Amics occitans, la cronica Ribon-Ribanha d’ancuei, titrada « Lei cabras. », v’es prepauada da Joan Claudi Puech, amic Facebook de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Lei cabras
« Un brave trὸç de bèstia, è Professor ? » que li faguèt, ela, en li semondent un tras que bèu riset trufarèu.
A Mananca, Miquèu Ardit se fasiá una idèa relativament simpla dau drac ; una mena de limbert grὸs ambé, benlèu, una sobra de vida ben esconduda au mau mai fons d’eu, lo recaliu d’una sensibilitat crepusculària, mai començava de solfinar aquí una pulsion vitala ben mai complexa que tot çὸ qu’aviá poscut rescontrar aperavans.
“La Grand contava que lei dracs a mand de se faire vièlhs se bandissián subran en un virar d’uelhs fins au soleu. Tornavan a son monde. Èran immortaus que disiá, solets lei mai joines venián aicí, leis adults èran trὸp grὸs per posquer volar dins lo cèu de la Tèrra – Se calèt e faguèt una engaunhada Sílvia – Sabi pas s’ai de la crèire ὸ pas.
– Dins aquèu cas, vos fau èsser estupida.” Li respondèt Miquèu.
La joina femna li mandèt una agachada freja e portèt la man a la cencha sus lo margue d’un ponhau.
“Coma vai que posquetz viure aicí sensa crèire aquὸ ?” se ragantèt lo professor, susprès de s’ausir prene, eu, lei parts dau mite.
“Bὸn dieu ! que faguèt mai, d’aquesta creatura …” Se calèt e devistèt l’esbὸç d’un sorrire sus la cara de Sílvia. S’escurèt la votz, aquesta, puei faguèt petar la lenga entre lei bocas. Semblava satisfacha. “ Faguent pas d’alὸnguis que diguèt, avèm d’arribar a soleu tremont.”
Lei jugadors deis alas replegadas, dos brecs bessons, mandavan son ombra sus lo jaç de Maranhon e lo lauset que s’estirava davant. Sílvia expliquèt qu’aquesta espandida d’aiga èra en realitat un riu qu’un cὸp passat per lo filtre de la membrana deis alas se restancava aquí sus una jaça d’argiela avans de retombar en cascada un pauc mai luench sus leis espatlas dau drac.
Èra ben situat lo tenement de Sílvia (trabalhavi au vilatge mai passava la dimenjada amondaut), caupiá dins una prada ben verda, druda, e d’aiga n’aviá a boudre. Lei cabras, una desena pas mai, li venguèron davant, belèron quora la joventa li mandèt sa crida : “Pilí ! Pilí ! Pilí !”, e leis aguèron lèu entre lei cambas, amistosas e ajoguidas coma de cadèus. Miquèu comprenguèt qu’aviá de faire coma ela ; lei gratusava entre lei banas e semblava qu’aquὸ li agradava a non sai. Banas que sa forma espantèt lo professor, èran orizontalas e envertolhadas en viseta a l’entorn de son aisse.
Lo pichὸt aver lei seguiguèt fins au jaç e se recampèt solet sota leis arcas bastidas a pèiras eissuchas que suportavan un teulat dei lausas espessas. D’un rastelier, Sílvia descroquèt una saca de la tela rufa. La durbiguèt. Una flairor agradiva s’espandiguèt.
“Fenolh ! que li diguèt, ela, mesclat a de cardons, a de borratge, e a d’autrei causas que ne’n gardi lo secrèt. Es per faire venir lo lach !”
Se sarrèt de l’unica cabra dei possas grὸssas. La bèstia li venguèt manjar dins la man una ponhada d’aquela mescla, reçaupèt una careça e s’entornèt ambé leis autrei. Per acabar, Sílvia faguèt tombar quauquei forcadas de fen. Avián pron per s’abalir defὸra, èra una mena de privadiá, per dire de cambiar un pauc. Intrèt puei dins l’ostau, un casau raplὸt, mai pichὸt que l’estable. I convidèt pas lo professor, sarrèt la pὸrta darrier ela, ne’n sortiguèt pasmens quauquei segondas après ambé una cὸrda de mai sus leis espatlas e dos topins pichὸts, de mena de dorguetas, un dins cada man. Sonèt la cabra dei possas redonas : “Mitona ! Mitona !”, la mousèt, ne’n rempliguèt lei dorguetas e ne’n porgiguèt una a Miquèu.
“Fau beurre Professor ! Avèm pas qu’aquὸ. Serà lo nὸstre repasson !”
Aviá donat son lach, la cabra, mai onte avián passat lei cabrits ?
“N’ai ges ! Impossible, faguèsson de pichὸts que n’auriá de pertot ! Mai eficaç que vὸstrei masquetas profilacticas ! Faudriá pas cinquanta ans per tot desboscalhar !” S’escacalassèt puei son regard se calhèt subran, dos uelhs de viron qu’interrogavan lo professor. Aquest, entrepachat, clinèt la tèsta e se metèt a engolir lo lach a pichὸtei goladas, d’aise, de tant qu’èra saborόs, perfumat de totei sentors de la cὸla e que l’emplenava d’una fὸrça nὸva.
“N’aurem de besonh per la seguida.” li faguèt Sílvia.
Joan Glaudi PUECH
Les chèvres
“Un beau morceau de bête, hein, Professeur” lui dit-elle en le gratifiant d’un magnifique sourire moqueur.
A Mananca, Michel Ardit se faisait une idée relativement simple du drac ; une sorte de gros lézard avec, peut-être, un reste de vie bien caché au plus profond de lui, une petite braise d’une sensibilité crépusculaire, mais il commençait à suspecter ici une pulsion vitale bien plus complexe que tout ce qu’il avait pu rencontrer auparavant.
« Ma grand-mère racontait que les dracs qui commençaient à se faire vieux s’élançaient soudain en un clin d’œil jusqu’au soleil. Ils retournaient à leur monde. Elle disait qu’ils étaient immortels, seuls les plus jeunes venaient ici, les adultes étaient trop gros pour pouvoir voler dans le ciel de la Terre – elle s’arrêta et fit une grimace- Je ne sais pas si je dois la croire ou pas.
– Dans ce cas il faut que soyez stupide. » lui répondit Michel
La jeune femme lui jeta un regard froid et porta sa main à la ceinture sur le manche d’un poignard.
« Comment pouvez-vous vivre ici sans croire tout ça ? » se rattrapa le professeur, surpris de s’entendre prendre lui-même le parti du mythe.
« Bon dieu ! fit-il, cette créature … » Il se tut et aperçut l’ébauche d’un sourire sur le visage de Silvia. Celle-ci se racla la gorge puis fit claquer la langue entre les lèvres. Elle semblait satisfaite. « Ne trainons pas, fit-elle, nous devons arriver au coucher du soleil. »
Les articulations des ailes repliées, deux pics jumeaux, projetaient leur ombre sur la bergerie de Maragnon et le petit lac qui s’étirait devant. Elle expliqua que cette étendue d’eau était en réalité un ruisseau qui une fois passé par le filtre de la membrane des ailes s’accumulait ici sur une couche d’argile avant d’aller se jeter en cascade un peu plus loin sur les épaules du drac.
Il était bien situé le petit bien de Silvia (elle travaillait au village mais passait ses week-ends sur les hauteurs), lové dans une prairie bien verte, fertile, et de l’eau il y en avait en quantité.
Les chèvres, une dizaine pas plus, vinrent à leur rencontre, elles bêlèrent quand la jeune femme les appela : « « Pili ! Pili ! Pili ! » et elles furent vite entre leurs jambes, amicales et joueuses comme des petits chiens. Michel comprit qu’il devait faire comme elle ; elle les grattait entre les cornes et elles semblaient en éprouver un énorme plaisir. Cornes dont la forme étonna le professeur, elles étaient horizontales et enroulées en colimaçon autour leur axe.
Le petit troupeau les suivit jusqu’à la bergerie et se rassembla tout seul sous les arches bâties en pierres sèches qui supportaient un toit aux lauses épaisses. D’un râtelier, Silvia décrocha un sac de toile rêche. Elle l’ouvrit. Une odeur agréable se diffusa.
« Fenouil ! dit-elle, mêlé à des chardons, à de la bourrache, et à d’autres choses dont je garde le secret. C’est pour faire monter le lait ! »
Elle s’approcha de la seule chèvre qui ait de grosses mamelles. La bête vint manger dans sa main une poignée de ce mélange, elle reçut une caresse puis retourna avec les autres. Pour finir, Silvia fit tomber quelques fourchées de foin. Elles en avaient assez pour se nourrir dehors toutes seules, c’était une sorte de gâterie, pour dire de changer un peu. Elle entra ensuite dans la petite maison, une masure trapue, plus petite que l’étable. Elle n’y invita pas le professeur, elle ferma la porte derrière elle mais en sortit au bout de quelques secondes avec une corde de plus sur les épaules et deux petits pots, des sortes de cruchons, un dans chaque main. Elle appela la chèvre aux grosses mamelles : « Mitoune ! Mitoune ! » elle se mit à la traire, en remplit les cruchons et en tendit un à Michel.
« Il faut boire, professeur ! Nous n’avons que ça. Ce sera notre repas ! »
La chèvre avait donné son lait, mais où étaient passé les chevreaux ?
« Je n’en ai pas ! Impossible, si elles faisaient des petits il y en aurait partout ! Plus efficace que vous masques prophylactiques ! Il ne faudrait pas cinquante ans pour tout débroussailler ! » Elle éclata de rire puis son regard se figea brusquement, deux yeux perçants qui interrogeaient le professeur. Gêné, il baissa la tête et se mit à boire son lait à petites gorgées, lentement, tellement il était savoureux, parfumé de toutes les senteurs de la colline et qui le remplissait d’une force neuve.
« On en aura besoin pour la suite. » lui fit Silvia.