Amics occitans, la cronica Ribon-Ribanha d’ancuei, titrada « Marrit Pantais », v’es prepauada da Rogier GILLI sòci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Marrit pantais
Èri da mi solelhar, confortablement installat en una poltròna de jardin, lèst a mi faire un pichin penec, en aqueu principi de ‘près-dinnar, quora quauqu’un mi piquèt sus l’espatla e mi diguèt ‘m’una votz energica : – Monsur GILLI ? Rogier GILLI ? – Aí bèla! que li respondèri. – Siáu Catarina la flabòta, mandada da la comuna per vi vaccinar contra la Covid.
Ieu mi siáu pensat que avii gaire asperat, vist que m’èri marcat l’i a gaire, doi jorns solament. La Catarina, una frematassa d’un mètre e vuetanta embé de braç de camalo pauèt la sieu cartèla e mi diguèt : – GILLI, aquò es niçard né ? – Aí que li diguèri ! – Alora l’i siam doi, ieu de lònga de mon paire e de ma maire de la còsta plena. Vi vau faire aquò lèu lèu, sensa dolor, sentirètz ren, que continua en lenga.
Sòrte de la sieu cartèla : serengla, agulha, un fiascon de vaccin e un botelhon de pastis e, de veire lu mieus uelhs espalancats, mi diguèt :
– Avii pus d’arcòl, alora fa pas ren, tant chocaton coma siatz es pas l’esperfum d’anisi que vi generà e aprepara la serengla. Pi mi fretolha l’espatla emb’un coton banhat de pastís e mi vòu ficar l’agulha en lo braç.
Mas que nani, l’agulha si plega e non ientra dins la pèu. – Es ren, aquò arriba ! Cambia l’agulha e torna comença, esto còup l’agulha si rompe per mitan : – Santa Vierge d’un Bòn Dieu, que diguèt, avètz la pèu mai dura que la codena d’un ipopotame ò alora son aqueli rementas d’agulhas que venon de China.
Agantèt la sieu cartèla e n’en sortèt una serenglassa emb’una agulha coma una poncha de fustier, una cauva per vaccinar lu elefants e mi diguèt : – Siáu pagada per aquò faire, la vau faire sus lo còup en lo botèu, la vau faire ! Ieu non lo volii e coma èri da renar ela m’ agantèt coma un sac de plumas. Mi trovèri a morre boquet emb’ela assetada sus la mieu esquina cridant coma una agaça, que n’en perdèri lo buf. Pi un gran dolor en lo botèu de la camba seneca.
Es aquí que mi siáu drevilhat emb’una crampea qui mi faía un mau dau diau e lo bate-còr escorchant ensin la mieu nuech.
Moralitat : Se volètz passar una bòna nuech, lo sera es pus ben de regarjar a la television de documentaris sus la vida dei galinas e dei conius que de segre li informacions que nen fan virar la tèsta embé la Covid e lu vaccins de toti menas.
RG
Cauchemar
Confortablement installé dans un fauteuil de jardin, par un bel après-midi de printemps, j’étais prêt à partir pour une sieste bienfaitrice, quand soudain quelqu’un me tapa sur l’épaule et me dit d’une voix énergique : – « M. GILLI ? Roger GILLI ? – Oui ma Belle, répondis-je. – Je suis Catarina, infirmière de mon état, et je suis mandatée par la mairie pour vous vacciner contre la Covid 19. »
J’ai pensé sur le moment que je n’avais guère eu à attendre, vu que je m’étais inscrit il y a peu, deux jours seulement. La Catarina, une maîtresse femme d’un mètre quatre-vingt environ avec des bras de docker, posa sa mallette et me dit :
– « GILLI, c’est niçois comme nom de famille ! – Bien sûr ! » Puis elle continua à me parler, en Niçard cette fois : – « Comme moi, des collines du coté de mon père et du port de celui de ma mère, vous voyez ! – En effet ! – Je vais vous faire ça rapidement, sans douleur, vous ne sentirez rien. » Elle sortit de sa mallette : seringue, aiguille, un flacon de vaccin et une petite fiole de pastis. Devant mon regard étonné elle me dit : – « Je n’avais plus d’alcool à 90°… Bon vivant comme vous me semblez être, l’odeur d’anis ne vous gênera guère ! » Elle prépara sa seringue, puis me frotta l’épaule avec une compresse imbibée de pastis et voulu me piquer dans le haut du bras. Mais que nenni, l’aiguille se plia et n’entrât pas dans la peau. – « Cela arrive ! » dit-elle. Aussitôt elle changea d’aiguille et recommença l’opération. Cette fois, non seulement l’aiguille n’entrât pas mais elle se cassa par le milieu ! – « Mais Sainte Vierge, ce n’est pas possible, vous avez la peau plus dure que la couenne d’un hippopotame ou alors ce sont ces cochonneries d’aiguilles fabriquées en Chine ! » Elle sortit alors de son cartable une grosse seringue avec une aiguille comme un clou de charpentier, un ‘’truc’’ pour vacciner les éléphants et elle claironna : – « Je suis payée pour faire ce travail, je vais le faire. Je vais vous piquer dans le mollet ! »
Comme je ne le voulais pas et que je me débattais, elle m’attrapa comme un sac et je me retrouvais à plat-ventre, avec elle assise sur mon dos criant comme une pie, la respiration coupée, puis une énorme douleur dans le mollet de la jambe gauche.
C’est à cet instant que je me suis réveillé à cause d’une crampe qui me faisait un mal de chien, le cœur battant la chamade, écourtant ainsi ma nuit de sommeil.
Moralité :
Si vous voulez passer une bonne nuit, le soir il vaut mieux regarder à la télévision des documentaires sur la vie des poules et des lapins, plutôt que de suivre les informations qui nous rebattent les oreilles avec la Covid et les vaccins.