Amics occitans, la cronica Ribon-Ribanha d’ancuei, titrada “Èra lo 26 de mai 1944…”, v’es prepauada da Joan-Pèire BAQUIÉ, president onorari de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Èra lo 26 de mai 1944…
Lo 26 de mai dau 1944, lu quartiers de Riquier, dau Macèu (les Abattoirs), de Pasteur, de la República, siguèron bombardats per la Royal Air Force e l’US Air Force. La tòca d’aquest bombardament : desorganizar l’ocupacion alemanda e arrestar lo tràfegue de la gara Sant Ròc a Niça.
Mon paigran Cesar, que l’i travalhava en tant qu’emplegat dau camin de ferre, cheminot se volètz, èra malaut aquest jorn. Sa frema li demandèt de demorar au sieu per si soinar. Cesar anèt travalhar parier coma lo sieu dever lo li comandava. Cadun lo sieu destin !
De matin li sirenas d’alerta si faguèron audir sobre la gara Sant Ròc, lu emplegats s’anèron escondre en una galeria que s’atròvava passat lu establiments MICHEL (lo supermercat LECLERC d’ancuei carriera de Turin). A 10 oras 26, 29 bombardiers mandèron li sieu bombas sus la gara Sant Ròc. La Rotonda e una usina electrica siguèron destruchi embé totplen de vagons.
L’alerta siguèt levada a 10 oras 28 per lu alemands quora arribèt una segonda escadra compauada de 32 bombardiers. Totplen de niçards qu’avian quitat la sieu sosta auguèron pas temps de s’entanar tornarmai. Li bombas calavan, pareisse, coma lu degots de la pluèia. D’autres bombardiers, 38 exactament, mandèron tornarmai de bombas au meme luec a 10 oras 31 au mitan dei explosions e dau fum. Lu americans faguèron d’esbalhs e bombardèron lo Velodròme de Pasteur en luec de la Rotonda de Sant Ròc : cau dire que bombardar despí 4000 mètres d’autessa, fa mancar la precision.
Esquasi 300 mòrts, 100 personas despareissudi, 480 personas ferridi e 600 immòbles destruchs, 5600 sinistrats.
Mon paigran l’i perdèt finda la vida, coma lo podètz pensar.
D’aquest eveniment dau bombardament dau 26 de mai dau 1944, se n’es totplen parlat au mieu, sobretot lu jorns dei fèstas de familha quora si sentia encara mai l’absença de la persona cara.
Aquesta absença si sentia d’autant mai que demoraviam en una vilà sobre la galeria qu’avia enfolopat lo còrs de Cesar.
A Niça, quatre momunents ai mòrts son consacrats ai tuats dau 26 de mai : lo premier davant l’escòla Jean MACÉ, que jove magistre anavi embé la mieu classa e li autoritats depauar una garba de flors, lo segond davant la gara Riquier, lo terço davant la gara Sant Ròc e lo darnier que descurbèri l’an passat, dedicat ai agents S.N.C.F dau depaus de Sant Ròc.
Siguèri susprès de l’i trovar lo nom dau mieu paigran que l’avii cercat en van en lu tres autres… emb’una pichina error d’escritura : mancava la barra au Q cen que ne’n faía un O.
BAOUIÉ Cesar en luec de BAQUIÉ Cesar. Escriguèri a la comuna de Niça per demandar una correccion, correccion que siguèt facha aquest an.
E a l’appel dau sieu nom retrovat, BAQUIÉ Cesar, posquèri respòndre 71 ans après : mòrt per França.
BAQUIÉ Joan-Pèire lo 26 de mai dau 2015
C’était le 26 mai 1944…
Le 26 mai 1944, le quartier de Riquier, des Abattoirs, de Pasteur, de la République, furent bombardés par la Royal Air Force e l’US Air Force. L’objectif de de ce bombardement : désorganiser l’occupation allemande et stopper le trafic ferrovière de la gare Saint Roch à Nice.
Mon grand-père César, qui y travaillait comme employé du chemin de fer, cheminot si vous voulez, était malade ce jour-là. Sa femme lui demanda de rester chez lui pour se soigner. César alla travailler tout de même comme son devoir de lui commandait. A chacun son destin !
Ce matin là, les sirènes retentirent sur la gare Saint Roch, les employés allèrent se cacher dans un tunnel qui se trouvait après les établissements MICHEL (le supermarché LECLERC d’aujourd’hui, route de Turin). A 10heures 26, 29 bombardiers lâchèrent leurs bombes sur la gare Saint Roch. La Rotonde et une usine électrique furent détruites ainsi que beaucoup de wagons
L’alerte fut levée par les allemands à 10 heures 28, lorsque arriva une deuxième escadrille composée de 32 bombardiers. Beaucoup de niçois qui avaient quitté leur abri n’eurent pas le temps de se mettre à l’abri à nouveau. Les bombes tombaient, semble-t-il, comme des gouttes de pluie. D’autres bombardiers, 38 exactement, envoyèrent à nouveau des bombes sur le même lieu à 10 heures 31 au milieu des explosions et de la fumée. Les américains firent erreur et bombardèrent le Vélodrome de Pasteur au lieu de la Rotonde de Saint Roch : il faut dire que bombarder depuis l’altitude de 4000 mètres manque de précision.
Presque 300 morts, 100 personnes disparues, 480 personnes blessées, 600 immeubles détruits, 5600 sinistrés.
Mon grand-père y perdit la vie, comme vous pouvez le penser.
De cet événement du bombardement du 26 mai 1944, on en a beaucoup parlé chez moi, surtout les jours des fêtes de famille lorsque on ressentait encore plus l’absence de la personne chère.
Cette absence, nous la ressentions d’autant plus que nous habitions dans une villa située au-dessus du tunnel qui avait enveloppé le corps de César.
A Nice, quatre monuments aux morts sont dédiés aux morts du 26 mai ; le premier devant l’école Jean Macé, jeune instituteur j’allais avec mes élèves ainsi que les autorités déposer une gerbe de fleurs, le deuxième devant la gare Riquier, le troisième devant la gare Saint Roch et le dernier dont j’ai appris l’existence l’an dernier, dédiés aux agents de la S.N.C.F du dépôt de Saint Roch. Je fus surpris d’y trouver le nom de mon grand-père que j’avais cherché en vain sur les trois autres… avec une petite erreur orthographique : il manquait la cédille au Q ce qui en faisait un O.
BAOUIÉ César au lieu de BAQUIÉ César. J’écrivis donc à la Mairie de Nice pour demander la correction du nom, correction qui fut faite cette année.
Et à l’appel de son nom retrouvé, BAQUIÉ César, je pus répondre 71 ans après : mort pour la France.