Amics occitans, la cronica Ribon-Ribanha d’ancuei, titrada « Dins la veitura publica. », v’es prepauada da Joan Claudi Puech, amic Facebook de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Dins la veitura publica.
Sièis oras de matin, Amièlh esperava la veitura publica, aquela que fai l’exprès e que fau anar préner a la rota que davala dau cὸl. Lo jorn èra ja levat que desplegava sei premieras nèblas d’àngels sus lo cèu rὸse. La diligéncia arribèt.
Dedins i aviá de plaças encara, Amièlh pausèt son abrassac sus un dei sètis vueges e gardèt lo forrèu de cuer entre lei ginolhs. Aqueste, l’aviá pas mandat per la mala-pὸsta ambé leis autrei besonhas que devián l’esperar, ara, a l’ostalariá dei “tres fraires” a Forcauquier. Lo mandadís èra estat pron car coma aquὸ e auriá pres lo risque de se faire raubar la carabina.
Èran pas que quatre lei viatjaires. A man senestra, acotat dins lo canton opausat, un ὸme de la pelegrina negra aviá dubèrt leis uelhs quand èra montat, eu, ambé tot son equipament. L’aviá alucat, aquest, quauquei segondas, puei s’èra tornarmai endormit, sa casqueta de peus de lúria fasiá tampon ai ressauts de la rota. En fàcia, sus l’autra banqueta, èran assetats dos personatges “modèrnes” ; un mercand opulent, corset de seda e mὸstra dins lo pochon au bot de sa cadena d’aur, que dormiá boca badanta, menton triple, e una mena d’aucèu de rapina, furnaire de cativiers umans, un ussier benlèu, de segur un tipe dins lei lèis, lei sὸus, qu’agachava d’un uelh de viron lo tresen boton de coire de la vèsta d’Amièlh. La galina qu’auriá trobat un cotèu e que desvirèt pas son agachada quand a son costat una vilatjana esvartèt lo jόnher per donar la tetada a un norriçon grὸs e gras e talament despacient e galavard que pompava per lei naras lo lach que li escapava dei bocas. E lo lach li escapava dei bocas per que arrestava pas de renar e renava per que lo lach qu’empassava per lei naras l’estofava. Enrabiat qu’èra ! Mordiá la norriça ! Es tras que sensibla una possa. Li agradavan lei drollets a Amièlhs mai a aquest li auriá fotut per morre ! Ja acarnassit tres la naissença a préner ais autrei, coma aquelei de sa raça, jamai assadolats qué ! Fan pas d’anhèus lei lops, e benlèu que Rousseau aviá tὸrt, benlèu que l’ὸme es pas bὸn de natura. I aviá cresegut ais idèas dau filosὸf mai lo ministre de l’instruccion publica, lo dau “Badinguet president”, trobava que lei Escὸlas Normalas propagavan lo socialism, e aquest ὸme, lo que mai tard escrirà dins sei memὸrias : “Dieu dins l’educacion, lo papa a la tèsta de la glèisa e la glèisa a la tèsta de la civilisacion…” faguèt adoptar lo onze de genier de 1850 un tèxt de lèi, “la pichὸta lèi sus l’instruccion”, ὸ “lèi Falloux” (de son nom). Desenant èra mai simple de remandar ὸ de suspendre un institutor estent que lei capelans s’assetavan a la taula dau rector. Eu, foguèt l’avesque de Dinha que lo faguèt revocar. Un an après, en 51, Amièlh rejonhèt la cὸla deis insurgents cὸntra lo cὸp d’estat dau “ Badinguet” e ansin, de fieu en cordura, se retrobèt a Malajaï quora se tustèron a l’armada regulara.
Vὸu son lach lo norriçon. Podriá esperar autra causa ? Autra causa que de reçaupre de ben ? Sa revendicacion es autra, ges de marridesa aquí qu’aquesta sentida li es d’a fons estrangiera mai pὸu pas compréner qu’es enraumassat e que la tetada es donada sensa amor. E tornarmai Amièlh se pensa que lo filosὸf a rason, que per tot un cadun es sempre l’idèa de ben que senhoreja, lo mau es accident, consequéncia, es a la societat de s’organizar. Avián tuat degun a malajaï, un escambi de presoniers pas mai, per acabar, avans que de s’esparpalhar ai quatre cantons dau vent. Eu, ambé d’autrei, aviá fugit dins la Grand Cὸla. La Nacion, la Republica, aviá pas seguit, siguèt la repression. Ges de pietat.
D’annadas puei aviá laissat passar leis esveniments de la Comuna. Aguèsse pas perdut sa guèrra lo Baldinguet, coma aurián virat lei causas ? Una nacion tèn que per l’idèa, sens ela, ὸ foguèsse marrida aquesta, vὸu mièlhs per lo monde que l’i aguèsse ges de nacion.
Èra aculat ras d’una rancareda, cinc mètres aperaquí e de brondas dessota. Lo saut seriá estat possible. Trantalhèt, se revirèt, e per malur crosèt l’agachada dau sordat, e maugrat totei lei crimes fachs, vists e patís, un recanton perdut de son cὸr, lo de l’enfantonet qu’èra estat, esperèt subran qu’aquest ὸme que l’engautava li faguèsse de ben e non pas de mau. Reçaupèt lo tust de la bala dins lo braç e faguèt la cabussada.
Joan Glaudi PUECH
Dans la voiture publique.
Six heures du matin, Amièlh attendait la voiture-publique, celle qui fait l’express et qu’il faut aller prendre à la route qui descend du col. Le jour était déjà levé qui dépliait ses premières brumes d’anges sur le ciel rose. La diligence arriva.
A l’intérieur il y avait des places encore, Amièlh posa son havresac sur l’un des sièges vides et garda le fourreau de cuir entre les genoux. Celui-là il ne l’avait pas envoyé par la malle-poste avec les autres affaires personnelles qui maintenant devaient l’attendre à Forcalquier à l’auberge des « Trois frères ». L’envoi avait été assez cher comme ça et il n’aurait pas pris le risque de se faire voler la carabine.
Ils n’étaient que quatre les voyageurs. A sa gauche, calé dans le coin opposé, un homme vêtu d’une pèlerine noire avait ouvert les yeux quand il était monté, lui, avec tout son barda. Celui-ci l’avait observé quelques secondes puis s’était de nouveau endormi, sa casquette en poils de loutre amortissait les cahots de la route. En face, sur l’autre banquette étaient assis deux personnages « modernes » : un marchand opulent, gilet de soie et montre dans la petite poche au bout de sa chaine en or, qui dormait bouche ouverte, menton triple, et une sorte d’oiseau de proie, fouilleur de misères humaines, un huissier peut-être, pour sûr un type dans les lois, les sous, qui regardait d’un œil inquisiteur le troisième bouton de cuivre de la veste d’Amièlh. La poule qui aurait trouvé un couteau et qui ne détourna pas son regard lorsque à côté de lui une villageoise écarta son corsage pour donner le sein à un nourrisson gros et gras et tellement impatient et gourmand qu’il aspirait par les narines le lait qui lui échappait des bouches. Et le lait lui échappait des bouches parce qu’il n’arrêtait pas de râler et il râlait parce que le lait qu’il avalait par les narines l’étouffait. Il était dans une de ces rages ! Il mordait sa nourrice ! C’est très sensible un bout de sein. Amièlh aimait les enfants mais à celui-là il lui aurait foutu sur la figure ! Déjà acharné dès la petite enfance à prendre aux autres, comme ceux de sa race, jamais assouvis quoi ! Les loups ne font pas d’agneaux et peut-être que Rousseau avait tort, peut-être que l’homme n’est pas bon de nature. Il y avait cru aux idées du philosophe mais le ministre de l’instruction publique, celui du « Badinguet président », trouvait que les Ecoles Normales propageaient le socialisme, et cet homme, celui qui plus tard dans ses mémoires écrira : « Dieu dans l’éducation, le pape à la tête de l’église et l’église à la tête de la civilisation … » fit adopter le onze janvier 1850 un texte de loi, « la petite loi sur l’éducation », ou « loi Falloux » ( de son nom). Désormais il devenait plus simple de renvoyer ou de suspendre un instituteur étant donné que les prêtres s’asseyaient à la table du recteur. Lui, ce fut l’évêque de Digne qui le fit révoquer. Un an après, en 51, Amièlh rallia la troupe des insurgés contre le coup d’état du « Badinguet » et ainsi, de fil en aiguille, se retrouva à Malajaï quand ils se heurtèrent à l’armée régulière.
Il veut son lait le nourrisson. Pourrait-il espérer autre chose ? Autre chose que de recevoir du bien ? Sa revendication est autre, aucune méchanceté ici, ce sentiment lui est complètement étranger, mais il ne peut pas comprendre qu’il est enrhumé et que la tétée lui est donnée sans amour. Et de nouveau Amièlh pense que le philosophe a raison, que pour tout un chacun c’est toujours l’idée de bien qui domine, le mal est accident, conséquence, c’est à la société de s’organiser. Ils n’avaient tué personne à Malajaï, un échange de prisonniers pas plus, pour finir, avant que de s’éparpiller aux coins du vent. Lui, avec d’autres, avait fui dans la Grande Colline. La Nation, la République, n’avait pas suivi, ce fut la répression. Aucune pitié.
Des années après il avait laissé passer les événements de la Commune. S’il n’avait pas perdu sa guerre le « Badinguet », comment auraient viré les choses ? Une nation ne tient que par l’idée, sans elle, ou si celle-ci est mauvaise, il vaut mieux pour les gens qu’il n’y ait pas de nation.
Il était acculé au bord d’un ravin, cinq mètres à peu près et des frondaisons dessous. Le saut aurait été possible. Il hésita, se retourna et par malheur croisa le regard du soldat, et malgré tous les crimes faits, vus et subis, un recoin perdu de son cœur, celui du petit enfant qu’il avait été, espéra soudain que cet homme qui le tenait en joue lui fît du bien et non du mal. Il reçut le choc de la balle dans le bras et tomba dans le vide.