Amics occitans, la cronica Ribon-Ribanha d’ancuei, titrada « La comunala. » es prepauada da Rogier GILLI, soci de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.frRetour ligne automatique
« La garderem ribon-ribanha, nòsta rebèla lenga d’òc »
La Comunala
Embé ma maire e ma sòrre, pichoneta encara, l’estiu 52 l’avèm passat enamont a Rigaut embé Tanta Lisa, ma gran, en la sieu maion. A la seson dei figas maduri, devèrs lo quinze de setembre, a caugut, ailàs, s’en calar a Niça. Aquesto an l’i es un gran eveniment que s’avesina : serà la mieu entrada en l’escòla comunala. La debuta de la vida dins lo monde vertadier dei òmes, la fin de l’ensociença de la prima enfança !
Ai jorns d’aquesta epòca la rentrada escolaresca si faia au principi dau mes d’octòbre. Cen que permetia ai enfants dei campanhas d’ajudar lu parents, sigue per li vendemias, sigue per engranjar li darrieri recòrtas. Quauqu braç de mai faian ben mestier.
Quora, dins li corts dei escòlas, li fuèlhas dei maroniers si roiavan, lu aubres maestós laissavan cascar aqueli bèli castanhas d’ae. Castanhas d’ae lusenti e tant sueli que faian lo bonur dei pelandrons per de juecs pas totjorn inocents ò que si metian en la borniera coma un brèu. Brèu que devia escaçar li marridi cauvas de la vida vidanta.
Brèu qu’ai trovat l’i a gaire, dins una boita embé de vièlhi fòtos, dins lo font d’un tirador, quora ma maire s’es enanada per lo sieu darrier viatge. Brèu que li portèt gaire fortuna…
Ai jamai capit perqué un avia plantat d’aquestu aubres dins la cort dei escòlas de garçons, perqué èra denebit de jugar embé li sieu fruchas a cost de si faire castigar dau magistre m’un poncha-pen au cuòu e quauqui regas a escriure lo sera, après lu cors. Totun, cau dire que n’a ben ajudat per emparar li conjugasons.
Es per aquò que un ‘près-dinnar, au principi de l’auton, mi trovèri carriera de la repùblica a cò de Damiano per crompar una blòda d’escolan. Una blòda obligatòria que sigue gria, negra ò, mai moderna, embé de pichins carrèus per lu garçons. Que masaguin ! Pròpi una bauma ! Que forfolh !
Una chorma de vendeiritz, de tauliers cuberts de tissuts, d’estatgieras cargadi de boitas de botons, de ribans de toi lu colors, de blòdas a breti, de faudius e de raubas a molon, eca… e aquesto odor d’estòfa nòva, l’ai encara en lo ment. La blòda es crompada lèu, ben grana : cau que « fague » au manco doi ans.
Lo gran jorn es arribat, set oras e mieja de matin, embé ma maire, si siam encaminats.
N’a caugut gaire de temps per calar la carriera De Orestis despí lo 15, atraversar la carriera Scaliero, la plaça Arson desertada dai bochaires tant d’ora, e si trovar davant dau gran portau de ferre de l’escòla Pèire Merle*. L’entrada carriera Barla èra proíbida ai escolans e toi si radunavan tra lu barris de l’escòla e lu juecs de bòchas.
Que bolum quora un durbèt lo portau, lu « grans » passèron premier, contents de si tornar trovar après li vacanças. Avian tant de cauas da si contar e sobretot de saupre en quala classa seriàn e embé qual magistre. Pi quora toi foguèron dedintre siguèt lo torn dei pichoi acompanhats dai parents.
N’i a que non volian entrar e bramavan coma vedèus, ieu ai seguit sensa dire ren embé la mieux pichina cartèla de carton bulhit en una man e l’autra que tenia aquela de ma maire.
Dins la cort, fogueriam aculhits da Monsur Martin, lo director. Òme gaire gran, seriós dins lo sieu costume fosc ‘mé lu sieus belicres de ferre, berris e pichin mostàs blancs, faguèt la sonada. Nen presentèt la nòstra magistra, Madama Rogier (aquò non s’inventa) e demandèt ai parents de s’en tornar. Mi remembri gaire d’aquesta frema, senon qu’avia una votz doça e que manejèt lu escolans coma siguèsson lu sieus enfants.
La classa èra dins un pichin bastiment a drecha dau portau, au plan terren, apontelat au gran barri que asseparava l’escòla de la manufactura dei tabacs (bastiment desparèissut ai jorns d’encuei). Una grana lavanha negra, un pontin embé lo bureu de la magistra a man seneca, très filas de bureus-bancs de bòsc a doi plaças ‘mé lu sieus doi peniers de faiança blanca, vinta-cinc ò vinta-sieis mainaus coma ieu, que la si pilhavan bassa per lo moment. L’odor dei caderns nòus, de la pos de senòri, de l’encra violeta un pauc pus tardi : un autre monde si presentava embé dei reglas noveli.
Sabii pas encara que venii de ne’n « pilhar » per tretze annadas…
Emparèri, pus tardi, perqué Monsur Martin, ancian adjudant coma totplen de magistres de l’epòca, qu’avia jugar embé Tanta Chiqueta dau temps de la grana guèrra, si passejava en li recreacions embé la sieu bleta de bambo en man.
Lo darrier dei cueissas n’a brutlat mai que d’un còup : Disciplina ! Bandit de córrer, bandit de puar sus l’escalinada dau perron, de si garolhar, de jugar a « Seba » e sobretot bandit de dire de mòts niçards…
« O tempora o mores ». Tot aquò a ben cambiat !
*Pèire Merle : ancian director de l’escòla, resistant dau temps de la guèrra de 39/45, mòrt en deportacion en lo 1944 en Alemanha.
Rogier GILLI Abriu dau 2019
La Communale
Avec ma mère et ma sœur encore nourrisson, l’été 1952 nous l’avons passé à Rigaud, chez Tante Lisa notre grand-mère. A la saison des figues mûres, vers le quinze-septembre, il a fallu redescendre à Nice, hélas ! Cette année un grand évènement se profile à l’horizon : ce sera pour moi mon entrée à l’école communale, ma première année d’écolier. Le début de ma vie dans le monde des hommes, la fin de l’insouciance de la prime-enfance.
A cette époque la rentrée scolaire se déroulait au début du mois d’octobre. Ce qui permettait aux enfants des campagnes d’aider leurs parents, soit pour les vendanges, soit pour engranger les récoltes tardives. Autrefois, quelques bras supplémentaires n’étaient pas superflus. C’était le moment où, dans la cour des écoles, les feuilles des marronniers se teintaient de rouille et que ces arbres majestueux, laissaient échapper leurs fruits. Marrons d’Inde si brillants et lisses qui faisaient le bonheur des garnements, pour des jeux pas toujours innocents ou que l’on mettait dans le fond d’une poche comme une amulette. Porte-bonheur qui devait chasser les mauvaises choses de la vie. Talisman que j’ai retrouvé, dans une boite avec de vieilles photos, au fond d’un tiroir après que ma mère soit partie pour son dernier voyage. Amulette qui ne lui porta guère chance…
Je n’ai jamais compris pourquoi on avait planté ces arbres dans les cours d’école de garçons. Il était interdit de jouer avec leurs fruits, au risque de recevoir un coup de pied au cul, de la part d’un maitre, et d’écoper de quelques lignes à rédiger après les cours. A vrai dire cela nous a bien aidé pour apprendre les conjugaisons.
C’est ainsi qu’un après-midi de début d’automne, nous allâmes rue de la République, chez Damiano, acheter une blouse d’écolier. Une blouse obligatoire, qu’elle soit noire, grise unie ou plus moderne à petits carreaux. Quel magasin ! Comme une grotte ! Quel fouillis ! Une troupe de vendeuses, des tables couvertes de tissus, des étagères chargées de boites de boutons, des rubans de toutes les couleurs, des blouses à volonté, des robes et des tabliers à ne savoir qu’en faire. Etc… Et cette odeur d’étoffes neuves, je l’ai encore en mémoire ! La blouse est vite achetée, un peu avantageuse, c’est sûr, mais elle doit durer au moins deux ans ! Sept heures et demie du matin, avec ma mère, nous nous sommes mis en chemin. Il nous a fallu peu de temps pour descendre la rue de Orestis, depuis le quinze.
Puis pour traverser la rue Scaliero, la place Arson, désertée par les boulistes de si bonne heure, et nous retrouver devant le grand portail métallique de l’école de garçons Pierre Merle*. L’entrée par la rue Barla étant interdite aux écoliers, tous étaient rassemblés là, entre les murs de l’école et les jeux de boules.
Quelle bousculade quand on ouvrit le portail, les « grands » entrèrent en premier, contents de se retrouver après les vacances. Ils avaient aussi tant de choses à se raconter et de savoir dans quelle classe ils seraient, avec quel maitre. Quand tous furent à l’intérieur, ce fut le tour des « petits » accompagnés des parents. Il y en avait qui ne voulaient pas entrer, qui braillaient, moi j’ai suivi le mouvement, sans dire mot, tenant mon petit cartable de carton bouilli d’une main et de l’autre celle de ma mère.
Dans la cour c’est Mr Martin, le directeur, qui nous accueillit. Un homme pas très grand, la mine sévère dans son costume sombre, cheveux et moustache blancs, petites lunettes à montures de métal, il fit l’appel. Il nous présenta notre institutrice : Mme Rougier, puis demanda aux parents de se retirer. J’ai peu de souvenir de cette dame, sinon qu’elle avait une voix très douce et qu’elle s’occupa de ses élèves comme s’ils fussent ses propres enfants. La salle de classe était située à droite du portail, dans un petit bâtiment de plain-pied appuyé au grand mur qui séparait l’école de la manufacture des tabacs, bâtiment disparu de nos jours. Un grand tableau noir, une estrade avec le bureau de l’institutrice à gauche, trois rangées de bureaux d’écolier double en bois avec leurs deux encriers de porcelaine blanche, deux douzaines de gamins qui se tenaient tranquilles, pour l’instant ! L’odeur des cahiers neufs, de la poussière de craie, de l’encre violette un peu plus tard : un autre monde se présentait avec de nouvelles règles. Je ne savais pas que je venais de « signer » pour treize années.
J’appris, à mes dépends par la suite, pourquoi Mr Martin, ancien adjudant comme beaucoup d’instituteurs de cette époque, qui avait joué avec la mort pendant la grande guerre, se promenait, une baguette de bambou à la main au cours des récréations. Le derrière des cuisses nous a chauffé maintes fois : discipline ! Interdit de courir, interdit de monter sur les marches du perron, interdit de se bagarrer, de jouer à « Seba » et, surtout, interdit de parler niçois…
« O tempora, o mores » Les choses ont bien changé, depuis !
*Pierre Merle, ancien directeur, résistant, mort en déportation en 1944.