Amics occitans, la cronica Ribon-Ribanha d’ancuei, titrada » Palhon e la forestiera » v’es prepauada da Madama Loísa, sòcia de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Palhon e la forestiera
Bònjorn en toi. Ieu siáu Loïsa, mi dion Madama Loïsa la forestiera. M’en vau vos parlar de Palhon coma l’ai descubert en arribant a Niça en li annadas setanta, quora lo mieu calinhaire m’a menat en la sieu vila que fa pantaiar tant de monde.
Ieu que vivii en riba de Dordonha, en la mieu Gironda natala tant verda, que cauva estranha de veire aqueu valat tra lu immubles. Rogier m’a dich : « Es Palhon, lo flume que atraversa Niça e que si gita en la Bàia dei Àngels, sus la grava… ailà ! »
Lo flume ! Que gran mòt ! Manco d’aiga e ren que de còdols ! De que si rire e meme si menchonar !
Pi quora siáu revenguda, maridada, ai vist d’autres Palhon.
Esto Palhon de ‘’Niça’’ qu’es fach coma lo popre de quauqu braç.
A cada sason lo sieu Palhon : sec, pi mai que gròs quora li pilha la babaròta e leva dau mitan meme lu pònts, Palhon rementa quora la sieu bila es passada, Palhon roge de rosèlas a la prima, Palhon jaune dei grani flors dei tartufas en cana dei fins d’estiu, Palhon que sierve de banh d’aiga doça ai gabians quora l’aiga clara raia quietament sus lu còdols.
Aüra mi siáu ben acostumada ai sieus imors e aimi a pensar que aquesto flume es fòl coma un personatge dau Carneval Niçard.
Madama Loísa octòbre dau 2019
Louise GILLI.
Le Paillon et l’Etrangère
Bonjour à tous. Moi je suis Louise, madame Louise l’étrangère. Je vais vous parler du Paillon tel que je l’ai découvert en arrivant à Nice, dans les années soixante-dix, quand mon fiancé m’a amené dans cette ville qui fait rêver bien des gens.
Moi qui vivait sur les rives de ma belle Dordogne, dans ma Gironde natale si verte, quelle chose étrange que de voir ce grand fossé pierreux entre les immeubles de la ville. Roger m’a alors expliqué : « C’est le Paillon, le fleuve qui traverse Nice et se jette dans la Baie des anges, là-bas. » Le fleuve ! Quel grand mot , même pas d’eau, des tas de pierres, de quoi en rire et même s’en moquer !
Plus tard, quand je suis revenue, mariée, j’ai découvert d’autres visages du Paillon. Ce Paillon dit de Nice formé de multiples bras comme un poulpe.
Au fil des saisons, « l’oued » se transforme en torrent furieux et dans sa folie emporte tout, même les ponts , Paillon poubelle quand sa colère s’est calmée, Paillon rouge des coquelicots au printemps ou jaune des fleurs de topinambours à la fin de l’été, Paillon baignoire des mouettes et des goélands quand son eau claire s’écoule paresseusement sur les galets.
Maintenant je me suis bien habituée à ses humeurs différentes et j’aime à penser qu’il est fantasque comme un personnage du Carnaval Niçard.