Amics occitans, la cronica Ribon-Ribanha d’ancuei, titrada “Viatge a Lisboa.” v’es prepauada da Joan-Pèire BAQUIÉ, president onorari de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Viatge a Lisboa.
Trenta sièis ans après lo nòstre premier viatge au Portugal, Regina e ieu, torneriam a Lisboa. Aquest còup l’i aneriam en avion per s’espranhar lu 1900 quilomètres en veitura e lo vintenau d’oras e mai per l’i arribar despí Niça.
Praça do comércio
Aviavam causit lo principi dau mes de setembre que la temperatura avia baissat a 38 grados (sic !) lo jorn de la nòstra arribada, pi 34 grados. Se fa caud, ren da veire embé lo climat caud e umid de Niça. Lo vent que ven de l’Atlantic pròche rende suportable lo calor. Aquí coma en d’autres luecs, lo rescaufament climatic de la planeta si fa sentir.
Elevador Santa Justa
Lisbòa a cambiat en 36 ans, es ren de lo dire. Lo mai impressionant son lu sieus chantiers : renovacion dei plaças e dei carrieras, dei bastiments publics e dei musèus (coma aqueu de la mòda MUDE qu’èra barrat), dei maions e edificis privats. La segonda caua impressionanta son lu toristas que trevan la vila sobretot despí doi ans segon lo dire d’un estatjant lisboan. Ren da veire embé cen qu’aviavam viscut dau temps dau premier viatge.
Funiculari da Glòria
Nautres aviavam causit de si lotjar dins lo quartier de l’Alfama, un dei mai ancians de la vila. Es un quartier tot en monta-cala embé de carrieras empeiradi de calcari blanc e de basalt negre. De mai en mai d’apartaments l’i son renovats per la toristalha, cen que fa montar lo prètz dei apartaments e fa s’ennanar la populacion la mai paura dau luec.
Estação (gara) do Rossio
Per si desplaçar, vos conselhi d’utilizar una carta « Viva viagem » (50 centimes d’euro) e de la cargar en fonccion dei vòstres desplaçaments. La carta si pòu cargar en li garas, metròs, e d’autres luecs. Aquesta carta sierve tant per lo bus coma lu trambalans, metròs, trens urbans, funicularis, elevatòris, batèus que menan de l’autra man dau Tage a Cacilhas, Seixal, Montijo per exemples.
Musèu Nacional do Azulejo
Nautres avèm visitat quatre-cinc musèus coma la fondacion Gulbelkian, òme que travalhèt en lo petròli, sobrenomat « Monsur cinc dau cent » sòma que si pilhava sus cada bariu de petròli que vendia. E de petròli, n’a deugut vendre estent li riquessas dau musèu. Lo musèu dei « Azulejo » merita tanben d’èstre visitat. S’atròva au levant de Lisbòa dins un ancian monastari e es pròpi una meravilha. A l’encòntre sigueriam deceuputs d’au musèu « Colecção Berardo » (art modern e contemporan).
Ponte 25 de Abril
Per autres aneriam au ponent de la ciutat visitar lo monasteri de Jeronimos, pròpi bèu, veire la torre de Belém, manjar li pastisserias sonadi « Pasteis de Belém » qu’aconselhi ai gromands.
Torre de Belém
Aneriam tanben en tren au Palais Nacional de Queluz, palais d’estiu de la familha reala dau Portegal. Visiteriam tanben lu sieus jardins e lo beal de 130 mètres dont lo rei e la sieu familha si faían menar en barca ò en gondòla.
Palais Nacional de Queluz
Per manjar, l’i son de pichins restaurants e ostalarias dont si pòdon manjar per gaire, de plats locals coma lo « bacalhau » (bacalà) e escotar de fado dau temps dau past. L’i es tanben un luec dont si pòdon trovar mai de 50 gabinas que fan da manjar d’especialitats dins un mercat cubert : aqueu de Ribeira. Toristas e estatjants l’i si retròban au moment dau past. E l’i si manja ben !
Mercado da Ribeira
Per acabar, vos vodrii dire que per un occitan, que ten la lenga, la lectura dau portugués es aisada : un argument de mai per anar descurbir aquest país.
Lo trabuquet en niçard : le traquenard)
Joan-Pèire BAQUIÉ lo 17 de setembre dau 2016
Credit fòtos : Regina BAQUIÉ
Voyage à Lisbonne
Trente six ans après nôtre premier voyage au Portugal, Régine et moi, nous sommes revenus à Lisbonne. Cette fois-ci nous y sommes allés en avion pour nous épargner les 1900 kilomètres en automobile ainsi que la vingtaine d’heures et plus pour y arriver depuis Nice.
Nous avions choisi le début du mois de septembre car la température avait baissé à 38 degré (sic !) le jour de nôtre arrivée, puis à 34 degrés. S’il fait chaud là-bas, rien à voir avec le climat chaud et humide de Nice. Le vent qui arrive de l’océan Atlantique rend supportable la chaleur. Ici comme dans d’autres lieux, le réchauffement climatique de la planète se fait ressentir.
Lisbonne a changé en 36 ans, ce n’est pas peu dire. Le plus impressionnant ce sont les chantiers : rénovation des places et des rues, des bâtiments publics et des musées (comme celui de la mode MUDE qui était fermé pour travaux), des maisons et édifices privés. La seconde chose impressionnante ce sont les touristes qui parcourent la ville depuis deux ans aux dires d’un habitants lisboette. Rien à voir avec ce nous avions vécu à l’époque de notre premier séjour.
Nous avions choisi de nous loger dans le quartier de l’Alfama, l’un des plus anciens de la ville. C’est un quartier tout en montagnes russes avec des rues pavées de calcaires blanc et de basalte noir. De plus en plus d’appartements y son rénovés pour les touristes, ce qui a pour conséquence de faire monter le prix des appartements et faire partir la population la plus déshéritée du quartier.
Pour vous déplacer, je vous conseille d’utiliser une carte « Viva viagem » (50 centimes d’euro) et de la charger en fonction de vos déplacements. La carte peut être rechargée dans les gares, métros, ainsi que d’autres lieux. Cette carte sert aussi bien pour les bus que pour les tramways, métros, trains urbains, funiculaires, ascenseurs, bateaux qui vous emmènent de l’autre côté du Tage à Cacilhas, Seixal, Montijo par exemples.
Nous avons visité quatre-cinq musées comme la fondation Gulbelkian, homme qui travailla dans le pétrole, surnommé « Monsieur cinq pour cent » somme qu’il prélevait sur chaque baril de pétrole qu’il vendait. Et du pétrole, il a du en vendre à la vue des richesses de ce musée. Le musée des « Azulejo » mérite lui aussi d’être visité. Il se trouve à l’Est de Lisbonne dans un ancien monastère, c’est une pure merveille. Par contre nous avons été déçus par le musée « Colecção Berardo » (Art moderne et contemporain).
A part cela, nous sommés allés à l’ouest de la ville visiter le monastère de Jéronimos, vraiment beau, la tour de Bélem, manger des pâtisseries appelées « Pasteis de Belém » que je conseille aux gourmands.
Nous sommes allés également en train au Palais National de Quéluz, palais d’été de la famille royale du Portugal. Nous avons visité ses jardins ainsi que le canal de 130 mètres où le roi et sa famille voguaient en barque ou bien en gondole.
Pour manger, il y a de petits restaurants et auberges où on peut manger pour peu, des plats locaux, comme le « bacalhau » (plat à base de morue) en écoutant du fado pendant le repas. L’i y a aussi un lieu où l’on peut trouver plus de 50 échoppes qui font à manger des spécialités locales dans un marché couvert : celui de Ribeira. Touristes et lisboettes s’y retrouvent au moment des repas. Et on y mange bien !
Pour terminer, je voudrais vous dire que pour un occitan, qui possède sa langue, la lecture du portugais est aisée : un argument de plus pour aller découvrir ce pays.