Amics occitans, la cronica Ribon-Ribanha d’ancuei, titrada « Lo Noguièr de mon òrt « , v’es prepauada da Joan-Marc RABIER, sòci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Lo Noguièr de mon òrt
Lo noguièr de mon òrt es mòrt….
Es mòrt aquel estiu d’una calorada.
Un còp de solelh. Un còp de calor.
Avèm agut als meses de junh e de julhet de calorassas. La caudura persistiguèt mai d’un mes. Ne’n trapèt segurament una cauda e moriguèt. Dins una nuèch perdèt totas sas fuèlhas verdas. Caiguèron. Lo matin lo trobèri sens fuèlha. Lo pelsòl n’èra tot tapissat. Dessús èran demoradas solament las noses verdas. Era mòrt de la caud…L’ardor l’aviá tuat ! Un ardor a far tombar la coa d’un ase !
Aviá començat a estre amalautís l’an d’abans. Una de las doas brancas mestressas aviá fach de fuèlhas pichonas e gaire de noses…Mas l’autra anava fòrça ben e nos balhèt tant e mai de frucha !
L’aimavi tant aquel aubre ! Era Grandàs : mai naut que l’ostal !
Balhava talament de causas !
Mai que de noses per manjar tot l’ivèrn…per ieu e a tota la familha que veniá a la tardor las amassar
De noses verdas per faire lo vin de noses.
De tencha de nose per tintar los mòbles.
D’ombra per passar l’estiu al fresc…un ombra benlèu espessa que te podiá far venir lo freg. I caliá pas demorar dejós tròp longtemps. Mas aquò rai, autrescòps, i aviá tant de trabalh a far dins una bòria !
D’aparament tanben contra lo vent del nòrd e contra los uèlhs aguts de los passejaires. Protegiá lo meu dedins del defòra !
Aquèla bastida foguèt pas totjorn un ostal…Era pas qu’un pichòt casal de quatre membres : un garatge per un « break », una carreta granda a un cabal ; una granja per far secar la fuèlhas d’amorièr , un cava a vin e una cambra que l’òm disiá abans la revolucion la cambra del Comte e aprés la revolucion la cambra de los deputats. Alavetz, caliá salvar la seuna tèsta de la guilhotina ! Lo comte o lo deputat i fasián prangièra -segurament amb una filha del pais ! – los després-dinnar de grand calor quora davalàvan del castèl amont sus lo puèch…..Mai simple, èra puslèu la cambra per los vailets o los sasonièrs!
Quora venguèri demorar aquí, aprèp l’eiretatge de mon papeta, lo vesin d’un costat me venguèt veire per me parlar del noguièr : aviá pauc que l’abatèssi ! Li plasiá tant son ombra a l’estiu quora lo solelh tustava. Lo rassegurèri : fariái pas jamai un causa parelha ! Mai tard lo vesin de l’autra costat pujèt per se plànher de las fuèlhas que tombàvan a massa dins son òrt cada davalada. I plantava pas res dins son jardin. Era solament un jardin d’agradament mas li caliá amassar cada annada las fuèlhas mòrtas…e ne aviá un sadol ! Ara es lo sol a se regaudir de la mòrt de mon noguièr ! Pas mai de fuèlhas negras a amassar ! Sòi pas paranoiac mas crenhi penosament que bensai me l’aguèsson tuat lo meu noguièr….
Plors e dòu
Lo noguièr de mon òrt es mòrt.
Joan-Marc RABIER
Pinet -Aveiron
Estiu de 2015
Le Noyer de mon jardin
Le noyer de mon jardin est mort…
Il est mort cet été d’une forte chaleur.
Un coup de soleil. Un coup de chaleur.
Nous avons eu au mois de juin et juillet de fortes chaleurs. Des chaleurs torrides qui durèrent plus d’un mois. Il attrapa sûrement un coup de chaud et il en mourut. En une nuit il perdit toutes ses feuilles vertes. Elle tombèrent. Le matin, je l’ai trouvé sans feuille. Le sol en était tapissé. Ne restaient que les noix vertes. Il était mort à cause de la chaleur….L’ardeur l’avait tué ! Une chaleur ardente à faire tomber la queue d’un âne !
Il avait commencé à être maladif un an avant. Une des deux branches maîtresses avait fait de petites feuilles et peu de noix….Mais la deuxième allait bien et nous avait donné tellement de fruits !
Je l’aimais tant cet arbre. Tellement grand : plus haut que la maison !
Il donnait tellement de choses !
Plus que des noix pour manger tout l’hiver…pour moi et pour toute la famille qui venait à l’automne. les ramasser.
Des noix vertes pour faire le vin de noix
Du brou de noix pour teinter les meubles
De l’ombre pour passer l’été dans la fraîcheur….une ombre peut-être épaisse qui pouvait t’apporter le froid. Il ne fallait donc pas y rester trop longtemps dessous. De toutes façons, autrefois, cela ne se faisait guère : il y avait tant de travail à faire à la ferme !
De protection contre le vent du nord et aussi contre les yeux curieux des passants. Il protégeait mon dedans du dehors !
Ce bâtiment ne fut pas toujours une maison d’habitation. C’était une petite construction de 4 pièces : un garage pour un « break », une grande charrette à un cheval ; une grange pour faire sécher les feuilles de mûrier ; une cave à vin et une chambre qu’on appelait, avant la révolution, la chambre du Comte et après la révolution, la chambre des députés. Il fallait alors sauver sa tête de la guillotine !
Le comte ou le député y faisait la sieste – probablement avec une fille du pays – les après-dîner de grande chaleur quand ils descendaient du château situé là-haut sur la colline…Plus simple, c’était plutôt la chambre pour les valets ou le saisonniers !
Quand je suis venu habiter ici, après l’héritage de mon grand-père, le voisin d’un côté est venu me voir pour me parler du noyer : il avait peur que je le fasse abattre ! Son ombre lui plaisait tant l’été quand le soleil frappait. Je l’ai rassuré : je ne ferai jamais une chose pareille ! Plus tard le voisin de l’autre côté est monté pour se plaindre des feuilles qui tombaient en quantité dans son jardin à chaque automne. Il ne plantait rien dans son jardin. C’était seulement un jardin d’agrément mais il lui fallait ramasser chaque année les feuilles mortes…et il en avait marre ! Maintenant c’est le seul à se réjouir de la mort de mon noyer ! Plus de feuilles à ramasser ! Je ne suis pas paranoïaque mais je crains malheureusement que, peut-être, ils me l’aient tué mon noyer….
Pleurs et deuil : le noyer de mon jardin est mort !
Jean-Marc RABIER
Pinet -Aveyron
Eté 2015