Amics occitans, la cronica Ribon-Ribanha d’ancuei, titrada « Letra a K.», vos es presentada da Joan-Glaudi PUECH, sòci de l’IEO 06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bendas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Letra a K
( e Marçau legís la letra qu’a trobada …)
Sant Vincent, lo premier de junh de 1884
Ahyoka Tempier a Mossur K …
Mossur, se coneissèm pas e se rescontrarem jamai, vos escrivi pasmens. Fasèm cort ; un sòci de l’Internacionala m’a fach legir quauquei nòtas escrichas de vòstra man, e ara que siáu au debanar de ma vida ( Mangi dins mei 62 ans, podriáu faire tirar encara mai ai pron viscuda, ai decidit d’una fin volontària, una LIBERTAT mieuna. ) vodriáu partejar ambé vos vòstra reflexion e benlèu i apondre quicòm de mai. Qu’es reflexion comuna, Mossur !
Per assajar de melhor me faire comprene, captivar un pauc, s’aquò es possible, vòstra atencion, vos parlarai premier de mon paire, Antonin Tempier, dich Tonin, que foguèt eu tanben un d’aquestei sordats de l’ombra.
Seis avis foguèron totei de bastidans libres, exempts de corvadas, de manmòrtas, e aquò de tota ancianetat, au mens dempuei la grand pèsta de l’Edat-Mejana qu’anèron querre de vaudeses per facturar lei tèrras despopladas. Lo paire viviá aquí ambé sei gents dins aquest recanton de vau. Familha libra, doncas, afanada mai pas aclapada per la vida.
Son paire ( adonc mon grand costat pairau) despartissiá son trabalh entre lo ben, l’aver, la farga e la fabricacion de botas. Aviá de roves bèus en aqueu temps e lei sabiá copar segon la luna. Aquestei botas tenián bòna reputacion, lo monde disián qu’èran un pauc magicas, çò qu’es segur es que donavan un gost requist. (Vos escrivi çò que me contèt Tonin, lo paire mieu, que ieu siáu venguda après.) De son paire servèt l’imatge d’una onestetat ferotja ; aquela d’un òme que refusava de faire pagar mai que lo prètz de revèn. Aquest, tant brave que siegue, se faguèt jamai ric. (Entendem-se, Mossur, vos parli solament de çò que sabi èstre de nòstrei preocupacions comunas.)
Sentiá pron mon paire çò que li aviá de leiau dins l’actitud paternala mai ne’n vesiá pasmens la risca, sa consciénça, que me disiá, aprovava aqueu biais d’èstre e la sentida de l’insecuritat de la familha lo butava a autra causa. Foguèt sempre per eu una estraçadura e una enigma.
D’ora gardèt lei fedas, tre cinc ans benlèu, n’èra pas tròp segur, me posquèt dire pasmens de sensacions que jamai oblidèt ; la careça d’un soleu sus la pèu, lo cotigar de l’èrba moissa sus lei botèus, d’odors, un banh dins lo riolet per una tantòst cauda e la frescor de l’aiga … Son benlèu aquestei remembranças dau còrs, aquelei sensacions de vida que lo faguèron viure e restar au nòstre en Nòva-Anglatèrra.
Atrobaretz benlèu que sòrti aquí de mon prepaus, qu’aquestei “rasons en l’èr” an ren de veire ambé la question sociala e encara mens ambé la sciénçia economica. E pasmens, de nòstre rapòrt au monde lo Mèstre eu meme jamai ne’n tenguèt còmpte, vos e leis autrei nimai, levat un benlèu que d’aquesta passa fa l’empèri, mai per eu, ailàs, lo monde es pas qu’un capitau, vague, mau definit. Mau definit justament per que jutjat indefinit e inèrt. Lo monde, la tèrra, escrivi la Tèrra, desenant nòstra epòca emplega lo mot “natura”, curiós coma un mot pòu cambiar de sens, adonc i apondrai, a aqueu mot novèu, la majuscula tanben. Ara que siatz a estudiar Darwin, benlèu que Natura trobarà plaça dins la reflexion comuna. Excusatz ma digression …E ma pretencion ? Que m’enchaut, ara.
Vèni de legir “Viatge d’un riu” de vòstre amic Mossur Reclus, entre lei linhas una musica que m’a esmoguda d’un biais qu’es pas de crèire ! Una sensibilitat benlèu deguda a meis originas. Qué que ne’n siegue, Mossur, ges de construccion sociala sensa pausar Natura coma pèira premiera. Mon paire pensava aquò, e l’i tòrni, mestrègi mau lo vam de ma pluma, a dotze ans mon paire intrèt au collègi qu’aviá daverat lei borsas de segur. Aviá bòna tèsta mai pasmens per sei gents la carga èra tròp lorda, podián pas pagar lei libres per exemple. Adonc se faguèsse castigar per leis aguer oblidats, es que n’aviá ges ! Per fiertat escondiá sa misèria. Teniá ges de sabatas e laissava a la pòrta leis esclopetas que lo bruch n’auriá destorbat lo silenci dei classas, e intrava pès descauç. Patissiá de son amor-pròpri e tot a l’encòp deis umiliacions e de la pietat dei collègas. Se saluda pas dau meme biais un fiu de notable que lo fiu d’un parpanhac.
Pauretat es pas vici, que disiá, mai pièger, es lo mau. Foguèt sa premiera leiçon de filosofia practica e de tant luench que me sovèngui aquò li a totjorn donat de grame a triar. Pauretat e derision li seràn tombadas sus lei gautas coma un carpan ! Auretz, Mossur K, reconeigut aicí lei mots dau Mèstre, qu’aurai legit ailàs ben tard, mai que mon paire teniá ja en boca avant que lo Mèstre eu leis escriguèsse e que disián, que dison, una veritat viscuda dins la carn e dins l’arma. Quand me pènsi qu’ara lo Mèstre es considerat coma un borgés ! Un vèrme es dins la frucha, Mossur, que farà espelir una autra fòrça, una de mai, una autra crida a la violéncia, a l’arbitrari, e que serà per tot dire la contradiccion maja ! Auretz remarcat tanben la coïncidéncia dei parcors de vida, levat que lo paire, eu, ne’n restèt qu’a la vergonha. Colèra e revòuta venguèron après, a ma naissença. Es la vergonha de sa condicion que lo faguèt s’embarcat a Marselha, per mossi.
L’an 1819, lo batèu onte fasiá matalòt foguèt arrambat per lo còntrabandier Jean Lafitte e per se sauvar la vida èra estat obligat de travalhar per aquest . Lei piratas avián sa basa sus l’iscla de Campeche, gaire luench de la còsta de Texàs que d’aqueu temps èra poplat “d’indians canibals”, e lei “pòchas de civilizacions” ( me pensi qu’avètz ja comprés lo perqué dei verguletas) semenadas d’aicí-d’ailà èran subretot compausadas d’espanhòus que vos penjavan lèu fach per piratariá tota persona venent de la còsta, tant coma o fasián lei bandits mexicans ò lei gàrdias texans. Gaire de temps après son enrotlament forçat, lo govèrn american que vouguèt ameliorat sei relacions ambé leis espanhòus mandèt sa marina per netejar Campeche. Tonin s’enfugiguèt e posquèt passar per malha. L’an 1821 se retrobava en Nòva-Anglatèrra. Visquèt dins lo vilatge de ma familha, lei Wampanoag. Foguèron per eu leis annadas lei mai urosas de sa vida, me contèt après ( siáu nascuda en 1822) que dins la familha de ma maire i aviá ges de proprietat privada, la nocion existissiá pas, que totei trabalhavan per totei, per la comunautat. La presa de decisions, l’anar deis “afaires publics,” non se fasiá sensa consèus, sensa acamps de tot lo vilatge. Aicí, que me disiá, degun qu’auriá agut vergonha de son estat.
Vesètz, Mossur, quand i tòrni pensar, ara, me disi que mon paire aviá viscut una mena de mesa en practica de la pensada dau Mèstre. Èri nistona, ieu. Aviá coneigut la vergonha de son estat que s’èra puei, un temp, escafada, puei coneiguèt a l’encòp colèra e revòuta ; lei companhiás americanas disián que lei seuvas leis avián crompadas ( qu’au nòstre apartenián en degun) e comencèron d’esplechar, la repression foguèt terribla. La maire moriguèt, li sobrèt plus que sa filha, ieu, lo cap dau vilatge (causit per sa saviesa, sa prudéncia, son umilitat) li dimandèt de s’entornar au sieu, en Euròpa, qu’ailà èra la fònt dau mau e qu’èra a eu, Tonin, d’escambarlons entre dos mondes, de faire cambiar lei causas. Ambé les sòus dau comèrci dei pèus posqueriam pagar lo viatge en França.
Tornat au sieu, lo paire assajèt de botar en plaça una confederacion dei pichòtei comunautats d’aicí. La tòca èra de subretot pas s’opausar ai municipalitats actualas mai de desvelopar en parallèl un autre biais de faire ensems, estent que la fòrça de tot biais es pas e serà jamai dau caire de la paurilha e que, pauc a cha pauc, aquesta experiéncia de collectivitats confederalas faguèsse taca d’òli e qu’un jorn, coma una evidéncia, venguèsse d’esperela modèl de societat. Mai lei fiòlis, lei monarquists, lei borgés republicans, lo partit de l’emperaire, totei an agut fum d’aquela temptativa e nos an donat de “societat secrèta” … En 51, nòu de nosautrei foguèron fusilhats sens procès ( E mai perqué un procès quand avètz ren fach ?) sus simplas allegacions, vertadieras aquestei, verai, bòrd qu’èran totei d’òmes pastats de justícia qu’obravan per que posquèsse advenir un jorn un monde melhor. Èra nòtra “religion”, ieu manjavi dins mei vint-e-nòu ans.
L’espèr au mieu se seriá aflaquit, urosament de vòstreis escrichs, lei darriers, comprenguèssi ben lei premieras nòtas de “L’ajuda mutuala ; un factor de l’evolucion”, mostratz en vos apielant sus Darwim que l’ajuda es per la raça umana lo biais qu’aguèt, aquesta, per subreviure, s’adaptat e evoluir, e non pas la lèi dau “mai fòrt”. L’ajuda mutuala seriá constitutiva de la nòstra espècia. S’es constitutiva de l’òme, adonc podèm crèire en l’avenidor e la Bòna non serà una utopia !
Mai “l’ajuda mutuala” seriá estada gravada dins nòstrei cervèlas per la creacion ? Au començament d’aquesta letra, vos ai dich, Mossur, qu’un remembre m’èra tornat. A dire lo verai i aviáu totjorn pensat mai fai gaire l’ai considerat d’un autre biais après la leitura, justament, de vòstre escrich. En cinquanta-e-un aviáu sonhat un revòutat que s’èra laissat tirar dessús simplament per que au mai fons d’eu podiá pas crèire que l’autre en fàcia li vouguèsse de mau. A l’epòca, aviáu trobat aquela actitud un brigon ninòia, fòra sen, actitud d’un jovent pantaiaire qu’auriá pas degut prene un fusiu. Uei, me pensi qu’aqueu jovenòme dins sa simplesa aviá benlèu tocat dau det una veritat venguda de la nuech dei temps.
Mossur K, me pensi ansin qu’avans l’ajuda mutuala (aquesta es pas qu’una consequéncia) existís au fin fons de l’arma umana la veritat que l’autre non me pòu faire de mau per que ieu lo mau lo pòdi pas donar e lo vòli pas recebre. Es aquò lo factor d’evolucion, disèm l’empatia, que la religion nos a raubada e que lei poténcias sabon escafar ò escrachar. Empatia ? Benlèu qu’au nivèu sociau lo mot convèn pas, adonc parlarai d’un “principi”, aqueste “quauqua ren” qu’es la pèira de vòuta d’una vertadiera existéncia collectiva e que fai que l’òme a la sentida d’una dignitat comuna a son espècia, per eu e per leis autres, e que la pòrta dins son còr coma una moralitat que li es superiora, que lo trespassa, qu’es tot a l’encòp Justícia e Egalitat. E aquest “principi” li vèn pas dau defòra, es intim, immediat, es son esséncia, l’esséncia de la societat ela mema.
Mon grand mairau aviá dich au paire que “vosautrei, lei blancs, aimaviatz pas pron per vos ameritar la Tèrra.”
Engardem-se, Mossur, de pas pron s’aimar. “Lòngamai *!” coma se ditz au nòstre, qu’es tanben lo nom de nòstra siegue disent “societat secrèta” qu’ara, per prudéncia a passat per malha de l’autre costat dau mirau.
E que lo vòstre assag* posquèsse èstre editat que segur portarà pèira !
De passar a K…
preson Sant Pau
la Crotz Rossa
Lion
*L’assag de Pèire Kropotkine “L’ajuda, factor de l’evolucion” foguèt publicat premier en Anglatèrra en 1902, e en França solament en 1906.
* Lòngamai ! ( qu’aquò dura longtemps !) ; en 1973 dins lo vam deis esveniments de mai de 68, de joines europencs decidon de fondar una bastita auto-gerida dins lo biais “mutualista” entre Forcauquier e la montanha de Lura. Lo nom de l’associacion, “Longo maï “, li foguèt suggerit per un pastre de l’endrech. Aquela bastida existís totjorn.
Joan-Glaudi PUECH
Lettre à K
Saint Vincent, le premier juin 1884
Ahyoka Tempier à Monsieur K …
Monsieur, nous ne nous connaissons pas et nous ne nous rencontrerons jamais. Faisons court ; un membre de l’Internationale m’a fait lire quelques notes écrites de votre main, et maintenant que je suis à la fin de ma vie (Je suis dans mes 62 ans, je pourrais faire tirer encore comme on dit chez nous mais j’ai assez vécu, j’ai décidé d’une fin volontaire, une LIBERTÉ personnelle.) je voudrais partager avec vous un aspect de votre réflexion et peut-être y ajouter quelque chose de plus. Car c’est réflexion commune, Monsieur !
Pour essayer de mieux me faire comprendre, pour capter un tant soit peu votre attention, je vous parlerai d’abord de mon père, Antonin Tempier, qui fut un temps un de ces soldats de l’ombre. Ses ancêtres furent tous des fermiers libres, exempts de corvées et cela depuis toujours, au moins depuis la grande peste du Moyen-Âge quand on alla chercher des vaudois pour cultiver les terres dépeuplées. Mon père vivait ici avec ses parents dans ce recoin de vallée. Famille libre donc, occupée mais pas écrasée par la vie.
Son père (donc mon grand-père côté paternel) partageait son travail entre le bien, le troupeau, la forge et la fabrication de tonneaux. Il avait de beaux chênes en ce temps-là et savait les couper selon la lune. Ces tonneaux avaient bonne réputation, les gens disaient qu’ils étaient un peu magiques, ce qui est sûr c’est qu’ils donnaient un goût excellent. (Je vous écris ce que me racontait Tonin, mon père, car moi je suis arrivée plus tard.) De son père, il garda l’image d’une honnêteté farouche, celle d’un homme qui refusait de faire payer plus que le prix de revient. Celui-ci, tout brave qu’il soit, ne se fit jamais riche. (Entendons-nous Monsieur, je vous parle seulement de ce que je sais être de nos préoccupations sociales.) Mon père ressentait très bien ce qu’il y avait de loyal dans l’attitude paternelle mais il en voyait aussi le risque, sa conscience, me disait-il, approuvait cette façon d’être et le sentiment d’insécurité de la famille le poussait à autre chose. Ce fut toujours pour lui une déchirure, et une énigme.
Très tôt il garda les brebis, dès cinq ans peut-être, il n’en était pas trop sûr, il put me dire pourtant des sensations que jamais il n’oublia ; la caresse d’un soleil sur la peau, le chatouillis de l’herbe sur les mollets, un bain dans le petit ruisseau par une après-midi chaude et la fraîcheur de l’eau … Ce sont peut-être ces souvenirs du corps, ces sensations de vie qui le firent vivre et habiter chez nous en Nouvelle-Angleterre.
Vous estimerez peut-être que je sors là de mon propos, que ces « raisons en l’air » n’ont rien à voir avec la question sociale et encore moins avec la science économique. Et pourtant, de notre rapport au monde le maître lui-même n’en tint pas compte, vous et les autres non plus d’ailleurs, sauf un peut-être qui en ce moment domine la pensée, mais pour lui le monde n’est qu’un capital, vague, mal défini. Mal défini justement car jugé indéfini et inerte. Le monde, la terre, j’écris la Terre, désormais notre époque emploie le mot « nature », curieux comme un mot peut changer de sens, donc à ce mot nouveau j’y ajouterai aussi la majuscule.
Maintenant que vous êtes à étudier Darwin, peut-être que Nature trouvera sa place dans la réflexion commune. Excusez ma digression … Et ma prétention ? Que m’importe désormais.
Je viens de lire « Voyage d’un ruisseau » de votre ami Monsieur Reclus ; entre les lignes une musique qui m’a émue à un point ! Une sensibilité peut-être due à mes origines. Quoi qu’il en soit pas de construction sociale, Monsieur, sans poser Nature comme première pierre. Mon père pensait cela, et j’y reviens à mon père, je maîtrise mal l’élan de ma plume, à douze ans il entra au collège car il avait obtenu les bourses bien sûr. Il avait bonne tête mais cependant pour ses parents la charge était trop lourde, ils ne pouvaient pas lui payer ses livres par exemple. Si donc il se faisait punir pour les avoir oubliés c’est qu’il n’en avait pas ! Par fierté il cachait sa misère. Il n’avait pas de souliers et il laissait à la porte ses galoches dont le bruit aurait perturbé le silence des classes, et il entrait pieds nus. Il souffrait de son amour-propre et tout à la fois des humiliations et de la pitié de ses camarades. On ne salue pas de la même façon un fils de notable que le fils d’un cul-terreux.
Pauvreté n’est pas vice, me disait-il, mais pire, c’est le mal. Ce fut sa première leçon de philosophie pratique et d’aussi loin que je m’en souvienne cela lui avait toujours donné du fil à retordre. Pauvreté et dérision lui seront tombées sur les joues comme une gifle ! Vous aurez reconnu ici, Monsieur K, les mots du Maître, que j’aurai lu hélas bien tard, mais que mon père avait déjà dans en bouche avant que le Maître lui-même ne les écrivit et qui disaient, qui disent, une vérité vécue dans la chair et l’âme. Quand je pense que le Maître est aujourd’hui considéré comme un bourgeois ! Un ver est dans le fruit, Monsieur, qui fera naître une autre force, une de plus, un autre appel à la violence, à l’arbitraire, et qui sera pour tout dire la contradiction majeure ! Vous aurez remarqué aussi la coïncidence des parcours de vie, sauf que mon père, lui, n’en resta qu’à la honte. Colère et révolte vinrent après, à ma naissance. C’est la honte de sa condition qui le fit s’embarquer comme mousse à Marseille.
En 1819, le bateau sur lequel il était matelot fut abordé par le contrebandier Jean Lafitte et pour avoir la vie sauve il fut contraint de travailler pour ce dernier. Les pirates avaient leur base sur l’île de Campeche, guère loin de la côte du Texas qui ce temps-là était peuplé « d’indiens cannibales », et les « poches de civilisations » (je pense que vous avez déjà compris le pourquoi des guillemets ) clairsemées de-ci de-là étaient surtout composées d’espagnols qui vous pendaient vite fait pour piraterie toute personne venant de la côte, comme le faisaient aussi les bandits mexicains ou les gardes texans. Peu de temps après son enrôlement forcé, le gouvernement américain qui voulait améliorer ses relations avec les espagnols envoya sa marine pour nettoyer Campeche. Tonin s’enfuit et put passer entre les mailles du filet. En 1821 il se retrouva en Nouvelle-Angleterre. Il vécut dans le village de ma famille, les Wampanoag. Ce furent pour lui les années les plus heureuses de sa vie, il me raconta après (Je suis née en 1822) que dans la famille de ma mère il n’y avait pas de propriété privée, la notion n’existait pas, que tous travaillaient pour tous, pour la communauté. La prise de décisions, l’aller des « affaires publiques », ne se faisaient pas sans conseils, sans réunions de tout le village. Ici, me disait-il, personne qui aurait eu honte de son état.
Vous voyez Monsieur, quand j’y repense maintenant, je me dis que mon père avait vécu une sorte de mise en pratique de la pensée du Maître. J’étais enfant, moi. Il avait connu la honte de son état qui s’était un temps effacée puis il connut tout à la fois colère et révolte ; les compagnies américaines disaient qu’elles avaient acheté les forêts (qui chez nous n’appartenaient à personne) et commencèrent à exploiter, la répression fut terrible. Ma mère mourut, il ne lui resta plus que sa fille, moi, le chef du village (choisi pour sa sagesse, sa prudence et son humilité) lui demanda de retourner chez lui, en Europe, car là était la source du mal et que c’était à lui, Tonin, à cheval entre deux mondes, de faire changer les choses. Avec l’argent du commerce des peaux nous pûmes rentrer en France.
De retour chez lui, mon père essaya de mettre en place une confédération des petites communautés de l’endroit. Le but était de ne surtout pas s’opposer aux municipalités actuelles mais de développer en parallèle une autre façon de faire ensemble, étant donné que la force n’est pas et ne sera jamais du côté de la plèbe et que, peu à peu, cette expérience de collectivités confédérées fasse tache d’huile et qu’un jour, comme une évidence, devienne par elle-même modèle de société. Mais les dévots, les monarchistes, les bourgeois républicains, le parti de l’empereur, tous ont eu vent de cette tentative et nous ont qualifiés de « société secrète ». En 51, neuf d’entre nous furent fusillés sans procès (et puis pourquoi un procès quand vous n’avez rien fait ?) sur de simples allégations, vraies celles-ci puisque c’étaient tous des hommes pétris de justice oeuvrant pour que puisse advenir un jour un monde meilleur. C’était notre « religion », j’allais dans mes vingt-neuf ans.
L’espoir chez moi aurait faiblit, n’étaient vos écrits, si je comprends bien les premières notes de « L’entraide ; un facteur de l’évolution », vous montrez en vous appuyant sur Darwin que l’entraide est pour la race humaine la façon qu’a eu celle-ci pour survivre, s’adapter et évoluer, et non pas l’idée du « plus fort ». L’entraide serait constitutive de note espèce. Si elle est constitutive de l’homme alors nous pouvons croire en l’avenir et la « Bonne » ne serait pas une utopie !
Mais l’entraide serait gravée dans nos cerveaux par la création ? Au commencement de cette lettre, je vous ai dit Monsieur qu’un souvenir m’était revenu. Pour dire vrai j’y avais toujours pensé mais il y a peu je l’ai considéré d’une autre façon après la lecture, justement, de votre écrit. En 51 j’avais soigné un révolté qui s’était laissé tirer dessus simplement parce qu’au plus profond de lui-même il ne pouvait pas croire que l’autre en face puisse lui vouloir du mal. A l’époque, j’avais trouvé cette attitude un tant soit peu naïve, hors raison, attitude d’un jeune rêveur qui n’aurait pas dû prendre un fusil. Aujourd’hui je pense que ce jeune homme dans sa simplicité avait peut-être touché du doigt une vérité venue de la nuit des temps.
Monsieur K, je pense ainsi qu’avant l’entraide (celle-ci n’est qu’une conséquence) existe au fin fond de l’âme humaine la vérité que l’autre ne peut me faire du mal car moi-même le mal je ne peux le donner et ne veux pas le recevoir. C’est cela le facteur d’évolution, disons l’empathie, que la religion nous a volé et que les pouvoirs savent effacer ou écraser. Empathie ? Peut-être qu’au niveau social le mot ne convient pas, je parlerai donc d’un « principe », ce « quelque chose » qui est la pierre de voute d’une véritable existence collective et qui fait que l’homme a le sentiment d’une dignité commune à son espèce, pour lui et pour autrui, et qu’il la porte dans son cœur comme une moralité qui lui est supérieure, qui le transperce, qui est tout à la fois Justice et Egalité. Et ce « principe » ne lui vient pas du dehors, il est intime, immédiat, c’est son essence, l’essence de la société elle-même.
Mon grand-père maternel aurait dit à mon père que « vous autres, les blancs, vous n’aimiez pas assez pour vous mériter la Terre. »
Gardons-nous, Monsieur, de ne pas assez nous aimer. « Longo maï ! »* comme on dit chez nous, c’est aussi le nom de notre soi-disant société secrète qui aujourd’hui, par prudence, s’est échappée de l’autre côté du miroir.
Et que votre essai* puisse être édité, il portera pierre soyons sûr !
Faire passer à K
Prison Saint Paul
La Croix Haute
Lyon
*L’essai de Pierre Kropotkine « L’entraide comme facteur de l’évolution » fut publié la première fois en Angleterre en 1902 et en France seulement en 1906.
*« Longo maï ! » (Que cela dure longtemps !) ; en 1973 dans l’élan des évênements de mai 68, de jeunes européens décident de fonder une ferme autogérée, « mutuelliste », entre Forcalquier et la montagne de Lure. Le nom de l’association « Longo maï » leur fut suggérée par un berger de l’endroit. Cette ferme existe toujours