Amics occitans, la cronica Ribon-Ribanha d’ancuei, titrada « IEU E TU », v’es prepauada da Lo SinHoR.
Avia respondut a la crida d’escriure un tèxte de 15 regas tot bèu just, pas una de mai, pas una de mens, per fin de mostrar la vitalitat dei actors de la lenga en lo sècolo XXI, per celebrar lu 15 ans de la rubrica Ribon-Ribanha imaginada da la nòstra amiga Anna Maria Milardi. Aquesta rubrica espelissèt embé la publicacion de la presentacion sus lo site de l’IEO-06 d’aquesta rubrica lo 2 de novembre dau 2008 e de la premiera publicacion lo dimècres de 5 novembre dau sieu tèxte VIATGE EN PAÍS CATAR.
Aquesta participacion a la mesa en valor de la lenga s’es plus arrestada despí d’aquò.
Li agrada cada setmana ai centenaus de lectritz e de lectors.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc »
ieu e tu pas de creire
pas de creire tot es blu
tot es blu per carrieras
per carrieras ieu e tu
ieu e tu ieu e tu
moi et you esconduts
esconduts en cambron
en cambron quasi nus
quasi nus moi et you
moi et you ieu e tu
nautres doi ont le temps
ont le temps tot es fòl
tot es fòl deman mai
deman mai nautres doi
nautres doi ieu e tu
Lo SinHoR
