Amics occitans, la cronica Ribon-Ribanha d’ancuei, titrada « Serada en Lengadòc-Rossilhon », v’es prepauada da Joan-Pèire BAQUIÉ President de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Serada en Lengadoc-Rossilhon
Divendres lo premier de febrier pilhèri lo tren partent de Niça en dirreccion de Besièrs, per l’i retrovar una cobla d’amics.
Esquasi sièis oras de viatge embé un cambiament de tren a Marselha. Pas simple d’anar dau Levant au Ponent de l’espaci occitan !
Arrivat en gara de Besièrs alentorn de 8 oras dètz dau sera, siguèri pilhat en carga per lo mieu amic que mi menèt drech a Bessan dont lo fogau associatiu de la comuna, presentava un espectacle embé l’autor-compositor-cantaire : Joanda.
Joanda per aquelu que lo conoisson pas’ncara rapresentèt, l’i a gaire, la cançon occitana dins l’emission « La Grande Battle de France 2 » animada per Nagui.
Aquest professor de collège ven de publicar : « Le petit dico du Pays d’Oc »(1). Aquest libre recampa una seria de crònicas radiofoniqui difusadi da « France Bleu » Eraut e publicadi en lo setmanier « La Gazette ».
Aquest jove d’un trentenau d’annadas, sembla animat per lo mens, de doi a tres vidas, travalha tanben pròche Francís Cabrel e faguèt paréisser un CD qu’a per nom « Register » (2) embé lo collaborator de Michel Berger e Yannick Noah.
Per ne’n saupre mai clicatz sus l’imatge dau CD :
Un autre CD es en preparacion per la prima d’aquest an.
Capelada sénher Joanda !
Joan-Pèire BAQUIÉ lo 2 de febrier dau 2013 a Servian.
(1) Glossaire du français parlé en Pays d’Oc, édicions Trabucaire.
(2) Nom gravat da Maria Durand, en la pèira dau sieu càrcer a Aigas-Mòrtas. Aquesta filha de religion protestanta siguèt messa en preson a l’atge de 18 ans, per li sieu conviccions religioï e l’i demorèt 38 annadas de temps.
Entreten embé Joanda.
fotò : Joan-Maria Nicolaï
Soirée dans le Languedoc-Roussillon
Vendredi premier février, j’ai pris le train qui allait de Nice à Béziers, pour y retrouver deux amis.
Presque six heures de voyage avec un changement de train à Marseille. Pas si simple d’aller d’Est en Ouest de l’occitanie !
Arrivé à la gare de Béziers aux environs de 20 heures 10, mon ami m’a pris en charge et m’a emmené directement à Bessan où le foyer associatif de la ville présentait un spectacle avec l’auteur-compositeur-chanteur : Joanda.
Joanda, pour ceux qui ne le connaissent pas encore a représenté la chanson occitane dans l’émission « La Grande Battle de France 2 » animée par Nagui.
Ce professeur de collège vient de publier : « Le petit dico du Pays d’Oc »(1). Ce livre recueille une série de chroniques radiophoniques de « France Bleu Héraut» et publiées dans l’hebdomadaire « La Gazette ».
Ce jeune homme d’une trentaine d’années, semble animé d’au moins deux ou trois vies simultanées, il travaille aussi avec Francis Cabrel et a fait un CD qui s’intitule « Register » (2) avec un collaborateur de Michel Berger et de Yannick Noah.
Un autre CD est en préparation pour le printemps 2013.
Chapeau, Monsieur Joanda !