Amics occitans, la cronica Ribon-Ribanha d’ancuei, titrada » Lo Popre. « , v’es prepauada da Rogier Gilli, Soci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Lo popre
D’òbras d’art, que sigon de pinturas dei grans mèstres ò d’esculturas, dau mieu n’i a ges. Mas l’i es una aigarela de la mieu felena mendra, Fleurine, que per ieu es un ver cap d’òbra. Aigarela que la faguèt en lo sieu e mi regalèt, a la mieu grana sorpresa, l’an passat, dau temps dei vacanças tra doi embarraments en causa de la rementa.
Un popre ! Mas perqué aquesta bèstia gaire ben polida, una cara de marrit pantais embé d’uelhs de… popre, nòu cervèlas e vuech braç que semblan fach per agantar tot cen que passa de pròche, lo Kraken dei legendas marini.
Pichoneta, d’estiu, anavam de matin sus la grava a Eza. Li avii crompat una màsquera e totai doi s’enanavam agachar lu estatjants dei argas e dei ròcas. Ela que denedava coma una cassèta¹ si tenia dapé de ieu e quora n’avia una fora mi puava sus l’esquina per si repròvar. Avia d’ària d’una sireneta sus d’un elefant de mar. Quora podii agantar, emb’ai mans, un poprion lo li faíi agachar de pròche, tocar, pi lo laissavi caminar sus lo mieu braç denant lo laissar s’escapar en l’aiga, dins una nèbla negra, après que li auguèssi fach una baieta.
La pichoneta mi demandava, tornats en maion, perqué aimavi tant aquesti bèstias, e perqué una baieta, alora li cuntavi una faula mieua dont lo poprion avia pilhat la plaça d’una granolha e que bessai seria una bèla sirena que lo Poséidon, gelós, auria enmascada. Li ai jamai dich que lu poprions lu aimavi totplen ben brostolits en la sartaia emb’ alhet e giverd, mas que, coma èran venguts quists, lu laissavi liures aüra.
Alora pròche dau mieu computador e dau relòri de Tanta Lisa l’i es un popre blu. Un popre que, mi sembla, m’alucha e quauqui fes mi fa un batre d’uelh emb’un soguinhe amical, mi diguent que èra pròpi ben lo temps de l’enfança e mi ramenta lu moments urós passats embé la mieu felena.
¹ Têtard
Rogier GILLI
Le poulpe
Les œuvres d’art, qu’elles soient peintures ou sculptures de grands maîtres, sont rares chez nous. Mais je possède une aquarelle de ma petite fille cadette, Fleurine, qui pour moi est plus qu’un chef-d’œuvre. Aquarelle qu’elle réalisa chez elle et qu’elle m’offrit, à ma grande surprise, pour les vacances entre deux confinements dus à cette cochonnerie de Covid.
Un poulpe ! Mais pourquoi cet animal au physique peu engageant avec ses deux yeux… de poulpe, ses neuf cerveaux et ses huit bras qui semblent fait pour attraper tout ce qui passe à leur portée, le Kraken des légende marines.
Petite fille, l’été, nous allions nous baigner le matin à Eze. Je lui avait fourni un masque de plongée et tout-les deux nous allions observer les habitants des rochers et des algues. Elle, qui nageait encore comme un têtard, se tenait près de moi et quand fatigue venant grimpait sur mon dos pour se reposer, petite sirène chevauchant un éléphant de mer. Quand je pouvais attraper un petit poulpe, avec mes mains, elle pouvait, sans peur, l’observer et le toucher. Puis je le laissais grimper sur mon bras et, avant qu’il ne s’enfuie dans son élément dans un nuage d’encre, lui faisait une bise du bout des lèvres.
De retour à la maison elle me demandait pourquoi j’aimais tant ces animaux et pourquoi un baiser. Alors je lui contais une de mes fables dans laquelle le poulpe avait remplacé la grenouille et que , peut-être, apparaitrait une belle sirène, que Poséidon, jaloux, aurait ensorcelé.
Je ne lui ai jamais dit que j’adorais les petits poulpes sautés à la poêle avec de l’ail et du persil, mais comme ils se raréfiaient, maintenant, je ne faisais que les caresser avant de leur rendre la liberté.
Alors près de mon ordinateur et du réveil de ma grand-mère il y a un poulpe bleu. Poulpe qui, il me semble, me regarde et quelques fois me fait un clin d’œil avec un sourire amical me disant qu’il était vraiment bien le temps de l’enfance et me rappelle les bons moments passés avec ma petite fille.