
« La garderem ribon-ribanha, nòsta rebèla lenga d’Òc ! »
La Legenda de Laguet
A passat temps, pròpi en lo luec dont s’atròva lo Sanctuari de Laguet, l’i èra un temple roman dedicat a la Dèa Vesta e au fons dau valon, un pichin lac. Es eu que donèt lo nom de Laguet au luec.
En aquest temple, l’i èran set Vestalas, de filhas qu’intravan per trenta ans au servici de la Dèa, da pichini, qu’avion tra sièis a dètz ans quora èran causidi. Aquí, jorn e nuech devion obrar per tratenir lo fuec sacrat dau temple e goai l’auguèsson laissat amurcir. L’estafiu estacat pròche dau fugairon èra per li renembrar la sieu mission au servici de la Dèa.
Li Vestalas avion fach vot de devocion e de castitat. La sieu vida si debanava ensin plan plan a recampar de fusta en lu bòscs alentorn per fin d’alimentar lo fuec.
Una dei Vestalas qu’avia per nom Sagatarís avia costuma d’anar dau costat d’en Perdiguier per complir lo sieu prefach. Un jorn l’i rescontrèt un pastre que gardava au prat. Lo jove, que respondia au nom d’Atís, venguèt lèu amorós de la bèla Sagatarís ; si declarèt e si ditz que la Vestala non siguèt insensibla ai bèli paraulas dau pastre. Cen que devia arribar arribèt : Sagatarís manquèt de respèct a la Dèa per amor donat a un paure mortal.
La Dèa Vesta, qu’avia vist tot, despí li nèblas dont si pauava, èra fòla de ràbia. S’embilèt tant còntra Atís coma Sagatarís. Cambièt sus lo còup lo pastre en pin e la Vestala en arèndola.
Despí d’aquest jorn, se v’enanatz passejar fins a Laguet, passant per la Ternitat, troveretz, esquasi a mitan camin, ficat en un rocàs dau valon, un pin. Pareisse que lo pastre l’i s’èra assetat sobre. Una arèndola li vira sempre alentorn. Es la bèla Sagatarís que ven parlar au sieu amor.
Ancuei en plaça dau temple roman l’i es lo sanctuari ben conoissut de Laguet. Lo laguet d’un temps a despareissut. Si ditz que quora revendrà, lo pastre e la Vestala troveràn torna la sieu aparença umana.
Quora passi per aquest camin, que sigue a pen coma en veitura, manqui pas de contar aquesta legenda dau País-Niçard. Es la mieu maniera de la trasmetre a d’autres.
Joan-Pèire BAQUIÉ
Pin de Laguet en lo rocàs
La Légende de Laghet
Autrefois, il y avait un temple romain dédié à la Déesse Vesta au lieu exact où se trouve l’actuel Sanctuaire de Laghet et au fond du vallon un petit lac. C’est lui qui donna le toponyme de Laghet.
Dans ce temple, il y avait sept Vestales, des filles qui entraient au service de la Déesse pour trente ans. Elles étaient choisies dans leur jeunesse entre six et dix ans. Là, jour et nuit, elles devaient travailler afin d’entretenir le feu sacré du temple et malheur si elles le laissaient s’éteindre. Le fouet près du foyer était là pour leur rappeler leur mission au service de la Déesse.
Les Vestales avaient fait vœu de dévotion et de chasteté. Leur vie se déroulait ainsi tout doucement à ramasser du bois dans la forêt tout autour afin d’alimenter le feu.
Une des Vestales, qui avait pour nom Sagataris avait l’habitude d’aller du côté de Perdighier pour s’acquitter de sa tâche. Un jour, elle y rencontra un berger qui gardait ses brebis dans le pré. Le jeune homme, qui avait pour nom Atys, devint vite amoureux de la belle Sagataris ; il déclara son amour et on dit que la Vestale ne fut pas insensible aux belles paroles du berger. Ce qui devait arriver arriva : Sagataris manqua de respect à la Déesse par l’amour donné à un pauvre mortel.
La Déesse Vesta, qui avait tout vu, depuis les nuages où elle se reposait, était folle de rage. Elle se mit en colère aussi bien contre Atys que Sagataris. Elle changea aussitôt le berger en pin et la Vestale en hirondelle.
Depuis ce jour-là, si vous allez vous promener jusqu’à Laghet, depuis La Trinité, vous verrez, presque à mi-chemin, planté dans un rocher du vallon, un pin. Il paraît que le berger était assis dessus. Une hirondelle lui tourne toujours autour. C’est la belle Sagataris qui vient parler à son amour.
Aujourd’hui à l’emplacement du temple romain, se trouve le Sanctuaire bien connu de Laghet. Le petit lac d’autrefois a disparu. On dit que lorsqu’il reviendra, le berger et la Vestale retrouveront leur apparence humaine.
Lorsque je passe par cette route, que ce soit à pied comme en automobile, je raconte toujours cette légende du Pays-Niçois. C’est ma façon de la faire connaître à d’autres.
