veronique_cabanon.jpg

Amics occitans, la cronica Ribon-Ribanha d’ancuei, titrada « Lo Cabanon. », v’es prepauada da Vero Durbano, socia de l’IEO-06.

Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…


a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !

Lo cabanon

L’i es quauqua-ren que m’a marcada quora èri enfant, es que, en cò dei mieus nònos dont estaiavam, si cantava gaire…. D’una, Maigrana sublava, l’autra, Païgran cuntava, dau temps dei velhadas davant la chemineia d’invern, d’istòrias. Aqueli dau vilatge de Contes, dont èra naissut, e de persònas qu’avia rescontradi quora travalhava en lo Mònegue , ò en cò dau Ministre Ricolfi en lo quartier dau Vinhendam, ò encara de la guèrra de 39/45 mas finda de la grana guèrra , que n’avia quinze sus l’esquina alora, e que siguèt mòbilisat a Verdun en dètz-e-vuech.
Mas de cançons, pas gaire ! Bessai una, que mi revèn ancuèi, e que, eu, si plasia a gorguejar d’estiu, dins lo sieu òrt…. èra aquela de Fernandel, « la cançon dau cabanon ».
Lo cau dire, que en aquel’ òrt, l’i èra un pichin cabanon, fach de pèiras, a l’ombre d’un sap e d’una figuiera, dapé d’un rio, que si sòna « lo Rio ».
Quora faia ben caud, mon Gran, que lo diavam Carlò, maugrat que lo sieu nom de baptisme sigue Teresius, si repauava aquí e trobava d’aiga fresca tirada dau potz , dins l’aquela metia un gròs degot de la piqueta que faia d’auton, dins la cròta en lo vilatge, ‘mé lo raïm qu’avia vist madurar dins lo sieu òrt.
Alora, aquesta cançon la cantava, ‘m’un soguinhe, a sota-votz, e m’en avisi dau plasir de l’escotar mentre lo past dau diménegue, que èra lo moment per la familha tota, de si retrobar e de si regalar embé lu gnocchis, li raiòlas, li pastas verdi, lo civier ò la dauba, e segurament la torta a la confitura facha a maion, tot aquò coïnat de mans de ma Maïgran, e que laissava un odor mai que bòn en la pèça…
Mas non cambiar de subjèct…
Chuto aüra, e escotatz :

Li gents dau Nòrd, embé d’envuèia en lo regard Demandan cen que es que un cabanon
Lo cabanon, es la nòstra vida tota
Es tot, es ren, perqué non a de nom Es un luec dont si fèm de còs De menchonarias que si mandan sensa fla-fla Dont la gaietat si mescla au cant dei marrons Es lo miegjorn, qué ! Es lo cabanon…

Vero Durbano

veronique_cabanon.jpg

Le cabanon

Il y a quelque chose qui m’a marquée lorsque j’étais petite, c’est que chez mes grands-parents où nous habitions, on ne chantait que très peu… Ma grand-mère, elle, sifflait, mon grand-père, lui, racontait , pendant les veillées d’hiver devant la cheminée, des histoires.
Celles du village de Contes, où il était né, celles des personnes qu’il avait rencontrées lorsqu’il travaillait à Monaco, ou chez le Ministre Ricolfi quartier du Vignal, ou encore celles de la guerre de 39/45 mais aussi de la grande guerre, alors qu’il avait 15 ans et qu’il fut mobilisé à Verdun en 1918.
Mais de chansons, très peu! Peut-être une, qui me revient aujourd’hui, et que lui prenait plaisir à chantonner l’été, dans son jardin (potager). C’était celle de Fernandel, la Chanson du Cabanon…
Il faut dire, que dans ce jardin, il y avait un petit cabanon, fait de pierres, à l’ombre d’un sapin et d’un figuier, proche d’un ru qui s’appelle « le Rio » (Riou en français).
Quand il faisait bien chaud, mon grand-père, qu’on appelait Charlot, bien que son nom de baptême fût Thérésius, se reposait ici et trouvait de l’eau fraîche tirée du puit, dans laquelle il mettait une grosse goutte de la piquette qu’il faisait à l’automne, dans la cave du village, avec le raisin qu’il avait vu mûrir dans son jardin.
Alors, cette chanson il la chantait, avec un sourire, à mi-voix, et je me rappelle du plaisir de l’écouter pendant le repas du Dimanche , qui était pour toute la famille, le moment de se retrouver et de se régaler avec les gnocchis, les raviolis, les pâtes vertes, le civet de lapin ou la daube , et sûrement la tarte à la confiture faite maison, tout cela cuisiné par ma grand-mère, et qui laissait une odeur délicieuse dans la pièce.
Mais…ne changeons pas de sujet!
Chuuut maintenant, écoutez ….:

Les gens du Nord avec des airs d’envie.
Demandent ce que c’est un cabanon
Le cabanon, c’est toute notre vie
C’est tout et rien, car ça n’a pas de nom
C’est un endroit où nous faisons des blagues
Des galéjades qu’on lance sans façon
Où la gaité se mêle au chant des vagues
C’est le midi, quoi, c’est le cabanon …

Laisser un commentaire

Votre adresse e-mail ne sera pas publiée. Les champs obligatoires sont indiqués avec *