Amics occitans, la cronica Ribon-Ribanha d’ancuei, titrada “Lo frei”, v’es prepauada da Verònica Durbano, Paula Labatino, Pauleta Millo, sòcias de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Lo frei
Non si plahem dau frei d’aquest invern !
Avem vist dins lo libre de crònicas d’Edmond Rossi que d’un temps foguèt bessai pèjo !
765 De freis exceptionaus son sinhalats en lo miegjorn de la Comtea de Niça e dins Provença. Li rivieras gelèron.
1239 Papon indica de tombadas de nèu sensa arrest seguidi d’un frei pròpi fòrt dins tot lo país « donant de geladas marridi per la campanha ». Lo vin gelèt en li botas e de glaçons enormes s’amolonèron sus li ribas dei rivieras. Var carrejava de glaçons. Jordan Badat, un gentilòme niçard, consacrèt la sieu fortuna a solatjar lu malerós.
1364 L’invern fuguèt rigorós, lu flumes e li rivieras gelèron.
1494 Un frei totplen viu cremèt lu òuliviers.
1623 Aquela annada, lo 5 de genoier, Palhon foguèt gelat d’una riba a l’autra e l’aiga degolava basta sota de la gelada.
1709 La rigor de l’invern foguèt tant fòrta que lu 6, 7 e 8 de genoier, lo frei destruguèt toti li campanhas. Augueriam fins a 9 grados sota zerò. « Nevava de jorn, e de nuech lo ciel èra clar. A Luceram e a Còntes, e autres luecs vesins, tot perissèt ». (Bonifacy)
Segond Durante, « sus tot l’espandiment dei campanhas de Niça, sobrèt basta doi joves plants d’òulivier a Casternòu de Còntes, en un claus ben assostat ».
Sus li cepas dei aubres talhats, creissèron de grelhs noveus. Aqueu flagel metèt lo pòble dins la desperacion e la fam que seguèt faguèt de victimas numeroï. La mortalitat doblèt dins d’unu vilatges.
1789 L’invern serà pròpi rigorós, a Bendejun un vent gelat cremèt lu grelhs dei aubres, estelava la rusca cen que faguèt gelar la saba que pendia ai brancas. Lo 11 de genoier, toi lu aubres morèron fins ai raïç. Lo pes de la nèu revessèt lu aubres lu mai fòrts. Lo vin gelèt dintre de li cròtas.
1825 Lo frei tardiu arribèt après un invern totplen mansuet. En lo mes de genoier avion mandat una branca de perussier florit despí Sant Esteve d’en Tinea, tanben de maiossas e de violetas culhidi a Sant Martin d’en Vesubia. Au mes d’abrieu, lo frei cremèt li fuelhas de
l’amorier tanben li canas e li socas en la valada de Palhon.
Verònica Durbano, Paula Labatino, Pauleta Millo
Le froid
Ne nous plaignons pas du froid de cet hiver !
Nous avons vu dans le livre de chroniques d’ Edmond Rossi que ce fut peut-être par moments pire dans le passé !
725 Des froids exceptionnels sont signalés dans le Midi du Comté de Nice et en Provence. Les rivières gelèrent.
1239 Papon indique des chutes de neige continuelles suivies d’un froid intense dans toute la région « occasionnant des gelées dommageables pour la campagne ». Le vin gela dans les tonneaux et
d’énormes glaçons s’amoncelèrent sur le bord des cours d’eau. Le Var charriait des glaçons. Jourdan Badat, gentilhomme niçois, consacra sa fortune au soulagement des malheureux.
1364 L’hiver fut des plus rigoureux. Les fleuves et les rivières gelèrent.
1494 Un froid très vif brûla les oliviers.
1623 Cette année-là, le 5 janvier, le Paillon fut gelé d’une rive à l’autre et l’eau ne coulait que sous la glace.
1709 La rigueur de l’hiver fut telle que les 6,7 et 8 janvier, le froid détruisit toutes les campagnes. On eut jusqu’à 9 degrés sous zéro. « Il neigeait le jour, et la nuit le ciel était serein. A Lucéram, à Contes et
lieux voisins, tout périt ». (Bonifacy)
Selon Durante, « sur toute l’étendue des campagnes de Nice, il ne resta plus que deux jeunes plants d’olivier, à Châteauneuf de Contes, dans un enclos abrité ».
Sur les souches des arbres coupés repoussèrent de nouveaux rejetons. Ce fléau mit la population dans le désespoir et la faim qui s’en suivit fit de nombreuses victimes. La mortalité doubla dans certains villages.
1789 L’hiver sera très rigoureux, à Bendejun, un vent glacial brûla les bourgeons des arbres, fendit l’écorce entraînant le gel de la sève qui pendait aux branches.
Durante signale que le 11 janvier tous les arbres périrent jusqu’aux racines. Le poids de la neige renversa les arbres les plus robustes. Le
vin gela dans les caves.
1825 Le froid tardif survint après un hiver très doux. En janvier, on avait envoyé de Saint-Etienne de Tinée une branche de poirier fleuri ainsi que des fraises et des violettes cueillies à Saint-Martin Vésubie. En avril, le froid brûla les feuilles de mûriers, ainsi que les roseaux et les vignes dans la vallée du Paillon.
