Amics occitans, la cronica Ribon-Ribanha d’ancuei, titrada “Generacions.”, v’es prepauada da Joan Claudi Puech, amic Facebook de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !
Generacions
“Es un ostau blau acotat a la cὸla, cadun i pὸu intrar, aquelei que vivon aicí an gitat la clau …”
Cantejava en occitan aquela cançon descubèrta un dissabte de sera, quaranta ans fai (exactament lo temps que lo desseparava d’Arutam) davant l’ecran negre e blanc de la television. La revirava de son biais tot en trabalhant, sensa se socitar de l’excelléncia de la causa, e siguèsse entrepachat per quauquei paraulas que lei cambiava quand e quand, coma venián, sensa vertadierament l’i pensar.
A pron pena se la melodia rementava quauqua ren a Arutam; un èr vagament conegut, e segur que Frederic deconejava, coma a son acostumada, en calcant dessús lei mots que li passavan per tèsta dau temps qu’èra a pintar lei cὸntravents. Color “cèu de Provença”.
Mandèt un cὸp d’uelh a la joventa e passèt au francès, sabiá que cantava ben e qu’aquὸ suspreniá bὸrd qu’aviá pas lo “morre de l’emplec” coma li aviá dich quauqu’un, un jorn. Arutam compreniá, ara, e l’escotava amb atencion, lo vironant d’una agachada verda de mai en mai intensa a flor e mesura que debanava, eu, lei paraulas de la cançon.
“Es per aquὸ qu’es jamai sarrat au tieu?”
I aviá pas pensat, mai non, èra sempre estat ansin, lei grands escondián la clau sota un malon prὸcha la pὸrta puei l’oblidavan. De tot biais jamai s’enanavan, ges de vacanças, ges de viatges. Non, çὸ que l’aviá enfachinat en 1972, aviá dètz ans de temps, èra aquel fantasma de destinadas que de lὸnga se crosavan dins d’anar-venir incertans. Joines adults dau peu lὸng e dei camisas floridas que badava, eu.
“Ja atomisats!”faguèt Arutam.
-Qué?
-Individualisme mai que vida comuna, çὸ que li disi atomisacion ieu, es a dire que cadun se farga sa prὸpria mitologia, cadun la sieuna, cadun per se, cadun de quistar demest leis autrei una respὸnsa, un biais d’exorcizar sa trèva personala. Ren que posquèsse ben tenir la mar.”
Se crompèt un chut puei tirèt son esmartfὸn de la pὸcha dau jeans e s’assetèt sus lo darrier escalier, s’apielant d’esquina cὸntra la baranda qu’una redὸrta fèra dempuei longtemps n’aviá fach son palisson. Frederic l’aviá pas copada, trobava qu’aquὸ èra polit.
Arutam l’agachava plus, fasiá cόrrer lei dets sus l’ecran pichὸt coma se tocava un instrument de musica e Frederic posquèt subran ausir la cançon originala, gaire de temps, quauquei segondas, avans que la joventa passèsse a autra causa. “Cantes ben, fin finala.” que li faguèt sensa levar lei uelhs. Se tractava ara d’un document de l’INA, una entrevista dau vertadier cantaire. Peu lὸng, barba enflorida e mai siguèsse semenada clara, regard doç, lo tipe “cool” un pauc flac.
“ On the road again! Mai pas trὸp ça que la, diguèt mai Arutam, just lo temps de se la jogar “flower power” avans que de tornar a París au mofle de l’ostau e de fargar una cançon a la mὸda, e d’i crèire un pauc. Pantais, fantasmas de pauc cὸsta, e de citar Kerouac, una generacion avans, qu’aviá ren de veire amb tot aquὸ, d’alhors lei “beatniks” lei podiá pas sofrir aquest.
– As legit Kerouac, tu?
– Òc, de segur que Marc n’a tota la rejoncha dins la bibliotèca. Siatz un pauc pariers totei dos; avètz d’idèas, ὸ d’envejas que prenètz per d’idèas, mai ges d’accions.
– Que vὸs, èriam en bosca d’un bonür personau, la cerca de se, e la societat, se lo pensaviam, nos esquichava, e encuei es piéger benlèu.
– “Cerca de se”, “realisacion personala”, aquὸ tinda coma d’eslogans e cadun de pitar au musclau! Gausissètz! Gausissètz d’una soma de plasers de nani! Plasers farlabicats, paurei pinhὸlas pigras sempre insatisfachas e lèu mandadas dau temps que la mitat dau monde crèba la fam, que s’arrascassís la planèta e que per lo bestiam qu’acaban dins la nὸstra sieta es Buchenwald totei lei jorns! E t’en passi! Siam dei mamifèrs, Frederic, pas mai, siam d’aquest monde e es sensa remèdis, ges d’en delà que nos espèra, ges de “se” escondut que se desvelariá un jorn bὸrd qu’existèm pas solets, que siam de lὸnga en bastisson, en interaccion ambé leis autreis. Lo solet biais es de s’organizar ensems per posquer viure, per pas trὸp patir. Per exemple, tu, coma vas faire aquí? As pas manco assajat la vièlha caudiera encara que segur marcharà pas e as pas lo sὸu per ne’n cambiar. E mai siguessiam en plen cambiament climatic te lei pelaràs! De tot biais, sensa leis autrei, es dins ta tèsta que crebaràs de la freg! E tei tartiflas, mai mon paure, les crèbafams te lei vendràn, panar! E clavas jamai l’ostau? Siás dins lo pantais! De qué te creses? Pὸs faire l’ermitant se vὸs, mai avisa te que dins gaire lo podràs plus faire, l’Istὸria, la granda, aurà lèu fach de nos ragantar. Auriam de faire targa ensems. Escota, siam a fargar una mena de CNR, dins cada despartament, mai ὸ mens, nos farà de besonh d’endrechs per se recampar e benlèu mai per s’escondre. Aicí, auriás de monde, cadun ajudariá de son biais.”
Li respondèt pas, Frederic, se demandava s’aviá un calinhaire e coma se podián passar lei causas entreis elei dos. Sabiá ja que la joventa voliá ges d’enfants, li aviá dich que seriá un crimi dins lo monde de uei. Rebutava la vida que la voliá, se mestrejava per resistir a la lei de l’espècia, e benlèu, paradoxalament, per la melhor sauvar. Doça e polida Arutam plena de vὸlha, una mena de colèra la trevava. Mèfi, pichὸta, as la potència negra d’un Robespierre en tu.
Se sentiguèt encanhat subran e las, auriá vougut que la joventa s’enanèsse ara mai la podiá pas laissar de caire pasmens qu’un jorn ὸ l’autre segur que la faudriá tirar d’un marrit pas.
“Escota, que li faguèt, per ben s’escondre la premiera causa de faire es d’escampar lo telefonet e la segonda de pas mesclar escondalhas e recampaments. Aicí, serà per tu, soncament per tu, e aquὸ a de demorar secrèt.”
Semblava qu’una capa de plomb veniá de tapar l’ostau dei cὸntravents blaus, Arutam contunhava de pianotejar sus l’esmartfὸn e Frederic se languissiá de la nuech, onte, solet, luench de l’embolh e de l’agachada deis ὸmes, tornariá flairar la tèrra bruna de l’ὸrt en esperant lo silenci de l’auba que fai de cada matin l’acomençanca d’un monde nὸu. D’aqueu moment, solament, anariá s’ajaçar.
Joan Claudi PUECH
NOS AN ESCRICH :
Patricia Jouve : Magnific ! Grandmerce ! Ami força J.C Puech ! 💕💕❤️
Joan Pèire : Patricia Jouve Ieu tanben. Es estat una descuberta per ieu. L’IEO-06 publiquèt en octòbre de 2019, 2 ans de cronicas sieui sota lo titre de “Flors Paganas -cortetas de Mananca.”
Jean Claude Puech : Patricia Jouve me donas enveja de continuar! Potons!!!
Maurice Casciani : Compliments JCP ! Ti fau ….. e, mercé !
Générations
« C’est une maison bleue adossée à la colline, chacun peut y entrer, ceux qui vivent là ont jeté la clef… »
Il chantonnait en occitan cette chanson rencontrée un samedi soir il y a quarante ans (exactement le temps qui le séparait d’Arutam) devant l’écran noir et blanc de la télévision. Il la traduisait à sa façon tout en travaillant, sans se soucier de l’excellence de la chose, et fût-t-il gêné par quelques paroles qu’il les modifiait aussitôt, comme elles venaient, sans véritablement y penser.
A peine si la mélodie rappelait quelque chose à Arutam ; un air vaguement connu, et puis c’est sûr que Frédéric déconnait, comme à son habitude, en calquant dessus les mots qui lui passaient par la tête pendant qu’il peignait les volets. Couleur « ciel de Provence ».
Il jeta un coup d’œil à la fille et passa au français, il savait qu’il chantait bien et que cela surprenait puisqu’il n’avait pas la « gueule de l’emploi » comme lui avait dit quelqu’un, un jour. Arutam comprenait désormais et l’écoutait avec attention, le vrillant d’un regard vert de plus en plus intense au fur et à mesure qu’il déroulait, lui, les paroles de la chanson.
« C’est pour ça que ce n’est jamais fermé chez toi ? »
Il n’y avait pas pensé, mais non, cela avait toujours été comme ça, ses grands-parents cachaient la clef sous une brique, à côté de la porte, et l’oubliaient. De toute façon ils ne partaient jamais, pas de vacances, aucun voyage. Non, ce qui l’avait fasciné en 1972, il avait dix ans, c’était ce phantasme de destinées qui sans cesse se croisaient en aller-retours incertains. Jeunes adultes aux cheveux longs et aux chemises fleuries qu’il admirait, lui.
« Déjà atomisés ! fit Arutam.
-Quoi ?
-Individualisme plus que vie commune, ce que moi j’appelle atomisation, c’est-à-dire que chacun se forge sa propre mythologie, chacun la sienne, chacun pour soi, chacun de quêter au milieu des autres une réponse, une façon d’exorciser son fantôme personnel. Rien qui puisse bien tenir la mer. »
Elle se tut puis sortit son smartphone de la poche du jeans et s’assit sur la dernière marche de l’escalier en s’appuyant de dos contre la rambarde qu’une glycine sauvage avait depuis longtemps envahie. Frédéric ne l’avait coupée, il trouvait que cela faisait joli.
Arutam ne le regardait plus, elle faisait courir ses doigts sur l’écran minuscule comme si elle jouait d’un instrument de musique et Frédéric put soudain entendre la chanson originale, guère de temps, quelques secondes, avant que la jeune fille ne passât à autre chose. « Tu chantes bien finalement. » lui dit-elle sans lever les yeux. Il s’agissait maintenant d’un document de l’INA, une interview du véritable chanteur. Cheveux longs, barbe fleurie fut elle clairsemée, regard doux, le type « cool » un peu apathique.
« On the road again! Mais pas trop quand même, dit-elle encore, juste le temps de se la jouer « flower power » avant de rentrer à Paris dans le confort domestique et de faire une chanson à la mode, et d’y croire un peu. Rêves, phantasmes de peu de coût, et de citer Kerouac, une génération avant, qui n’avait rien avoir avec tout ça, d’ailleurs les « beatniks » il ne pouvait pas les sentir.
-T’as lu Kérouac, toi ?
-Oui, bien sûr, Marc a toute la collection dans sa bibliothèque. Vous êtes un peu pareils tous les deux ; vous avez des idées, ou des envies que vous prenez pour des idées, mais pas d’actions.
-Que veux-tu, on était à la recherche d’un bonheur personnel, à la recherche de soi-même, et la société, on le pensait, nous en empêchait, et peut-être que c’est pire aujourd’hui.
-« Quête de soi », « réalisation personnelle », ça sonne comme des slogans et chacun de mordre à l’hameçon ! Jouissez ! Jouissez d’une somme de plaisirs de rien ! Plaisirs trafiqués, pauvres branlettes paresseuses toujours insatisfaites et vite expédiées pendant que la moitié du monde crève la faim, que la planète se rabougrit et que pour les bêtes qui finissent dans notre assiette c’est Buchenwald tous les jours ! Et je t’en passe ! Nous sommes des mammifères Frédéric, pas plus, nous sommes de ce monde et c’est sans remèdes, il n’y a pas d’au-delà qui nous attende, pas de « soi » caché que se révèlerait un jour puisque nous n’existons pas tout seuls, que nous sommes en construction permanente, en interaction avec les autres. Le seul moyen est de s’organiser ensemble pour pouvoir vivre, pour ne pas trop pâtir. Par exemple, toi, comment tu vas faire ici ? Tu n’as même pas essayé la vieille chaudière encore, c’est sûr qu’elle ne marchera pas et tu n’as pas le sou pour en changer. Et même en plein changement climatique tu te les pèleras ! Et de toute façon, sans les autres, c’est dans ta tête que tu crèveras de froid ! Et tes pommes de terre ? Mais mon pauvre les crèves la faim viendront te les prendre ! Et tu ne fermes jamais ta maison ? Tu es dans le rêve ! Qu’est-ce que tu crois ? Fais l’ermite si tu veux mais dans peu de temps l’Histoire, la grande, aura vite fait de nous rattraper. On devrait faire face ensemble. Ecoute, on est en train de créer une sorte de CNR, dans chaque département, plus ou moins, on aura besoin d’endroits pour se réunir et peut-être même pour se cacher. Ici tu aurais du monde, chacun aiderait à sa façon. »
Frédéric ne lui répondit pas, il se demandait si elle avait un amoureux et comment pouvait se passer les choses entre eux. Il savait déjà qu’elle ne voulait pas d’enfants, elle lui avait dit que ce serait un crime dans le monde d’aujourd’hui. Elle repoussait la vie qui la voulait, elle se maîtrisait pour résister à la loi de l’espèce, et peut-être, paradoxalement, pour mieux la sauver. Douce et jolie Arutam pleine d’énergie, une sorte de colère la hantait. Attention petite, tu as la puissance noire d’un Robespierre en toi.
Il se sentit irrité soudain et las, il aurait voulu qu’elle parte maintenant mais il ne pouvait pas la laisser tomber pourtant, un jour ou l’autre il faudrait sûrement la sortir d’un mauvais pas.
« Ecoute, lui dit-il, pour bien se cacher la première chose à faire est de jeter le téléphone portable et la seconde de ne pas mélanger lieux de rassemblements et planques. Ici, ce sera pour toi, uniquement pour toi, et il faut que ça reste secret. »
On aurait dit qu’une chape de plomb venait de recouvrir la maison aux volets bleus. Arutam pianotait sur son smartphone et Frédéric se languissait de la nuit, où, seul, loin des embrouilles et du regard des hommes, il retournerait flairer la terre brune du jardin en attendant le silence de l’aube qui fait de chaque matin le commencement d’un monde neuf. Et à ce moment-là, seulement, il irait se coucher.