Amics occitans, la cronica Ribon-Ribanha d’ancuei, titrada «Lo vièlh molin d’aures», vos es presentada da Joan Nove MABELLY, sòci de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bendas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Lo vièlh molin d’aures
Lo vent que, tant de temps, virant sieu grani alas
Faía tot grinhar sota lo sieu cubert de taulas
Aüra que resta ren de la carcassa de lenha
Barcela, furiós, lu sieus barris colossaus.
Sus d’una autura sterila dont ges d’aubres son ficats
Tau un pastre, ferotge e mut, garda la plana
E ve d’oliviers, clinhats da la chavana,
Ondear sensa fin lo fuelhatge argentat.
La draia que l’i pua es estrecha e serpeja,
Penibla e rocalhoa, costejada dai argilacs,
Lo verd d’un pin, quilhat solet sus d’un rocàs
Fa un signau d’esper dins lo vent que gemisse.
En passat temps, lu païsans ‘mé d’aes embastats
L’i montavan, joiós, li sieu recòrtas dauradi
E, quora s’en tornavan, portavan de gròs sacs
D’una farina grassa e lèsta per pastar.
Lo molinier, redon e totjorn plen d’abriva
Segur dau sieu gaubi, de l’un a l’autre anava.
Èra, dau terrador, un molin de tria
Dont tot èra vivent e tot sentia la jòia.
Quant de temps fa d’aquò ? Degun, meme lo mai vièlh
Dau vilatge vesin, n’en a gardat la memòria
E dau molin defuntat vos pòu cuntar l’istòria…
Es mòrt, vos ditz cadun. Au mèns, lo si crèse.
Mas lu molins si mòron jamai. Lu sieus braç de tela
Meme quora viran plus au buf dau vent rauc,
E pendon, estrassas, coma barabanchos,
Sembla que van encara escobar li estèlas.
Meme se d’aquelu braç n’en resta ren pus
E ren nimai dei sieus capuchons ponchuts
Se si ve de vivent que li rata-pinhatas
L’ànima dei vièlhs molins s’en remembra encara.
Vequí perqué, sus li auturas de Provença,
Barcelats d’ans e d’ans per toi lu Maistraus,
Li Tramontanas, lu Libechs, lu vents Gregaus
Lu vièlhs molins son li marcas e de signaus
Que dei sègles passats gardan la remembrença.
D’après un poëma Provençau de Monsur Artus MABELLY
(Adaptacion a la grafia classica Rogier GILLI)
Le vieux mouln à vent
Le vent, qui tant de temps, faisant tourner ses grandes ailes, Faisait tout grincer sous sa toiture de planches, Maintenant qu’il ne reste plus rien de son armature de bois, Secoue, furieux, ses murs colossaux. Sur une hauteur stérile où pas un arbre a poussé, Tel un berger, fier et muet, il surveille la plaine, Et voit, des oliviers courbés sous la bourrasque, Le feuillage argenté sans cesse onduler. Le sentier qui y monte est étroit et serpente, Pénible et raboteux, parmi les genêts. La verdure d’un pin, dressé seul sur un rocher, Fait un signal d’espoir dans le vent qui gémit. Autrefois, les paysans avec leurs ânes bâtés Y montaient, joyeux, leurs récoltes dorées Et, quand ils revenaient, ils portaient des sachées D’une farine grasse, prête à être pétrie. Le meunier, tout rond et toujours plein d’énergie, Allait de l’un à l’autre en tenant pied partout, C’était un moulin des meilleurs du terroir Où tout était vivant et tout sentait la joie. Combien y a-t-il de temps de cela? Nul même chez les plus vieux, Du village voisin n’en a gardé le souvenir Et du moulin défunt, ne peut vous conter l’histoire… Il est mort, vous dit chacun. Tout au moins il le croit. Mais les moulins ne meurent jamais. Leurs bras de toile, Même quand ils ne tournent plus au souffle rauque du vent Et qu’ils pendent lacérés comme des épouvantails On dirait qu’ils vont encore balayer les étoiles. Même si de ces bras, il ne reste plus rien, Pas plus que de leurs toitures pointues Si on ne voit de vivant que les chauves-souris, L’âme des vieux moulins encore se souvient. Voila pourquoi sur les hauteurs de Provence, Malmenés tant d’années par tous les Mistral Les Tramontanes, les vents Libyens et les vents Grecs Les vieux moulins sont des signaux et des repères Qui des siècles passés gardent le souvenir.
VIÈI MOULIN DE VÈNT
Per segne Emilo LOUMBARD Presidènt dóu Vièl-z-Ais (Tèxte en grafia mistralenca) :
Lou vènt que, tant de tèms, virant si gràndi alo,
Fasié cracina tout sout soun cubert de post,
Aro que rèsto rèn de soun arnei de bos,
Bacelo, furious, si paret couloussalo.
Sus uno auturo esterlo ount ges d’aubre a buta,
Coume un pastre, ferouge e mut, gardo la plano
E vèi, dis óulivié gibla pèr la chavano,
Erseja sènso fin lou fuiage argenta.
Lou draiòu que l’escalo es estré, e viroulo,
Penible e raspignous, dintre lis argelas,
Lou verd d’un pin, quiha soulet sus un roucas,
Fai un signau d’espèr dins lou vent que gingoulo.
Ancian tèms, li pacan ‘mé si ase embasta
Ié mountavon, galoi, si recordo daurado
E, quand n’en revenien, pourtavo de sacado
D’uno farino grasso e lèsto pèr pasta.
Lou moulinié redoun e toujour plen de voio,
Anavo d’un à l’autre en tenènt pèd pertout.
Ero un moulin di pus chanu dóu terradou
Ount tout èro vivènt e tout sentié la joio.
Quand i’a de tèms d’acò ? Res, meme di pus vièi
Dóu vilage vesin, n’en a garda memòri
E dóu moulin defunt vous pòu counta l’istòri…
Es mort, vous dis chascun. A tout lou mèns, lou crèi.
Mai li moulin moron jamai. Si bras de telo,
Meme quand viron plus au boufa dóu vènt rau
E penjon, estrassa coume d’espaventau,
Semblo que van encaro escouba lis estello.
Meme d’aquéli bras se n’en rèsto pus ren
E rèn nimai de si capoucho abousounado,
Se veson de vivènt que li rato-penado,
L’amo di vièi moulin encaro se souvèn.
Vaqui perqué, sus lis auturo de Prouvènço,
Bacela d’an e d’an per tóuti li Mistrau,
Li tramountano, li Labé, li vènt Gregau,
Li vièi moulin soun de simbèu e de signau
Que di siècle passa gardon la souvenenço.
Artus MABELLY
Ais- de Prouvènço (Juliet 1956)
