Amics occitans, la cronica Ribon-Ribanha d’ancuei, titrada « Da la mieu fenèstra… », v’es prepauada da Joan-Pèire BAQUIÉ president onorari de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! «
Desfida de Celina ! Escriure un pichin tèxte d’un vintenau de regas en tres paràgrafos sus lo tema : « Da la mieu fenèstra veï… », « Da la mieu fenèstra audi… », « Da la mieu fenèstra imagini… » embé de variantas possibli « Da la mieu fenèstra senti… », « Da la mieu fenèstra pantaii… » eca…
Da la mieu fenèstra…
Da la mieu fenèstra veï la carriera vuèia, deserta, inanimada,
Basta li platanas a la rusca escaumoa qu’asperan la prima per grelhar,
De veituras parquejadi e abandonadi per un temps dai sieus mèstres,
Lo rosier jaune « lady Banks » dau Palais-Real, l’immens auciprès de l’Ostaria Imperiala ai brancas ondejanti,
Lo teatro de l’Aiga Viva barrat qu’aspera la pràctica que vendràn pas esto sera,
Lu paumoliers de la Maion Blanca que si breçolan. Es la levantada,
Da la mieu fenèstra audi lu aucèus, inaudibles per temps normal,
Lu gabians s’aluenhan de la mar en mandant de pichins brams,
Lo marrit temps es per camin,
Lu colombs roncan, si sònan, vòlon crear una familha,
Una agaça chacharonea e canta lo sieu amor, un merlo solitari li respònde,
Da la mieu fenèstra audi cada sera lo monde picar dei mans,
Li mieui participan au concert qu’es pas aqueu dau jorn de l’an.
Da la mieu fenèstra pantaii : es que lo monde serà tornarmai bèu deman ?
Segur ! Lo demandi, lo cridi, lo vòli !
Si retroverem toi ensems, dins la jòia retrovada,
Un lendeman que canta, fach d’amor, d’amistat e de convivialitat,
Aurem emparat l’umilitat, lo respèct de l’autre,
Sauprem cen que viure vòu dire, l’aurem emparat mas lo caurà pas denembrar.
Joan-Pèire BAQUIÉ lo 23 de març dau 2020
NOS AN ESCRICH : veire en bas de pàgina
Credit fòto : Regina BAQUIÉ
Depuis ma fenêtre…
Depuis ma fenêtre je vois la rue vide, déserte, inanimée,
Uniquement les platanes avec leur écorce écailleuse qui attendent le printemps pour bourgeonner,
Des automobiles garées et abandonnées momentanément par leur propriétaire,
Le Rosier jaune « lady Banks » du Palais Royal, l’immense cyprès de l’Hôtel Impérial et ses branches ondoyantes,
Le théâtre de l’Eau Vive fermé qui attend des clients qui ne viendront pas ce soir,
Les palmiers de la Maison Blanche qui se balancent. C’est à cause du coup de vent d’Est.
Depuis ma fenêtre j’entends les oiseaux, inaudibles en temps normal,
Les goélands s’éloignent de la mer en poussant de petit cris,
Le mauvais temps s’achemine,
Les pigeons roucoulent, s’interpellent, ils désirent créer une famille,
Une pie caquette et chante son amour, un merle solitaire lui répond,
Depuis ma fenêtre j’entends chaque soir les gens applaudir,
Les miennes participent au concert qui n’est pas celui du jour de l’an.
Depuis ma fenêtre je rêve : est-ce que le monde sera à nouveau beau demain ?
Bien sûr ! Je le réclame, je le crie, je le veux !
Nous nous retrouverons tous ensemble, dans la joie retrouvée,
Avec des lendemains qui chantent, remplis d’amour, d’amitié et de convivialité,
Nous aurons appris l’humilité, le respect de l’autre,
Nous saurons ce que vivre veut dire, nous l’aurons appris mais il faudra ne pas l’oublier.
NOS AN ESCRICH :
JJ de Niça : o collèga
o fan, m’a donat fam la tieuna ribanhariá
urosament que canibale lo siáu pas, e que me siáu pas manjat una man … auriá pas poscut picar dei doas …
e viva
ps: te farà pas socit se la fau virar un chicon ?
jjdn
Joan-Pèire : Adieu JJDN,
Pas de problèma per la faire virar, basta citar lo sorgent (site de l’IEO-06). La desfida es finda per tu… Non denembrar la traduccion e l’imatge d’illustracion… que publiquerem aquò après.
Ti desiri una bòna jornada.
Irene Ulli Joan Pèire Ici a Sempie vegu fiuca lei jo tout bianc. Ciao (Aquí a Sent Píer veï calar de nèu es ja tot blanc)
Françon Dalbera Totplen ben escrich e pròpi plen d ‘esper . Segur la fèsta revendrà.
Joan-Pèire SPIES : Adieu Joan-Pèire
Ver que quora la pòrta es barrada, resta la fenèstra !
Bèla desfida que capitères, dau bòn !
Auguèri finda l’idea de convidar lo monde a escriure… a escambiar…
A si reveire… lèu ?
Baietas a l’ostalada
Amistat
Anne Berthoux (Les Mots à la bouche 06)
Je reçois les messages d’Alain Ribière et je me demandais si tu serais d’accord pour que Les mots à la bouche publient ton chouette texte « da la mieu fenèstra » dans une prochaine lettre internet ou sur notre site… qu’en penses-tu ?
Bien cordialement à toi et à bientôt pour te lire.
Joan-Pèire : Aquest tèxte siguèt escrich per convidar lo monde a escriure, la fenèstraestent un bòn meso per fugir, faire baronar l’esprit. Siáu de pacti per fin que publiquèsses aquest tèxte sus dau tieu jornal e/ò sus lo tieu site. Receu la mieu amistat.