Amics occitans, la cronica Ribon-Ribanha d’ancuei, titrada “Lo rescòntre niçard”, v’es prepauada da Joan-Pèire SPIES, vici-president de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Lo rescòntre niçard
Coma cad’an, lu escolans d’en valada de Palhon si son rescontrats a Còntes, per festejar la fin de l’annada escolara.
Aquest an, lu magistres de l’escòla Ricòlfi, Arleta Pastor e Joan-Pèire Spies, e li sieu classas de CP e CP-CE1, avian convidat la classa de CM1-CM2 de Madama Genevieva Cornard, que s’encalèron dau sieu país de Luceram, que l’associacion per lo desfolopament dau país dei Palhons li regalèt lo viatge.
De segur li èran lu collegians de quinta dau collègi Carlès de Còntes, menats dau sieu professor de niçard, Monsur Chiaramonti coma li annadas passadi.
De matin, lu escolans de Còntes si mascarèron en marmitons : lu sieus magistres avian alestit embé la coiniera dau restaurant escolar comunau lo projèct de si faire de pan banhats : lu pichins pans redons venian d’arribar dau fornier, l’ortalha tota èra en plaça, talhada fin fin, « coma sente bòn ! » Cauguèt d’en premier reconóisser lo tomati, lo rifòrt, lo pebron, la cebeta, l’ensalata, lo balicò, lo ton, l’òu, per metre a la sieu plaça cada etiqueta. Pi cadun faguèt la sieu causida e si bastissèt lo sieu pan-banhat, sensa denembrar l’òli e la sau !
Toi aquelu pichoi e grands si son recampats au Vergier, dont si mangèron lo pan banhat ben onch sus l’erbeta, denant de passar ai causas serioï : venguèt lèu lo moment de presentar una causida de cen qu’avian alestit en classa dins l’annada, embé la complicitat dau musician Joan-Nové Mabelly, qu’èra vengut mé la jorgina, lo tambau e lo fifre : Cu cantèron de comptinas de Babeta Bondanelli tiradi dei sieu “Cançons dau limaçon”, cu juguèron sus lo pontin « L’istòria de la cabra que volia pas passar sus lo pònt” ò ” Lu tres porcons”, cu faguèron mime de la cançon “Anem toi dins lo bòsc…”, cu balèron “Joan petit que dança”, ” Lo pichin limosin” dins la fòrma provençala de la « dança dei fadats », « la fricassèia » ò « plòu, plòu, plòu », cu diguèron de tròç de tèxtes coma «Lo fantaume pelegrin ».
Fuguèt pi l’ora d’un gostaron conviviau, denant de si dire « a si reveire », e de tronar au sieu, content d’aver partit aqueu bèu moment de lenga e d’amistat.
Joan-Pèire Spies
La rencontre niçoise
Comme chaque année, les élèves de la vallée du Paillon se sont rencontrés à Contes pour fêter ensemble la fin de l’année scolaire.
Cette année, les maîtres de l’école Ricolfi, Arlette Pastor et Jean-Pierre Spies, et leurs classes de CP et de CP-CE1 avaient invité la classe de CM-CM2 de Madame Geneviève Cornard, qui sont descendus de Lucéram, grâce au transport pris en charge par l’association de développement du Pays des Paillons.
Il y avait aussi bien sûr, comme les années précédentes, les élèves de cinquième du collège Carlès de Contes, accompagnés par leur professeur de niçois, Monsieur Serge Chiaramonti.
La matinée avait commencé par l’atelier cuisine : les enseignants avaient préparé avec la responsable du restaurant scolaire municipal le projet de confectionner des « pans-bagnats » : les petits pains ronds venaient d’arriver de chez le boulanger, les légumes étaient sur la table, déjà émincés, « comme ça sent bon ! » Il fallut, pour commencer, reconnaître la tomate, le radis, le poivron, la cébette, la salade, le basilic, le thon, l’œuf, pour mettre les étiquettes à la bonne place. Puis chacun a fait son choix parmi les ingrédients pour se faire un bon « pan-bagnat », sans oublier l’huile et le sel !
Tous, petits et grands, se sont alors retrouvés au Verger, où chacun a pu déguster sur l’herbe son « pan-bagnat » oint à point, avant de passer aux choses sérieuses : Le moment était venu de présenter une partie de ce qui avait été appris en classe pendant l’année, avec l’aide et la complicité du musicien Joan-Nové Mabelly qui était venu avec son accordéon, son tambour et son fifre : certains chantèrent des comptines d’Elisabeth Bondanelli tirées de ses « Chansons du Limaçon », d’autres ont joué sur la scène « L’histoire de la chèvre qui ne voulait pas passer sur le pont » ou « Les trois petits cochons », d ‘autres ont mimé la chanson « Promenons-nous dans le bois… », d’autres ont dansé « Jean Petit qui danse », « Le petit Limousin » dans sa version provençale de « La danse des fadas », « La fricassée » ou une version jouée de « Il pleut, il pleut, il pleut », d’autres encore ont récité des textes d’auteurs comme « Le fantôme pèlerin »
Puis ce fut l’heure de prendre ensemble un goûter convivial, avant de se dire « au revoir » et de partir chacun chez soi, content d’avoir partagé ce beau moment de langue et d’amitié.