Amics occitans, la cronica Ribon-Ribanha d’ancuei, titrada “Tres de Pego, una cançon que parla d’Istòria.” v’es prepauada da Alexandra DESMOULIN, sòcia de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Tres de Pego, una cançon que parla d’Istòria
Escotar una cançon tant de còups sensa vertadieramen ne’n capir lo sens e un jorn, s’interessar mai ai sieu paraulas… Una cançon sus un ritme festiu que parla d’una istòria trista, de la grana Istòria, aquela cançon, l’escoti pus parier.
« Tres de Pego » es lo títol d’aquela cançon. Es una cançon de La Gossa Sorda, un grop originari de Pego dins lo País Valencian que cantava en catalan. Es un grop que mesclava ritmes de Ska, Rock, Reggae e Punk embé ritmes mediterraneans. Aquel grop a acabat lo sieu darrier giro aquesta annada, e un disco titolat « l’ultima volta » es paregut en lo 2016.
Aquela cançon, « Tres de pego », la conoissii ja dau disco « Saó » (2008) mas non avii constatat la sieu estranjetat. Una cançon estranha, pas musicalament , mas per la contradiccion prigonda entre la música e li paraulas. La música, es festiva. Dins la version en viu de l’Ultima Volta, la primiera partida de la cançon es cantada a capela da Feliu Ventura, çò que li balha una impression de solemnitat, denant de tornar au ritme d’origina de la cançon, que mi dona (ò puslèu mi donava) enveja de balar. Mas li paraulas son en contradiccion totala embé aquel costat festiu del ritme de la cançon ! Son un omenatge a tres joves originaris de Pego, mòrts en deportacion a Mathausen. Li paraulas semblan prononciadi per un d’aquelu joves a destinacion d’un companh dau camp de concentracion : li demanda « se subreviu, de passar per Pego per dire qu’eu e lu sieus companhs non tornaràn » , e li conta la sieu istòria. La sieu istòria si mescla a l’Istòria grana, la de la guèrra d’Espanha seguida de la Retirada e de la seconda guèrra mondiala. N’i en a tant d’aqueli gents qu’an pilhat li armas contra lo facisme dau temps de la guèrra civila en Espanha e qu’après, an degut traversar lu Pirenèus, arribar dins de camps, e fin finala siguèron agantats per una guèrra pas fòrça diferenta de la qu’avian fugida. An tornat pilhar li armas, e n’i a que siguèron deportats coma aquelu tres joves de la cançon de la Gossa Sorda. D’autres, après aver luchat dins la resistència francesa, an provat de continuar la resistència dins lor país, coma lo Cristino Garcia cantat per Claudi Marti.
Non, de verai, aquela cançon, « Tres de Pego », l’escoterai pus jamai parièr…
Per escotar la cançon : https://youtu.be/d7T9UbMapDA
Per n’en liegir li paraulas (en catalan) : http://www.viasona.cat/grup/la-gossa-sorda/lultima-volta-en-concert/tres-de-pego
Tres de Pego, une chanson qui parle d’Histoire
Ecouter tant de fois une chanson sens vraiment en comprendre le sens, et un jour, s’intéresser de plus prêt à ses paroles… Une chanson sur un rythme festif qui parle d’une histoire triste, de la grande Histoire, cette chanson, je ne l’écoute plus de la même manière.
« Tres de Pego », c’est le titre de cette chanson. C’est une chanson de La Gossa Sorda, un groupe originaire de Pégo dans le Pays Valencien qui chantait en catalan. C’est un groupe qui mélangeait des rythmes de de Ska, Rock, Reggae et Punk avec des rythmes méditerranéens. Ce groupe a terminé sa dernière tournée cette année, et un disque « « l’ultima volta » est sorti en 2016 à cette occasion.
Cette chanson, « Tres de Pego », je la connaissais déjà du disque « Saó » (2008), mais je n’avais alors pas remarqué comme elle était étrange. Une chanson étrange, pas musicalement, mais à cause de la contradiction entre la musique et les paroles. La musique, elle est festive. Dans la version live de l’Ultima Volta, la première partie est chantée a capela par Feliu Ventura, ce qui donne une impression de solemnité, avant le retour au rythme d’origine de la chanson, qui peut donner envie de danser. Mais les paroles sont en contradiction totale avec ce côté festif du la musique ! Elles sont un hommage à trois jeunes originaires de Pégo, morts en déportation à Mathausen. Les paroles semblent prononcées par un des ces jeunes, à destination d’un compagnon du camp de concentration : il lui demande « s’il survit, d’aller à Pégo pour dire qu’ils ne rentreront pas » et lui raconte son parcours. Son parcours se mélange avec l’Histoire, celle de la guerre d’Espagne suivie de la retraite et de la seconde guerre mondiale. Il y en eu tant de ces gens qui ont pris les armes contre le fascisme pendant la guerre civile en Espagne, et qui ensuite, ont dû traverser les Pyrénées, sont arrivés dans des camps, et finalement furent rattrapés par une guerre, pas bien différente de celle qu’ils avaient fuie. Ils ont repris les armes, et, comme les trois jeunes de la chanson de la Gossa Sorda, beaucoup furent déportés. D’autres, après leurs combats au sein de la résistance française, voulurent continuer la résistance dans leur pays comme le Cristino Garcia chanté par Claudi Marti.
Non, vraiment, cette chanson, je ne l’écouterai plus jamais de la même manière.
Pour écouter Tres de Pego : https://youtu.be/d7T9UbMapDA
Pour lire les paroles de Tres de Pego (en catalan) : http://www.viasona.cat/grup/la-gossa-sorda/lultima-volta-en-concert/tres-de-pego