Amics occitans, la cronica Ribon-Ribanha d’ancuei, titrada “Vísita au musèu Matisse.”, v’es prepauada da Joan-Pèire BAQUIÉ, president onorari de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !
Vísita au musèu Matisse
De temps en quora, vau visitar lo musèu Matisse en Cimier, qu’es gaire luenh dau mieu e que mi reserva sempre de descubertas rapòrt a l’òbra de l’artista.
Aquest jorn dau 12 de setembre, siguèt un tablèu pintat en Etretat que mi tirèt l’uelh. La tela siguèt pintada en lo 1920 ò 1921. Sabem que Matisse l’i anèt doi ans de fila embé la sieu frema e la sieu filha Margarida qu’èra convalescenta.
Dins lo tablèu, Matisse pinta cen que ve despí lo dintre de l’apartament, la pòrta e la fenèstra son duberti e si ve una barca que sembla intrar dins la maion de plen pen. Lo fautuelh es vuei, Margarida e la sieu maire an deugut anar si passejar fòra. Siam d’estiu, fa bèu temps. Lu colors dau tablèu son cauds e delicats e fan pensar a un luec quiet propici au travalh de l’artista.
L’òbra, qu’a per nom « Interior-Pòrta duberta » siguèt crompada a l’época da Enric Cannone, ric farmacian qu’avia fach fortuna embé li pastilhas « Valda »(1) e recampat una granda colleccion de pintors impressionistas e modernes. Aüra fa partida de la colleccion David e Ezra Nahmad, banquiers d’origina siriana.
Convidi lo monde a visitar lo musèu Matisse que recampa en aquest moment 16 pinturas de la colleccion David e Ezra Nahmad que venon enriquir la colleccion permanenta.
D’uni òbras son ja celebri coma la liçon de piano (1923) ò Domaisèla a la mauresca, rauba verda (1921) d’autri son a descurbir coma La lectura (1947) ò Interior-Pòrta duberta que m’interessèt totplen dau temps dau mieu passatge au musèu Matisse de Niça.
Joan-Pèire BAQUIÉ lo 16 de setembre dau 2021
(1) Valda : contraccion de doi mòts d’origina latina, valetudo (santat) e dare (donar).
Visite au musée Matisse
De temps en temps, je vais visiter le musée Matisse à Cimiez, qui n’est pas très éloigné de chez moi et qui me réserve toujours des découvertes en rapport avec l’oeuvre de l’artiste.
Ce jour là 12 setembre, ce fut un tableau peint à Etretat qui m’attira. La toile fut peinte en 1920 ou 1921. Nous savons que Matisse y alla deux ans de suite avec sa femme et sa fille Marguerite qui était convalescente
Dans le tableau, Matisse peint ce qu’il voit depuis l’intérieur de l’appartement, la porte et la fenêtre sont ouvertes et on aperçoit une barque qui semble entrer dans la maison de plein pied. Le fauteuil ets vide, Marguerite et sa mère sont sans doute allées se promener à l’extérieur. C’est été, il fait beau. Les couleurs du tableau sont chaudes et délicates et font penser à un lieu tranquille propice au travail de l’artiste.
L’oeuvre, qui se nomme « Intérieur-Porte ouverte »fut achetée à l’époque par Henri Cannone, riche pharmacien qui avait fait fortune avec les pastilles « Valda »(1) et réunit une grande collection de peintres impressionnistes et modernes. Aujourd’hui le tableau fait partie de la collection David et Ezra Nahmad, banquiers d’origine syrienne.
J’invite les gens à visiter le musée Matisse qui réunit en ce moment 16 peintures de la collection David e Ezra Nahmad qui viennent enrichir la collection permanente.
Certainesi oeuvres sont déjà célèbres comme la leçon de piano (1923) ou la jeune fille à la mauresque, robe verte (1921) d’autres sont à découvrir comme La lecture (1947) ou Intérieur-Porte ouverte qui m’intéressa beaucoup pendant ma visite au musée Matisse de Nice.