Amics occitans, la cronica Ribon-Ribanha d’ancuei, titrada “Rescòntres occitans dau 2019.”, v’es prepauada da Françon Dalbera segretairitz de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !
Rescòntres occitans dau 2019
Un centenau de personas si son retrovadi au centre de vacanças « Le Brudou » au Pònt (Pont du Fossé) dins li Auteis Aups.
« Le Brudou »
An partecipat ai ataliers de lenga, sociolinguistica, cultura e civilisacion, bilinguisme, patrimòni, cant, musica, dança e cosina per lu tres premiers jorns e lenga, escrich e oralitat, toponimia, jorgina, botís, environament, cant, dançar embé lo cantar per la fin de la setmana.
Atalier botís
Per ieu siguèt l’escasença de retrovar de monde que conoissi de lònga e finda de joves, de pichoi de l’escoleta qu’an presentat un polit cònte per lo sieu espectacle.
L’escoleta presenta lo sieu cònte
La jornada tota si podion faire li activitats, après si podia pilhar un banh en la pesquiera.
De seradas èran prepauadi. M’a plasut totplen lo cònte musical « Joan dei Pèiras » embé Renat Sette e Mario Leccia. Fuguèt jugat defòra emb’au vent que semblava si mesclar ai votz, coma un element dau decòr.
Li danças
Lo balèti a Sant Joan-Sant Nicolau
Lo paisatge de montanha, lo riu « l’Adós dei Folons », lo Drac èran per nautres de moments de passejadas dins un environament agradiu.
Adós dei Folons
Mi sentii coma dins una grana familha. Cadun embé la sieu personalitat, lo sieu saupre faire podia adurre la sieu pèira.
Moment d’escambis dau temps dau past
Bessai la lenga occitana s’es sentida pas tant soleta, coma reviscolada aquesta setmana, per repilhar lo buf e avançar sus de draias novèli.
De segur, totplen de questions demoran, mas sabi que cau de temps per chifrar ai projècts qu’avèm mes en plaça aquí e que bessai aqueu moment serà una ajuda per la seguida.
Esperi que la nòstra lenga porrà èstre mai conoissuda e serà totjorn duberta devèrs lo monde.
Françon DALBERA
Credit fòtos : Françon Dalbera, Céline Bq, Régine Baquié
Rencontres occitanes 2019
Une centaine de personnes se sont retrouvées au centre de vacances « Le Brudou » à Pont du Fossé dans les Hautes Alpes.
Elles ont participé aux ateliers de langue, socio-linguistique, culture et civilisation, bilinguisme, patrimoine, chant, musique, danse et cuisine pour les trois premiers jours et langue, écrit et oralité, toponymie, accordéon, boutis, environnement, chant, le chant par la danse pour les trois autres jours.
Pour moi ce fut l’occasion de retrouver des gens que je connais depuis longtemps et aussi des jeunes, des enfants de « l’escoleta »
qui ont présenté un joli conte pour leur spectacle.
Toute la journée on pouvait faire des activités, après on pouvait prendre un bain dans la piscine . Les repas étaient succulents.
Des soirées aussi étaient proposées. Le conte musical « Jean des Pierres » avec René Sette et Mario Leccia m’a beaucoup plu.
Il fut joué dehors avec le vent qui semblait se mêler aux voix, comme un élément du décor.
Le paysage de montagne, le torrent l’Adoux des Foulons , le Drac étaient pour nous des moments de promenade dans un environnement agréable.
Je me sentais comme dans une grande famille. Chacun avec sa personnalité pouvait emmener sa pierre à l’édifice.
Peut-être que la langue occitane s’est sentie moins seule, comme ravivée cette semaine, pour reprendre du souffle et avancer sur des sentiers nouveaux.
C’est sûr, beaucoup de questions demeurent, mais je sais qu’il faut du temps pour réfléchir aux projets que nous avons mis en place et que peut-être ce moment sera une aide pour la suite.
J’espère que notre langue sera davantage connue et restera toujours ouverte sur le monde.