Amics occitans, la cronica Ribon-Ribanha d’ancuei, titrada ” Tanta Ròsa. “, v’es prepauada da Rogier Gilli, Soci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !
Tanta Ròsa
Cu, dins lo país de Chans e finda en ribas de Var dins lo canton dau Poget, non conoissia l’osteria a cò de Gilli a Rigaut ? Cu non conoissia la sieu mèstressa Ròsa ? Cu non èra, un jorn, vengut faire tampona a la sieu taula a l’escasença d’una fiera ò per lo festin ? Cu, d’aquesta pràtiga, non si remembra dei jatas de raiòlas ò de nhòquis, dei potites de cabrits, dei civiers de conius a damnar un Sant, dei tortas a la confitura d’arbicòt ò de perús, dau vin a ofa, eca…
Sòrre mendra de Maria, venguèt au monde en lo sègle detz e nòu, lo 18 de març dau 1894. Testarda, mas aquò es la marca de fabrica de la familha, la genetica coma si ditz ai jorns d’encuei, deuguèt aver quauqu problemas embé la marastra e quora a poscut s’escapar de damont es anada si plaçar en vila, a Niça. Aquí, au servici de borgés niçards, devenguèt una frema de redriç e sobretot una bòna coïniera. Bèla planta, embé tot cen que calia per faire virar la tèsta ai òmes, restèt domaisela finda ela. Perqué ? Qu saup ? Mas sabi qu’èra una frema a la fòrta personalitat que jamai vorguèt si laissar menar da un òme. Un pòu dire : una frema moderna e liura. Un jorn l’ai audit dire a un vesin, embé qu la s’èra pilhada cauda perqué li « manjava » lo sieu temps d’aigage : « Jamai un òme m’a comandat, siás pas tu que lo vas faire, bogre d’ae ! ».
Pi, un jorn, es tornada au país per assistre son paire ben vièlh, veuse per la seconda fes, sa sòrre Joana e son fraire Andrieu.
En mai dei travalhs de la tèrra, dins la grana maion tenguèt embé la pichina licença una mena d’òste, d’estiu lu sabta- dimènegue. Lèu lèu si faguèt conóisser dins tot lo canton, pi en de-là, a Niça tanben.
Dau pus luenh que m’enavisi ai en memoria l’imatge d’aquesta persona. Cau dire que per un enfant de set-uech ans li fremas d’aquesta epòca èran ja pròpi ben vièlhi a sessant’ans, remplaçava la maigrana partida tròup lèu. Totjorn vestida parier la setmana, m’una rauba d’un blu-gris indefinissable m’un faudiu color blu de mar descolorat de sobre. Lu berris tirat de darrier en un tinhon pegat sus la còta, anava, la tèsta ben auta, drecha coma un auciprier, superba, coma aqueli fremas dei pais dau miegjorn ò d’Africa que son acostumadi a si camalar cavanhòus ò cagèus sus lo cap. Caminava plan -planin, li sieu possas generoi que li calavan sus l’emborigol, en avant. Dont èra la bèla domaisèla de la fòto ?
A cò sieu èra ela la mèstressa. Èra ela que governava la maionada tota, que distribuissia lu prefachs ai sòrres e au fraire.
D’estiu, fòra dei « dimenegadas », a l’ora de l’aperitiu lu jugaires de bòchas venion dau sieu per si refrescar lo gavai. Que de crits e de rires, dins la grana sala contigoa a la coïna au plan premier. D’unu, que lu pastís lu tarabastavan l’estómegue, li demandavan : « Ròsa nen fètz manjar quaucaren ? ». Ela respondia : « Mi fètz toi cagar, ai ren da vous donar ! ». Pi detz minutas pus tardi la veian arribar embé una jata de lescas de jambon, de tomatis, de sanguins a l’òli, de pan e una botilha de blec fach en maion, lo sieu vin ! Li socas l’i a bèu temps que corrian dins lu romegàs, coma dins la cançon, alora si compravan lo raïm en lo despartament vesin per si faire lo vin en la cròta : doi cavanhòus de roge per un de blanc èra la bòna proporcion e de sucre (si saup jamai, cau que si tèngue) e fai tirar.
Coma dins cada vilatge l’i èra un antagonisme politic, drecha e seneca. Despí la liberacion èran lu ‘roges’ que menian la barca. Tot aqueu bèu monde venion a cò de GILLI, que volion pas anar en l’òste de ‘Lucian dau Zoave’ que èra dins l’oposicion. Ròsa, ela s’en batia de la politica mas coma anava gaire de pacti embé aquest’òme èra ben contenta de lo faire embilar e aquí lu elegits si podion faire tampona esquasi a jaba. Lo paure Lucian qu’avia la licença 4 si lanhava dau manca de pràtiga e anava trovar lu gendarmas dau Poget, per dire qu’èra pas normale que…
Ai jamai capit perqué, aquesti bravi gents, arribavan a ontze oras e mieja de matin e s’en tornavan a doi oras de ‘près-dinnar, l’enquesta acabada, lo quèpi un pauc en arrier sus lo suc. Autres temps, autri costumas !
Pi a pauc a pauc, tot aquò s’es anequelit, passava lo sieu temps tra lu òrts e lo galinier. Après la despartida dei sieu sòrres, a esquasi uetant’ans, laissèt lu sieus bens a un cosin que lu assistava ela e son fraire. Quora l’anavam saludar la trovavam sempre assetada davant de la grana taula, lu coes apontelats sus d’un toalhon plegat e lu dets que pianotavan, sus la tela enceirada, una mùsica que ela solament conoissia. Nen diía : « assetaz-vi et tu Rosè fai vos beure ! » Quora li demandavi : « Coma va Ròsa », mi respondia : « Vau mau, ai lo diabèta, pòdi pus manjar de tantiflas e de faiòus grana, mi fan cagar aquelu metges !». Mas testarda coma èra mandèt ai peis lu regimes e lu doctors, fin finala a noranta un l’a amputat d’un arteu, consequencia de la sieu leconaria.
Lo 7 de decembre dau 1987 siam anar la visitar en l’espitau Sant Ròc, èra la fin. Durbèt un uès una seconda, mi sembla que n’a conoissut. L’endeman de matin èra partida saludar Sant Pèire embé lo sieu cavanhòu au braç…
Lo pilastre de la familha, lo generau coma la diia son fraire, Ròsa rajonhava lu sieus per l’eternitat.
Rogier GILLI setembre dau 2017
Tante Rosa
Qui dans le pays de Cians ou sur les bords du Var dans le canton de Puget-Théniers ne connaissait l’auberge : Chez GILLI à Rigaud ? Qui ne connaissait Rosa la patronne ? Qui n’était pas allé, un jour au moins, festoyer à sa table à l’occasion d’une foire ou d’un Festin ? Qui, de cette clientèle, ne se souvient des plats de raviolis ou de gnocchis, des ragouts de cabri, des civets de lapin à damner un Saint, des tartes à la confiture d’abricot ou de poire, du vin à volonté, etc…
Sœur cadette de Marie, elle vint au monde au dix-neuvième siècle le18 mars 1894. Têtue, mais cela est la marque de fabrique de la famille, la génétique comme on dit aujourd’hui, elle dut avoir quelques différents avec sa marâtre et dès qu’elle put s’échapper du village elle alla se ‘’placer’’, à Nice. Là au service de bourgeois locaux, elle devint une bonne ménagère et surtout elle apprit à cuisiner. Belle plante, avec tout ce qu’il fallait pour faire se retourner les hommes, elle resta néanmoins demoiselle, elle aussi. Pourquoi ? Tout le monde savait que c’était une femme à la forte personnalité qui ne voulut jamais vivre sous la coupe d’un homme. On peut dire : une femme moderne et libre. Un jour je l’entendis dire à un voisin qui avait dépassé son temps d’arrosage : « Jamais un homme ne m’a commandé, ce n’est pas toi qui va commencer, bougre d’âne ! ».
Puis, un jour, elle est revenue au pays pour s’occuper de son père âgé, veuf pour la seconde fois et de son frère André.
En plus des travaux agricoles, dans la grande maison, avec la petite licence, elle tint une sorte d’auberge les week-ends de l’été. Rapidement elle parvint à une certaine notoriété dans le canton et même jusqu’à Nice.
Du plus loin que je m’en souvienne, j’ai en mémoire l’image de cette personne. Il faut dire que pour un enfant de sept ou huit ans les femmes de soixante, à cette époque, paraissaient bien vieilles. Moi je l’aimais bien, elle remplaçait la grand-mère partie trop tôt. La semaine elle allait et venait, toujours vêtue de la même tenue : une robe d’un gris-bleu indéfinissable et d’un tablier bleu marine délavé. Les cheveux presque blancs tirés en arrière en un chignon collé sur la nuque.
Elle se déplaçait la tête haute, droite comme un I, fière comme ces femmes des pays du sud ou d’Afrique qui ont l’habitude de porter des charges sur le sommet de leur crane. Elle cheminait tranquillement, la poitrine généreuse en avant qui lui descendait maintenant jusqu’au nombril. Qu’était donc devenue la belle jeune fille de la photo ? Chez eux c’était elle la patronne, c’est elle qui dirigeait la maisonnée, qui distribuait les tâches à ses sœurs et frère.
L’été en dehors des week-end, les joueurs de boules venaient chez elle pour se rafraichir. Que de cris et de rires dans la grande salle contigüe à la cuisine au premier étage. Certains, à qui les apéritifs anisés avaient ouvert l’appétit, lui demandaient : « Rosa peux-tu nous servir à manger ? ». Elle répondait invariablement : « Vous me faites caguer, je n’ai rien ! ». Puis dix minutes plus tard on la voyait apparaitre portant un plat de tranches de jambon de montagne, des tomates, des sanguins à l’huile du pain et du vin. Son vin ! Les vignes courraient dans la forêt depuis belle lurette, comme dans la chanson, mais tous les ans elle achetait du raisin dans un département voisin pour en faire du vin dans sa cave. Deux cageots de rouge pour un de blanc, c’était la bonne proportion, un peu de sucre (il fallait qu’il pèse pour se conserver) et en avant…
Comme dans chaque village la politique partageait le pays en deux. Depuis la libération les ‘’rouges’’, largement majoritaires, étaient aux manettes. Tout ce beau monde venait chez GILLI, refusant de fréquenter le bar de ‘’Lucien du Zouave’’ farouche opposant. Rosa, elle, se moquait bien de la politique mais comme elle avait des relations tendues avec cet homme, elle trouvait là un bon moyen de lui faire payer quelques mauvaises actions. C’est ainsi que certains élus festoyaient allègrement chez elle, presque gratuitement. Le pauvre Lucien, dépité, qui lui avait la licence 4, se plaignait du manque de clientèle et allait se plaindre à la gendarmerie de Puget-Théniers disant qu’il était anormal que… Je n’ai jamais compris pourquoi ces braves pandores arrivaient à onze heures trente et repartaient, l’enquête bouclée, vers quatorze heures, le képi un peu de travers sur la tête. Autres temps, autres mœurs… !
Petit à petit elle cessa ces activités, passant son temps entre ses potagers et son poulailler, après le décès de ses sœurs à presque quatre-vingts ans elle laissa ses biens à un neveu qui les avait pris en charge elle et son frère.
Quand nous allions la saluer nous la trouvions invariablement assise devant la grande table de la cuisine, les coudes posés sur une serviette soigneusement repliée et ses doigts pianotant sur la toile cirée une musique qu’elle seule connaissait. Elle nous conviait à nous assoir, puis me disait : « Roger sert-toi à boire ».
Quand je lui demandais de me donner des nouvelles de sa santé elle répondait : « Je vais mal, j’ai du diabète, je ne peux plus manger de pommes de terre et de haricots en grain. Ces médecins m’emmerdent ! ». Têtue, elle envoya promener docteurs et régimes tant et si bien qu’à quatre-vingt-dix ans on dut l’amputer d’un orteil, conséquence de sa gourmandise.
Le 7 décembre 1987 Louise et moi sommes allés lui rendre visite en l’hôpital Saint Roch, à Nice, c’était la fin. Elle ouvrit un œil une seconde : je pense qu’elle nous avait reconnu.
Le lendemain matin elle était partie saluer Saint Pierre, son panier au bras… Le pilier de la famille, le général comme l’avait surnommé son frère, Rosa était partie rejoindre les siens pour l’éternité.