Amics occitans, la cronica Ribon-Ribanha d’ancuei, titrada “Marea blu de Palhon”, v’es prepauada da Joan-Pèire SPIES, vici-president de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Marea blu de Palhon
Que lo comence au jorn de l’an !
Cen que faguèron lu escolans de Contes, que s’enavisèron de s’encalar a Niça per l’arribada dau Rei dei espòrts, aqueu d’aquest an !
Emb’ai sieus magistres, an participat despí l’auton au projèct dau Carneval dei enfants. Ver, son elu que fan l’espectacle en aquesto jorn !
Calia per aquò emparar la cançon novèla escricha per lo Carneval dau 2012. Sabetz que despí mai d’un sécolo, cad’an, una cançon oficiala per lo Carneval de Niça èra en toti li bocas ! Tra li mai conoissudi : Es Carneval en lo 1909, Ve-lo Ve-lo en lo 1922, Fla ! Fla ! en lo 1926, Ah ! Ah ! en lo 1929, Bim Bam Boum ! en lo 1959.
Aquela tradicion qu’a despareissut dins li annadas 60 per laissar la plaça a la música dau jorn d’ancuei, pi a la samba despí li annadas 90, es estada repilhada per lo carneval dei enfants da Maurís embé Aí Aí Carneval es arribat (2008), Es lo Carneval dei cats (2009), e da Albert Tosan embé Fai d’espòrt per aquest an.
Calia tanben emparar toti li peças de músicas escrichi da Cedric Famelart especialament per aquesta serada. Faire de percussions ‘mé lu pens, li mans, sus li espatlas, lu ginolhs, picar sus li pinhatas, bolegar en ritmo li botelhas, segre lu Eeee, Aaaaa, Ooooo !
Calia si faire lo vestit, es aquí que s’enavisèron de si mascarar en Palhon, que coma elu s’encala a Niça ! Palhon Ven venguèt lèu la sieu crida d’acamp sus la sieu bandiera !
Fin finala, si trovèron sota de la sieu perruca blu esbarlugats, espantofiats mas joiós en plaça Massena en aqueu ser dau 17 de febrier per cantar e jugar la sieu música, au mitan d’un milerat d’escolans, faguèron fèsta, restèron necs davant aqueu rei tant gigantàs e si recampèron au sieu lu uelhs emplits d’estèlas.
Joan-Pèire SPIES
Vague bleue du Paillon
Doit le préparer dès le jour de l’an !
C’est ce qu’ont fait les écoliers de Contes, qui ont décidé de descendre à Nice pour l’arrivée de Sa Majesté Le Roi des Sports !
Avec leurs maîtres, ils ont participé depuis l’automne au projet du Carnaval des enfants. Pour de vrai, ce sont eux qui feront le spectacle ce jour-là !
Il a fallu pour cela apprendre la nouvelle chanson écrite pour le Carnaval 2012. Il faut savoir que depuis plus d’un siècle, une chanson officielle du Carnaval de Nice était chaque année sur toutes les lèvres ! Parmi les plus connues : Es Carneval en 1909, Ve-lo Ve-lo en 1922, Fla ! Fla ! en 1926, Ah ! Ah ! en 1929, Bim Bam Boum ! en 1959.
Cette tradition a décliné dans les années 60, lorsque la chanson a été remplacée par la musique d’ambiance, puis par les sambas et autres rythmes du Sud dans les années 90. Elle a été reprise avec bonheur pour le Carnaval des enfants par Maurís qui a chanté Aí Aí Carneval es arribat (2008), Es lo Carneval dei cats (2009), et maintenant par Albert Tosan qui a écrit et composé Fai d’espòrt pour cette année.
Il a fallu également apprendre et répéter toutes les pièces musicales écrites par Cédric Famelart spécialement pour cette soirée d’ouverture. Faire des percussions avec les pieds, les mains, sur les épaules, sur les genoux, jouer sur les tambourins de terre, secouer en rythme les bouteilles, suivre les Hééééé, Haaaaa, Hooooo !
Il a fallu préparer le costume, et là il fut décidé de se déguiser en Paillon , qui comme eux s’en va à Nice en descendant sa vallée ! Palhon Ven devint vite leur cri de ralliement qui fut affiché sur leur fanion !
Et au bout de tout cela, ils se retrouvèrent cachés sous leur perruque bleue étonnés, époustouflés, complètement éberlués mais heureux sur la place Masséna ce soir du 17 février pour chanter et jouer leur musique en compagnie d’un millier d’enfants, ils firent la fête, restèrent bouche bée en voyant arriver et passer devant eux ce roi gigantesque, et rentrèrent chez eux les yeux remplis d’étoiles.
