Amics occitans, la cronica Ribon-Ribanha d’ancuei, titrada « Decembre de 2003 », v’es prepauada da Maria-Laurença SAISSI, sòcia de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Decembre de 2003.
Vauclusa es sota l’aiga. Ròse sortit de son liech a investit carrieras e rotas fins ai campanhas environantas.
La Securitat Civila de Brinhòlas a mandat tot lo sieu regiment per venir ajudar lo monde despassat per tant d’òbras e sovent descorat.
Après aver trabalhat a Vilanòva pròche Avinhon, siam sonats sus l’iscla de la Bartalassa ( entre grand e pichin Ròse ) : un ase, enfangat fins au colar, a passat la nuech a assajar de se liberar. A bot de fòrças, impossible, maugrat de còrdas, de lo tirar fòra d’aquela pauta pegosa que l’empresona.
Alora que comencaviam de perdre espèr, lo veterinari, sonat en darrier recors, demandèt au masier d’adurre cafè fòrt e aigardent. Un còp mesclat l’ensems lo faguèt beure a la paura bèstia, sota l’agach sceptic dau monde present. Mi creiretz ò pas, en un batre de parpèla l’ase s’èra dreiçat e aviá bondit fòra de la sieu trapòla. Quin còp de foit ! Siguèt brèu totjorn estent, perqué l’animau fortunat, escagassat, s’ajacèt subran e durmiguèt un brave moment. De lassitge ò entartugat per l’aigardent aquò se saupèt pas !
Viatz, a la Securitat Civila, que secorrem d’òmes ò d’animaus, se podèm pas plànher de la monotonia dei nòstreis intervencions !
Maria-Laurença SAISSI
Décembre 2003.
Le Vaucluse est sous les eaux. Le Rhône sorti de son lit a investi les rues et les routes jusqu’aux campagnes des environs.
La Sécurité Civile de Brignoles a envoyé tout son régiment pour venir en aide aux habitants surchargés par autant de travail et souvent découragés.
Après avoir oeuvré à Villeneuve près d’Avignon, nous sommes appelés sur l’île de la Barthelasse ( entre le grand et le petit Rhône ) : un âne embourbé jusqu’au collier a passé la nuit à essayer de se libérer. A bout de forces, impossible, malgré des cordes, de l’extraire de cette boue collante qui le retient prisonnier. Alors que nous commencions à perdre espoir, le vétérinaire, appelé en dernier recours, demanda au fermier de lui apporter du café fort et de l’eau de vie. Une fois l’ensemble mélangé il le fit boire à la pauvre bête, sous le regard sceptique de l’assistance.
Vous me croirez ou pas, en un clin d’oeil, l’âne s’était redressé et avait bondit hors de son piège. Quel coup de fouet ! Ce fut bref toujours est-il car l’animal chanceux, épuisé, s’allongea sur le champ et dormit un bon moment. De fatigue ou enivré par l’eau de vie, ça on ne sut le dire !
Vous voyez, à la Sécurité Civile, que ce soit pour secourir des hommes ou des animaux, on ne peut se plaindre de la monotonie de nos interventions !
RESPÒNDRE A L’ARTICLE :
Joan-Pèire : Un pròpi bèu tèxte ! As una bèla pluma qu’ameriteria d’escriure d’autri cronicas. La baieta.
Marie-Laurence : Me pertòca, te merceji tot plen. Li pensarai per d’autrei tèxts..
Anne-Marie M. : Mi plas totplen aquela istòria.