Amics occitans, la cronica Ribon-Ribanha d’ancuei, titrada » Ai rescontrat Mèfi… » es prepauada da Marc WALTZER, vici-president de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.frRetour ligne automatique
« La garderem ribon-ribanha, nòsta rebèla lenga d’òc »
Ai rescontrat Mèfi…
Ai rescontrat Mèfi l’autre còup a l’estadi de la Comba de Var. Après li salutacions d’usança si siam pausats a l’entorn dau taulier d’orientacion de mont Vial per regarjar lo monde de d’amont.
Si siam donats de nòvas de la familha, dau travalh, dau Gym, dau Babasoc, patin cofin… e, una paraula tirant l’autra, sensa denembrar de beure un gòto de temps en autre, ben segur, arribèt lo moment de tornar faire virar lo ròdol.
– Brave amic, mi diguèt, mi podètz dire coma an fach lu òmes, per desgalhar l’aiga au ponch de crepar dau set ? Lu aubres e l’èrba son secs, li fònts tapadi, meme lu laus d’amont s’escrabassan. Li bèstias braman asperant beure tant e pi mai. D’un temps, de la grava, dau costat d’Antíbol, si podia veire la nèu dei cimas dau mercantor en escotant lu marons cantar, mas aüra, minga capèu blanc e, Var, Palhon e lu sieus amics calan pas plus. Li bugadieras non si fan plus de bila. L’arena monta de mai en mai e ganha lu òrts, d’aiga benlèu n’en resterà manco plus per negar lo jaune e beure l’aperitiu…
– Mi podètz dire coma an fach lu òmes, per denembrar lo respect ai fremas ? Si pilhan de simecs a maion, travalhan sensa relambi per mieja paga, devon faire mèfi ai chivús, non portar de braias, non faire d’espòrt, bandida l’escòla, la música… avètz pas toi una maire, una molher, una filha ?
– Mi podètz dire coma avètz fach per faire s’esperdre mila e mila espeças de bèstias en lo monde, basta per besonh de dominacion e profit ? Totjorn provar de paréisser lo mai grand, lo plus ric, d’anar encara e encara plus luenh, plus vito, sensa regarjar cu a fam, cu a frei, cu si nega. N’ai vist totplen si denedar sensa minga man que si pòrge basta per escapar a n’aquela folia.
– Totjorn engatjar mai e mai de riquessa en li armas de destruccion, puslèu que de noirrir e ajudar lu vòstres pichoi.
– Volètz anar veire la tèrra de la Luna ò de Març, alora que sabètz manco plus regarjar la flor e l’abelha que rapuga sota soleu
Mi podètz dire… mi podètz dire… s’arestava pas plus ‘mbé li sieu demandas e ieu, nec, tancat, sensa minga replica èri a lo regarjar bolegar li alas de bila.
Vergonhós ai capitat de barbatar quauques mòts : non es la mieu fauta, li pòdi ren, tot aquò m’estrapassa, sensa lo creire au fin fons.
Bòn ti laissi, m’a dich, que devi encara, mi socitar dei pichoi e de ma calinhairitz. En mai d’aquò avèm un apontament ‘mé d’amics per si faire un giro a la cima dau Diau. Aqueu mèstre dei luecs d’amont, lo tieu collèga, lo poèta Alan, que eu avia tot acapit, m’a dich que seria bessai lo moment de lo veire abandonar la sieu tana per s’encalar au vilatge en ràbia au rescòntre dei umans.
S’es escapat lo companhon alat, en un batre d’uelhs, sensa s’entornar, mi laissant en tèsta mila questions sensa respòstas.
L’ai perseguit longament en li nèblas e mi sembla ben d’aver vist au sieu costat, luenh luenh, un pastre un pauc bimbaro a bicicleta que mi faía viva de la man.
Marc WALTZER (04.12.2022)
J’ai rencontré Méfi
J’ai rencontré Méfi l’autre jour au stade de la Vallée du Var. Après les salutations d’usage, nous nous sommes posés autour de la table d’orientation du mont Vial pour regarder le monde d’en haut.
Nous nous sommes donnés des nouvelles de la famille, du travail, du Gym, de la vieille ville etc… et une parole tirant l’autre, sans oublier bien sûr de boire un coup de temps en temps, le moment arriva de refaire le monde.
– Mon bon ami, me dit-il, pouvez-vous me dire comment ont fait les hommes pour gaspiller l’eau au point de mourir de soif ? Les arbres et l’herbe sont secs, les fontaines sont bouchées, même les lacs d’altitude se craquellent. Les animaux crient en attendant de boire tout leur saoul. Avant, de la plage, du côté d’Antibes, on pouvait voir la neige sur les sommets du Mercantour en écoutant chanter les vagues, mais maintenant, plus aucun chapeau blanc, paillon, var et leurs amis ne coulent même plus. Les lavandières n’ont plus de souci à se faire. Le sable progresse de plus en plus et envahi les jardins, il ne restera bientôt, même plus assez d’eau pour noyer le jaune et boire l’apéritif…
– Pouvez-vous me dire comment les hommes ont fait pour oublier le respect dû aux femmes ? Elles se font frapper à la maison, travaillent sans relâche pour une demi paye, doivent faire attention à leurs cheveux, ne doivent pas porter de pantalons, ne pas faire de sport, interdites l’école, la musique … n’avez-vous pas une mère, une femme, une fille ?
– Pouvez-vous me dire comment vous avez fait pour exterminer des milliers d’espèces d’animaux dans le monde, simplement par besoin de domination et de profit ? Toujours essayer de paraître le plus grand, le plus riche, d’aller encore plus loin, plus vite, sans regarder qui a faim, qui a froid, qui se noie. J’en ai vu plusieurs se noyer sans aucune main qui se tend simplement pour échapper à cette folie.
– Engager toujours plus de richesse dans les armes de destruction plutôt que de nourrir et aider vos enfants.
– Vous voulez aller voir la terre de la lune ou de Mars alors que vous ne savez même plus regarder la fleur et l’abeille qui butine au soleil.
Pouvez-vous me dire… pouvez-vous me dire… il ne s’arrêtait plus avec ses questions et moi abasourdi, j’étais sans réaction à le voir bouger ses ailes de rage.
Un peu honteux j’ai essayé de murmurer quelques mots : ce n’est pas de ma faute, tout cela me dépasse, sans en être persuadé au fond.
Bon, je te laisse, m’a-t-il dit, parce que je dois encore m’occuper des enfants et de ma fiancée. En plus de cela nous avons rendez-vous avec des amis pour faire un tour à la cime du Diable. Le patron des lieux là-haut, ton ami, le poète Alain qui lui, avait tout compris m’a dit qu’il serait peut-être le moment de le voir abandonner sa tanière pour descendre au village en rage contre les humains.
Le compagnon ailé s’est échappé en un clin d’œil sans se retourner, me laissant en tête mille questions sans réponses.
Je l’ai longuement suivi dans les nuages et il me semble bien avoir vu à ses côtés, loin, loin, un berger un peu bizarre à bicyclette qui me faisait signe de la main.
Marc WALTZER