Amics occitans, la cronica Ribon-Ribanha d’ancuei titrada “Sòca, soquina, d’òli, de farina” v’es prepauada da Joan-Pèire BAQUIÉ, President de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Sòca, soquina, d’òli, de farina…
Totplen quora fan viatge a Niça, s’arrestan en vila-vielha per manjar la sòca, aquesta torta de farina de cèes ben conoissuda dai morres-lecs. A Tolon, dins Var, pilha lo nom de « cada » corrupcion dau mòt « cauda », mas lu especialistas vos diràn que la sieu pasta es mai espeça. De cen que si ditz, la sòca seria d’origina ligúria, arribada en Provença e en País-Niçard emb’ai immigrants genovés au sécolo XIX. Aià, a per nom « farinata » ò « farinata di ceci ». A Oran e Gibraltar si sòna «calentita », a l’Estaca (Marselha) « panissa » sota una fòrma diferenta. Brefle, cadun a adaptat la receta au sieu univèrs.
La sòca : ren que de ne’n parlar, mi fa venir l’aigueta.
Se la volètz alestir a la mòda de Niça, minga problèma, la podètz faire au vòstre.
La sieu receta comença per un forn pròpi caud, qu’auretz ascendut denant de faire lo vòstre « sauçon » que demanda gaire de temps.
Li metretz jà dintre la placa redonda d’aram, especiala per faire la sòca oncha d’òli ò aquela qu’avètz en lo forn, per fin que sigue finda ela, ben cauda.
Se siatz lests, podem començar.
En un saladier, vuar mieg litre d’aiga, doi culhers d’òli d’òuliva, 250 gramas de farina de cee, mesclar tot embé vigoria. Non denembrar de salar la vòstra pasta que sembla en aquela dei crespèus de la Candeliera. Aquí la pasta es lesta. La podetz utilisar sus lo còup. D’unu preferisson la laissar repauar una oreta.
Sortir dau forn la vòstra placa cauda e vuar 2 a 3 milimètres de pasta. Metre sus lo còup au forn e ascendre la graïlha.
Asperar que la sòca sigue ben daurada. Crepar li bòfas qu’arriscan de si formar. Sortir dau forn, pebrar e manjar ben caud. Se siatz defòra ò qu’avètz pas de forn, la sòca si pòu finda faire en una sartaia coma de crespèus. Ieu, per cambiar un pauc, li meti un pauc de cebeta chaplada fina-fina.
Denant de la servir, porrètz dire lu mòts que van ensems : Sòca, soquina, d’òli, de farina… crit tradicionau dau mercant de sòca qu’anonçava ensinda la sieu arribada. Vequí avèm ficat lo decòro. Aüra a vautres de faire emb’au vòstre gaubi. Bòn apetit e bòn pron vos fague !
Per escotar lo tèxte : http://www.youtube.com/user/ieo06
Joan-Pèire BAQUIÉ
Soca, petite soca, de l’huile, de la farine…
Beaucoup de personnes, lorsqu’elles vont à Nice, font une halte dans la vieille-ville pour manger de la soca, cette tourte faite de farine de pois-chiche, bien appréciée des gourmets. A Toulon, dans le Var, on l’appelle « cade » corruption du mot « cauda » (Chaude), mais les spécialistes vous diront que sa pâte est plus épaisse. La soca serait, paraît-il, d’origine ligure, arrivée en Provence et en Pays-Niçois avec les immigrants génois au XIXième siècle. Là-bas, elle a pour nom «farinata » ou « farinata di ceci ». A Oran (Algérie) et à Gibraltar on l’appelle «calentita », à l’Estaque (Marseille) « panisse » sous une forme différente. Bref, chacun a adapté la recette à son univers.
La soca, rien que d’en parler, me fait venir l’eau à la bouche.
Si vous désirez la préparer à la manière niçoise, aucun problème, vous pouvez la faire chez vous. La recette commence par un four très chaud, que vous aurez allumé avant de préparer la « sauce » qui réclame peu de temps.
Vous placerez dans le four, la plaque de cuivre toute ronde, spéciale soca huilée ou celle que vous avez dans le four, pour qu’elle soit également bien chaude.
Si vous êtes prêts, nous pouvons commencer.
Dans un saladier, verser un demi-litre d’eau, deux cuillères d’huile d’olive, 250 grammes de farine de pois-chiche, mélanger vigoureusement. N’oubliez pas de saler la pâte qui doit ressembler à celle des crêpes de la Chandeleur. Maintenant la pâte est prête. Vous pouvez l’utiliser immédiatement. Certains préfèrent la laisser reposer une petite heure.
A présent sortir du four la plaque chaude et verser 2 à 3 millimètres de pâte. Enfourner aussitôt et allumer le gril.
Attendre que la soca soit bien dorée. Crever les bulles qui se forment. Sortir du four, poivrer et manger chaud. Si vous êtes à l’extérieur et que vous n’avez pas de four, on peut faire la soca dans une poêle à frire comme des crêpes. Moi, pour changer un peu la recette, j’y ajoute des cebettes hachées menu.
Avant de servir, vous pourrez prononcer les mots qui vont avec : « Sòca, soquina, d’òli, de farina »…cri traditionnel du marchand de soca qui s’annonçait ainsi. Voilà, le décor est planté. Maintenant à vous de le réaliser avec votre savoir-faire. Bon appétit et bon profit !