Amics occitans, la cronica Ribon-Ribanha d’ancuei titrada “Transicion ecologica : e viva lo local e la diversitat” v’es prepauada da Viviana NERVO, sòcia de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Transicion ecologica : e viva lo local e la diversitat
« Aqueu que si crese qu’una creissença pòsque durar de lònga en un monde finit es sigue un fòl sigue un economista » Kenneth BOULDING (1910-1993)
Kenneth BOULDING (1910-1993)
Au nom de la libertat, de la proprietat privada e de la tecnica, lo sistema liberal a creat totplen d’inegalitats, de pauretat, a desvolopat l’individualisme, destruch lu liames tra lu òmes e entre l’òme e la tèrra.
Per aquest babau ai multipli tentaculas, lu sòls, l’aiga, l’ària, li bèstias, li plantas e l’uman parier son venguts de produchs a vendre sensa minga morala ò etica.
Ma ancuei aquest sistema arriba de fach ai limitas sieui, la fin dau monde tau que lo connoissem es inevitabla e son numerós aquelu qu’obran per que la transicion sigue la mai doça possibla.
Per exemple dins lo monde entier de paisans se revoltan contra li multinationalas que li vendon de poisons per lo sòl ò de granas esterili… Ren qu’en América mai de 4000 proceduras son estadi entamenadi contra Monsanto ò autri distributors de mòrt !
Au nòstre, totplen de joves assajan de trovar un canton de tèrra non encara betonada per la cultivar ò per crear d’òrts compartits.
D’autres cercan l’autonomia energetica e alimentara.
L’avenidor es sensa dubi dins lo local, lo partiment e la sobrietat.
L’avenidor es tanben dins lo retorn devèrs de saupre-faire e saupre-viure ancestraus.
Ensinda, n’i a un que s’es mes en tèsta de luchar contra la privatisacion dau viu en s’ajudant dau passat.
Partent dau fach que 75 dau cent dei varietats de liumes e fruchas an despareissut en un sègle, Maxime Schmitt barutla dins la region en recerca de semenças anciani, per li reviscolar e de li despartir dins un malhum de personas que li van cultivar per non li tornar perdre.
Per exemple a rescontrat une vielha frema que li a balhat de granas de cèba doça de Menton, mai productiui, mai vigoroï e mai resistenti ai malautias, e tanben lo biais de la manjar, lo result dau trabalh de 4 générations de paisans !
Meme percors per lo pebron quadrat especialament seleccionat per la fabrication dei pichins farcits, lo tomati -pruna de Niça, lu faiòus « mascarada » de Brelh, pelandron ò lagramua, la cogorda lònga de Niça ò aquela de Molinet, lo caulet bròcoli qu’èra totplen cultivat en plana de Var e que non si tròva plus qu’en cò de quauqu ortalhers. De varietats adaptadi au luèc e au climat, mai gustoï e mai nutritivi.
En brua de la lei qu’enebisse totjorn de donar, escambiar ò vendre una semença que non figura au catalòga oficial a tota persona que ne’n farà un « usatge comercial », la tòca de l’association es de valorizar la grana dins lo sieu contexte culinar, istoric, gustatiu ..e de tornar donar l’autonomia ai paisans.
Alora s’avètz ò connoissètz de semenças locali que non si troban plus sus lo mercat, oblidatz pas de contactar la Maion des Semences Paysannes Maralpines (MSPM)
Lo monde es a cambiar, lo devètz ajudar a pihar la dràia la mai bòna !
De veire sobre aqueste subjèct l’emission Cash Investigation (18/06/2019)
https://www.francetvinfo.fr/replay-magazine/france-2/cash-investigation/cash-investigation-du-mardi-18-juin-2019_3465425.html
Viviane NERVO
NOS AN ESCRICH :
Françon Dalbera : As escrich aqueu texto l’ an passat coma se siguesse una vision d’ avenir. Avem viscut lo periodo de la crisi sanitaria e avem vist que la proximitat per lu produchs , la produccion locala eran una necessitat. L’ uman es lo mai important .
Ti fau de baietas, cara Viviana.
JPB : Lo monde s’es aluenhat de la natura, l’a contrariada, l’a matrassada e aüra que podèm laissar en eritatge ai nòstres enfants ? De roinas ! Devèm tornar bastir un monde novèu : “Òme desvelhe-ti es encà temps” Alan Pelhon (La darriera flor)
Carlòta Rubini : Viviana bònjorn !
Ai liejut lo tieu texto e m’a força plasut !
Lo subject m’agrada de mai en mai e aurii besonh de la tieu ajuda. Vequi: sabes qu’ai una grana campanha e vorrii ben la cultivar ‘mé d’autri personas, la partejar….e faire l’òrt coma lo faia mon òme JP. A. e qu’es tròup las aüra per contunhar….. Caurii si veire se pòs, per mai d’explicas e de rensenhaments sus la tieu associacion !!!!
Capèu per lo tieu article !!! Un fai de baietas de Carlòta
Joan-Pèire Spies : Òsca Viviana per lo tieu tèxte !
Es una grana mai semenada en vista d’un monde plus savi, qu’a pron besonh de gents coma tu en cerca d’una vida sana, sòbria, conviviala.
Anne-Marie Sgaravizzi-garcia : Bèlas iniciativas, mercé per aquèu tèxte, Viviana !!
Transition écologique : vive le local et la biodiversité
« Celui qui pense qu’une croissance économique infinie est possible dans un monde fini est soit fou soit un économiste. » — Kenneth E. Boulding (1910-1993)
Au nom de la liberté, de la propriété privé et de la technique, le système libéral a créé de nombreuses inégalités, de la pauvreté, a développé l’individualisme et détruit les liens entre les hommes et entre l’homme et la terre.
Pour ce monstre aux multiples tentacules, les sols, l’eau, l’air, les animaux, les plantes et l’humain également sont devenus des produits à vendre sans aucune morale ou éthique.
Mais aujourd’hui ce système arrive de fait à ses propres limites, la fin du monde tel que nous le connaissons est inévitable, et nombreux sont ceux qui travaillent pour que la transition soit la plus douce possible.
Par exemple dans le monde entier des paysans se révoltent contre les multinationales qui leur vendent du poison pour le sol ou des graines stériles… Rien qu’aux USA plus de 4000 procédures ont été entamées contre Monsanto ou d’autres distributeurs de mort !
Chez nous, de nombreux jeunes essayent de trouver un coin de terre pas encore bétonnée pour la cultiver ou pour créer des jardins partagés.
D’autres cherchent l’autonomie énergétique et alimentaire.
L’avenir est sans doute dans le local, le partage et la sobriété.
L’avenir est aussi dans le retour vers des savoirs-faire et des savoirs-vivre ancestraux.
Ainsi, il y en a qui s’est mis en tête de lutter contre la privatisation du vivant en s’aidant du passé.
Partant du fait que 75 % des variétés de fruits et légumes cultivés ont disparu en un siècle, Maxime Schmitt parcourt la région en recherche de semences anciennes pour les faire revivre et les faire circuler dans un réseau de personnes qui vont les cultiver pour ne pas les perdre de nouveau.
Par exemple il a rencontré une vieille femme qui lui a donné des graines d’oignon doux de Menton, plus productives, plus vigoureuses et plus résistantes aux maladies, e aussi la manière de les consommer, le résultat du travail de 4 générations de paysans !
Même parcours pour le poivron carré spécialement sélectionné pour la fabrication des petits farcis, la tomate-prune de Nice, les haricots « mascarade » de Breil, « pelandrons » ou « lagramua », la courgette longue de Nice ou celle de Moulinet, le chou brocoli qui était beaucoup cultivé dans la plaine du Var et qui ne se trouve plus que chez quelques maraîchers. Des variétés adaptées au lieu et au climat, plus goûteuses et plus nutritives.
En marge de la loi qui interdit toujours de donner, échanger ou vendre à toute personne qui en fera un « usage commercial » une semence qui ne figure pas au catalogue officiel, l’association se donne pour tâche de valoriser les semences dans leur contexte culinaire, historique, gustatif… et de rendre leur autonomie aux paysans.
Alors si vous possédez ou si vous connaissez des semences locales que l’on ne trouve plus sur le marché, n’oubliez pas de contacter la Maison des Semences Paysannes Maralpines (MSPM)
Le monde change, vous devez l’aider à aller dans la bonne voie.
A voir sur ce sujet l’émission Cash Investigation (18/06/2019)