Grassa Plaça Nòva : Colleccion JP Baquié

Cars amics e sòcis,

Coma lo sabètz lo 19 de setembre, la nòstra associacion organiza la visita en lenga de la vila de Grassa. L’associacion afrairada Sota Òrme serà presenta embé 40 sòcis per lo mens. Lu sòcis grassencs de l’IEO-06 si son mobilizats per vos aculhir.


Au programa :

De matin a 10 oras, visita en lenga de Grassa : Catedrala, Plaça ai Peis, Plaça ai Erbas, carriera de l’Oratòri, Plaça ai Aires e la Vila Vielha.

L’apontament (rendètz-vos) es fixat au Cors CRESP. Venir 10 minutas a l’avança. Per l’apèu dau monde e la formacion dei grops.

miegjorn e mieja : Aperitiu a la sala municipala Sant Jaume seguit dau past sortit de la biaça.

14 oras 30 : Visitas de musèus : lo contengut serà donat sus plaça en fonccion dei demandas dau monde.

Demandam au monde ja marcats de respectar lu oraris que la visita comencerà a 10 oras picanti. Per aquelu que l’an pas’ncara fach de si marcar pròche Carlòta : segretariat.ieo06@yahoo.fr,

Mefi ! sobran basta un vintenau de plaças.

Grassa Plaça Nòva : Colleccion JP Baquié
Grassa Plaça Nòva : Colleccion JP Baquié

Laisser un commentaire

Votre adresse e-mail ne sera pas publiée. Les champs obligatoires sont indiqués avec *