Amics occitans, la cronica Ribon-Ribanha d’ancuei, titrada “Remembrança d’un temps passat !”, v’es prepauada da Quiquí BAILLY sòcia de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !
Remembrança d’un temps passat !
En lo mile nòu cent quaranta sièis, alora qu’avii basta un an, lu mieus parents si son installat a l’usina de la compania de l’aiga a costat dau Pònt de Var, en riba dau flume.
Era en un apartament de fonccion, mon paire èra cap de l’usina .
Es per dire se per li mieu sòrres e ieu, Var èra lo flume de nòstra enfança e lu jardins de l’usina lo nòstre terren de juecs.
Lo Pònt de Var, pònt ”Napoleon lo terço” siguèt bastit sota la sieu autoritat per religar lo Comtat de Niça a la França en lo mile vuèch cent sessanta quatre : pònt dau camin de ferre en premier.
Denant, l’i èra pas de pònt, Var èra una frontiera naturala.
En lo mile tres cent vuetanta vuèch, li personas passavan a gait sus de l’esquina de passaires : aquestu si desvestission per non banhar lu sieus vestits e li fremas èran, pareisse destimburladi !!!
Pi l’i auguèt de pònts de bòsc per faire passar lo monde e le carretas. Mas aquestu, pas pron solides soventi-fes s’aroinavan : li gròssi aigas lu portavan a la mar !!!!
Après que Niça sigue venguda francea, lo pònt ”Napoleon lo terço” siguèt bastit. Nautres l’avèm totjorn sònat Pònt de Var.
En lo mile nòu cent quaranta quatre siguèt bombardat per lu aliats coma lo siguèt finda la gara de Sant Ròc per trebolar lo retir dei Germans. En l’usina avian de fòtos d’aquest bombardament embé li roinas de l’usina.
Urosament, denant la guèrra, ma maire embé li mieus sòrres magi èran a Torreta de Lop ! Mas mon paire a viscut tot aquò.
Durant d’annadas, l’ai traversat aquest pònt, l’estiu per anar en riba de mar ò per vendre de figas dau jardin au mercat de liumes e fruchas a costat de la barriera dau camin de ferre per mi faire quauqu pítols pi joveneta embé ma sòrre Jaumelina per anar balar embé d’amics !!
Var, lo flume de nostre enfança…. aquest flume es un grand torrent e l’avèm vist enfuriat soventi-fes ! Alora quora en lo mile noù cent noranta quatre Var es sortit dau sieu liech per repilhat tota la plaça que lu òmes avian aroinada pauc a cha pauc, nautres avèm pas augut de sorpresa !!! e arriberà encara !!!
Quiquí BAILLY
Souvenir du temps passé
En mille neuf cent quarante-six, alors que j’avais un an, mes parents se sont installés à l’usine de la compagnie des eaux à côté du Pont du Var au bord du fleuve.
C’était dans un appartement de fonction, mon père étant Chef de l’usine de la compagnie des eaux.
Autant dire que pour mes sœurs et moi le Var est le fleuve de notre enfance et les jardins de l’usine notre terrain de jeux.
Le Pont du Var, Pont Napoléon III, fut bâti sous son autorité pour relier le comté de Nice à la France en mille huit cent soixante-quatre : pont de fer en premier.
Avant, pas de pont ! Le Var était une frontière naturelle.
En mille trois cent quatre-vingt-huit, les gens passaient à gué sur le dos de passeurs : ceux-ci se dévêtaient pour ne pas mouiller leurs habits et les femmes étaient, parait-il, très choqués !!!
Puis il y eut des ponts de bois pour faire passer le monde et les charrettes mais ceux-ci pas très solides très souvent s’effondraient : les grosses eaux les emmenaient à la mer !!
Après que Nice fut devenue française, le Pont Napoléon III fut bâtit. Nous autres l’avons toujours appelé Pont du Var.
En mille neuf cent quarante-quatre, il fut bombardé par les alliés, comme la gare de Saint Roch, pour éviter l’avancée des Allemands.
Dans l’usine il y avait des Photos de ce bombardement avec l’usine en ruines.
Heureusement, pendant la guerre ma mère et mes grandes sœurs étaient à Tourrettes sur Loup, mais mon père a vécu tout celà .
Durant des années, je l’ai traversé ce pont l’été, pour aller à la plage et pour vendre les figues du jardin au marché des légumes et des fruits à côté de la barrière de chemin de fer pour me faire quatre sous !
Puis, jeunette avec ma sœur Jacqueline, pour aller danser avec les amis !!!
Le Var est un grand torrent et nous l’avons souvent vu en furie, alors quand en mille neuf cent quatre-vingt-quatorze il est sorti de son lit pour reprendre toute la place que les hommes lui ont rogné petit à petit, nous n’avons eu aucune surprise !!!! Et cela arrivera encore !!!!
KIKI