RIBON-RIBANHA : LEA, REGINA DAU MAI.

Amics occitans, la cronica Ribon-Ribanha d’ancuei, titrada « LEA, REGINA DAU MAI. », vos es presentada da Nàdia Amapane, sòcia de l’IEO 06.

Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bendas dessenhadi…

a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »

LEA, REGINA DAU MAI.

En parcorent lo libre de Joan-Pèire, ai vorgut n’en saupre mai sus li Reginas dau Mai dau temps passat. Siáu uroa d’aver augut una tanta, naissuda en lo mile nòu cent trenta e qu’auguèt la fiertat de portar aquesta corona en lo mil nòu cent quaranta sèt. Ela si faguèt un plesir de mi contar aquesta bèla aventura.

Faía pròpi caud a n’aquela prima e Lea, acompanhada dai sieu amigas e una dei sieu sòrres, ma tanta Joseta, après de s’èstre refrescada en Castèu, s’en calèt fins en carriera Bavastro.

Lu organisators installavan li luernas (lanternons) e toi s’arrestèron per aluchar. Quauqu’un diguèt :    « Nen manca l’escòrta de la regina dau mai »

Li balhèron de vestits a la basta que sigue (eravam d’après-guèrra) e virèron lu Mais en cercant en van la regina. Lo clavaire sonèt Lea e li diguèt : « Aüra, sigues bèla e chuto ! »

Pus tardi, Lea emparèt que la precedenta filha elegida èra estada desqualificada perqué èra maridada.

Lo premier de mai, l’escòrta dei bèli filhas si rendèt a la gara dau Sud e calèt l’avenguda de la Victòria seguida per la fanfara e lu dançaires.

Davant la glèia Sant Joan-Baptista, l’i èran un pontin e totplen de cadieras. Lu mieus nònos e la mieu familha èran fièrs e ma tanta èra encara esmouguda d’una frasa d’un jornalista de l’Espoir ò de Nice-Matin qu’avia escrich : «Es lo festin dei Vernas e la mai bèla dei luernas es Lea».

Malurosament, l’i èra una rivalitat tra lu Mais e lo president dau quartier Ciril Besset denoncèt lu resultats perqué la regina devia èstre encoronada de flors fresqui e ma tanta avia una corona de flors artificiali.

Veguent li cauas degenerar, li bravi gents s’escapèron e la batalha dei cadieras posquèt començar.

Quauqu jorns mai tardi, Lea recevèt una letra que li anoncèt qu’èra arribada fin finala quarta.

Ma tanta garda parier un magnific remembre d’aquest eveniment que li a permés d’encontrar                       

Rita HAYWORTH, de passatge en la region, blonda a chivús corts après dau tornatge de « La dame

de Shanghaï ».

Pus tardi, es David NIVEN, totplen mai simpatic que la convidèt per la projeccion a ària libra dau sieu

filme : «Une question de vie ou de mort».

********************************************************************************

Per acabar vos vorrii arremerciar de m’aculhir tra vautres. Despí lo premier cors, mi siáu sentida a

l’aise e se siáu encara luenh de ben parlar niçard coma vautres, espèri que, a la fin de l’an que vèn, aurai fach de progrès gaug ai vòstres conseus

Nàdia Amapane lo 23 de setembre dau 2025

Léa reine des mais 

En parcourant le livre de Jean-Pierre Baquié, j’ai voulu en savoir plus sur les reines des mais d’autrefois. 

J’ai la chance d’avoir une tante, née en 1930, qui a eu la fierté de porter cette couronne en 1947.

Elle s’est fait un plaisir de me conter cette belle aventure.

Il faisait très chaud ce printemps-là et Léa, accompagnée de ses amies et d’une de ses soeurs, ma tante Josette, après s’être rafraichie au château, descendit jusqu’à la rue Bavastro.

Les organisateurs installaient les lucioles (petites lanternes) et toutes s’arrêtèrent pour regarder.

Quelqu’un dit : « il nous manque l’escorte de la reine des mais » !

Ils donnèrent des habits mal fichus (c’était l’après-guerre) et elles tournèrent les mais en cherchant désespérément la reine.

Le trésorier appela Léa et lui dit : « Maintenant, sois belle et tais-toi » !

Plus tard, elle apprit que la précédente élue avait été disqualifiée parce qu’elle était mariée.

Le premier mai, le cortège des belles jeunes filles se rendit à la gare du sud et descendit l’avenue de la victoire suivi par la fanfare et les danseurs.

Devant l’église Saint-Jean Baptiste, il y avait une estrade et beaucoup de chaises.

Mes grands-parents et la famille étaient fiers et ma tante est encore émue d’une phrase d’un journaliste de l’Espoir ou de Nice-Matin qui avait écrit : « C’est le festin des aulnes et la plus belle luciole, c’est Léa ».

Malheureusement, il y avait rivalité entre les mais et le président du quartier Cyrille Besset dénonça les résultats parce que la reine devait être couronnée de fleurs fraîches et ma tante avait une couronne de fleurs artificielles.

Voyant les choses dégénérer, les braves gens s’enfuirent et la bataille de chaises pût commencer.

Quelques jours plus tard, Léa reçut une lettre du Comité des Fêtes lui annonçant qu’elle était finalement quatrième.

Ma tante garde quand même un magnifique souvenir de cet évènement parce qu’il lui permit de rencontrer Ritha Hayworth, de passage dans la région et blonde à cheveux courts après le tournage de la Dame de Shanghaï.

Plus tard, c’est David Niven, beaucoup plus sympathique, qui les invita pour la projection en plein air de son film : « Une question de vie ou de mort ».