Amics occitans, la cronica Ribon-Ribanha d’ancuei, titrada « A prepaus d’una faula. « , v’es prepauada da Joan-Pèire BAQUIÉ, president onorari de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
A prepaus d’una faula.
Pòu semblar curiós, mas vèni de trobar en la mieu sofieta, un vièlh pergamin onch d’òli e de cambòi. Sembla que sigue una faula inedicha de Joan de la Fònt desprovista de titre e de firma. La vos doni tala que la trovèri, sensa garantida d’autenticitat :
La veitura electrica auguent virat en lo país tot l’estiu,
Si trovèt tota descargada quora la zízola s’en venguèt.
Pas un solet quilovat per l’escaufatge, lo seti escaufant e autres avantatges.
S’en anèt cridar ajuda a cò de la diesèl, qu’èra la sieu vesina,
La pregant de la tirar d’embarràs,
De li prestar de qué rotlar fins a la sason venenta
« M’arrangerai que li diguèt !
Paguerai lo vòstre diesèl interés e principal »
La vesina es pas gaire prestairitz,
Es aquò lo sieu defaut principal,
« Que faiavatz per temps caud » diguèt a n’aquesta seca-dòssa (1),
« Jorn e nuech rotlavi, e qu’aquò non vos fachèsse en ren »
« Rotlavatz, aquò m’emplisse d’aise e ben …
Pedalatz aüra ! »
Dei 243 faulas publicadi da Joan de la Fònt, aquesta sembla èstre la darriera publicada après lo 1694 data dont publiquèt lo terço recuelh dei sieu faulas. D’unu detalhs vos semblèsson bimbaros, anacronics ò meme trachs d’una faula ja conoissuda, seretz gents de lo mi faire saupre. D’aquí en là vos desiri una bòna jornada.
(1) Importune.
Joan-Pèire BAQUIÉ lo 21 de febrier dau 2024
A propos d’une fable.
Cela peut sembler curieux, mais je viens de trouver dans ma mansarde, un vieux parchemin taché d’huile et de cambouis. Il semble que cela soit une fable inédite de Jean de la Fontaine dépourvue de titre et de signature. Je vous la restitue telle que je l’ai trouvée, sans garantie d’authenticité :
La voiture électrique ayant fait des virées dans le pays tout l’été,
Se retrouva déchargée quand la bise fut venue.
Pas un seul kilowatt pour le chauffage, le siège chauffant et autres avantages.
Elle s’en alla demander de l’aide auprès de la diesel, qui était sa voisine,
La priant de la sortir d’embarras,
De lui prêter de quoi rouler jusqu’à la saison suivante
« Je m’arrangerai lui dit-elle !
Je paierai votre diesel intérêt et principal »
La voisine est peu prêteuse,
C’est là son défaut principal,
« Que faisiez-vous au temps chaud » dit-elle à cette importune,
« Jour et nuit je roulais, et que cela ne vous fâche pas »
« Vous rouliez, cela m’emplit d’aise et bien …
Pédalez maintenant !
Parmi les 243 fables publiées par Jean de la Fontaine, celle-ci semble être la dernière publiée après 1694 date à laquelle il publia le troisième recueil de ses fables. Si certains détails vous paraissent bizarres, anachroniques ou même extraits d’une fable déjà connue, vous serez bien aimable de me le faire savoir. D’ici là, je vous souhaite une bonne journée.