Vèsi l’auton, Danís
Amics occitans, la cronica Ribon-Ribanha d’ancuei, titrada « Vèsi l’auton, Danís » vos es presentada da Joan-Glaudi PUECH, sòci de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bendas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Vèsi l’auton, Danís
Començament de la tresena, e darriera, partida
Aquel an d’aquí l’auton arribèt d’ora, ben avans la Sant Miquèu. Sus leis adrechs, onte la vegetacion patissiá de la secaressa, leis argelabres mandèron lo premier sinhau en auborant d’un còp entre lei peiregàs la flama jauna de sei fulhums. Lei petelins seguiguèron, roges, e sus l’autura que Chazinta contemplava dempuei la fenèstra leis faus èran a mand de se faire ros.
« La mòrt es un cacalàs ! li venguèt Danís.
- Perqué diés aquò ?
- Quand Marçau es mòrt, a ritz ! »
Òc, aviá ritz, a la fin d’un lòng sospir. Un rire que s’acabèt per una mena de siblament a pena audible. Ansin aviá ris dos còps dins sa vida, lo premier lo jorn de sa naissença d’après çò que li aviá ditz, e lo segond au moment de son darrier badalh. Jamai l’aviá vist s’escacalassar Chazinta, mai auborava totjorn un riset ais cantons dei bocas que degun podiá saupre serà de mesprètz ò de gentum. De crosetas s’i èran cavadas, un pauc coma per Lecca.
“Riguèt tanben lo jorn que venguèt a la lutz, Danís !”
L’unica fenèstra dau membre donava sur la còla e sus la pradèla en còntrabàs dau cortiu onte Jòus e Fina trotejavan de cotria en fasent ondejar sei crinieras. En cò dei Daumàs, a cada generacion, a cada maridatge, se bastissiá un prolongament, una dependéncia, ambé sa chaminèia, son recanton per lo liech, la pòrta e la fenèstra, pas mai. Aquò s’acabèt a la debuta dau sègle e la familha pauc a cha pauc s’acorchiguèt fins a tornar caupre dins l’ostau d’origina. Chazinta restava aquí dins un d’aqueu prolongament de bastida, geinava pas. Per la fenèstra podiá veire lo tròç de tèrra onte èra estat sepelit Marçau ; un claus ambé sa crotz a costat dau cròs dei Daumàs. Vaudés aquestei, ancian temps, puei parpalhòts, e puei ren, mai sepelissián totjorn sei mòrts a costat de l’ostau, sens prèires, pastors ò capelans, en riba d’aquela pradèla que Danís, li afortissiá, s’enflorissiá a la prima d’un biais meravilhós.
Chazinta aviá agut l’autorizacion de la prefectura per que Marciau posquèsse repausar gaire luench de Jòus, son darrier companh d’armas. E venguèt lo prefèct lo jorn de l’enterrament e mai Frai Ansèume que s’acontentèt de murmurar un Pater Noster. A la fin de la ceremònia, l’ancian coronèu aviá descargat lei sièis còps de son revouvèr, braç tiblat, còrs au garda-a-vos. Avián laissat lo parèu de chivaus se sarrar de l’enclaus, Fina foguèt esfraiada e s’enfugiguèt au fons de la prada, Jòus demorèt tancat davant lo cròs, tèsta sota, la tornèt levar solament quand Danís improvisèt ambé sa flaüta de Pan un solòmi que li veniá dau còr.
“ Marçau se demandava totjorn se Jòus èra pas estat un chivau de guèrra, li diguèt mai Danís.
- T’a fòrça parlat a tu, è ?”
Voliá tot saupre Chazinta e lo questionava de lònga.
“E de qu’èra anat faire de l’autre costat de la còla, onte dos jorns ne’n faguèron cinc d’après tu ?
- Cercava una guadalajara.
- Una guadalajara ?
- Òc, un ostau blanc.”
Chazinta aviá pas ausat prene lenga ambé lo monge-ermitan qu’aquest semblava una trèva, un escapat dau reiaume dei mòrts.
“ Lei trèvas, aquò existís pas, faguèt Danís, es estat nafrat ai guèrras d’avans.”
Foguèt Frai Ansèume que venguèt a ela un jorn qu’èra anar faire visita a Regina. Lo monge li aviá fisat que son òme èra pivelat per aquest Amielh qu’aviá rescontrat dins la patacha de Grenòble. Ela tanben l’aviá vist, es ela que li aviá portat la pelegrina negra. L’aviá oblidat Chazinta, un desconeigut qu’aviá jutjat gaire interessant. L’auriá crosat que l’auriá pas remés. Aviá sempre agut de nas Marçau, mai qu’ela. “ Un flaire de caçaire, de tuaire. Per dire la vertat lo premier còp que lo veguèri me faguèt paur !” li diguèt mai lo monge.
Chazinta aviá donat lei papiers d’identitat d’Amielh au prefèct que lei sarrèt dins sa pòcha en li diguent que fin finala l’istòria dau lobatàs solitari contentariá pron lo monde. Tres nèrvis que de tot biais degun reclamariá. Se podiá dire qu’aquela bèstia fèra aviá pas fach un tant marrit trabalh qu’aquò. Chazinta s’èra ben garda de tot li contar.
“ Te fas ben ambé la Regina, que ? li faguèt remarcat Danís, siatz collègas cinc sòus ara ! Lo premier còp que te menèri a la cabana lo regretèri tot d’un temps quand l’ausiguèri plorar ! Jamai que l’aviá vista ansin e mai quand i aviá agut l’òme-aubrilhon ! Rintrèri, èri ambé Gianna sus la terrassa, me rementarai totjorn ta facha de maubre. Ères marrida ! Quauqu’un que podiá tuar que me pensèri, tant coma Marçau quand l’espiavi que davalava dau crestenc. E puei, diguères, en m’agachant sensa me veire : “Maudichs siegan lo ruscle deis òmes e lo despoder dei femnas !” E lo mai incredible es que Regina arrestèt sei choquets, se levèt e se venguèt pausar la tèsta sus ton espatla ! Urosament, urosament, auriáu agut de l’aparar qu’auriáu pas fach lo pes còntra tu !
- T’aprendrai, vai. Per ara, leiçon d’escritura mon bèu !”
Danís veniá de copiar un poèma de Victor Hugo ambé lo pòrtapluma de Marçau. Chazinta li fasiá escòla, lo mèstre ne’n voliá plus, sabent pas s’èra tòti ò pantaiaire, ò lei dos à l’encòp. Jousèu, son paire, sus lo sicut istava mut e s’acontentava d’auçar leis espatlas. Chazinta s’èra avisada de l’interès que li portava Marçau e a son cabeç, quand lo jovent li aviá pausat la man sus lo front, aquest s’èra destiblat sobde ! L’aviá sentit Chazinta, l’aviá vist, n’èra segura, Danís aviá cochat l’angoissa de la mòrt. E pasmens, un òme coma Marçau !
“ Sas, m’agrada pas Victor Hugo, es polit segur, es polit mai trist. E puei es pas ma lenga, perqué auriáu d’aprene de francés ?”
Chazinta sarrèt lo libre dei ‘contemplacions” e li botèt davant lo nas “Li isclo d’or”. Ne’n diguèt pas mai, laissèt Danís lo fulhetar.
“Mai ? Es escrich coma se prononcia !” Puei quand n’aguèt acabat ambé quauquei paginas : “Existís pas aquò ! Es un òrt de meravilhas, un país de farfantèlas onte lei pastres sabon la lenga dei fadas, deis aucèus, dei fònts, dau cèu e de l’èrba ! Ieu que mèni lei fedas …”
“ As que d’escriure, tu ! que li venguèt Chazinta, te porgirai un quasernet que sarraràs dins ta biaça, amb un credon, serà mai solid que lo pòrtapluma. Segur es tieu aquest, ara, disi pas lo contrari, mai es la soleta causa que tenes de Marçau.”
Se levèt, un passeron s’èra pausa sus lo rosier davant la fenèstra, sa tèsta ambé la rotacion deis uelhs virava de tot caire, leis alas fernissián. Prenguèt sa volada subran quand Chazinta se metèt a l’agachar.
De l’autre costat dau cortiu, darrier la mureta, se vesiá lo cubèrt de lausas espessas dau cròs dei Daumàs e un pauc mai a drecha lo dessús de la crotz de fusta. Una crotz, per que èra la costuma, per que se fasiá ansin, e que l’i aviá lo nom dessús, e lei datas, la data dau premier rire e la dau darrier. Tornèt lo passeron e s’anèt ajocar sus la crotz, lei doas patas ben tancadas, la tèsta virada de costat per agachar d’un solet uelh redond e qu’aquest còp bolegava pas. Benlèu que d’èstre mai luench lo rassegurava. Agachava Chazinta de son uelh fix e aquesta s’arrapèt a son regard de trauc d’agulha. Regard tragic que li donèt subran la sentida estranha que la vida auriá d’èstre considerada partent de la mòrt. Un camin invèrs.
“Disiá parier, Marçau.
- Qué ? Coma ? Parli soleta ?
- Òc que parles soleta dempuei la mòrt de Marçau, e òc que disiá parier, eu, mai ò mens, es ieu que me lo comprèni ansin. Disiá que se lo monde, cadun per se, au dintre d’elei, avián la coneissença fonsa de sa fin, la coneissença cavilhada fins ai mesolas que disiá, è, i auriá plus ges de guèrras. Es ben coma aquò qu’as pensat quand as dich que la vida auriá d’èstre considerada partent de la mòrt, non ?”
Li posquèt pas respòndre, lo jovent anava mai luench que sa percepcion pròpria, la desvelava, ne’n fasiá espelir lo grelh d’una idèa e benlèu mai l’esbòç d’una respònsa.
“ Agacha !”
Sus son quaièrn d’escritura, a costat dau poèma de Victor Hugo, Danís veniá d’escriure quauquei linhas. Lei legiguèt Chazinta, en silenci puei a votz auta :
“Leis aucèus m’empachan de pensar quand jògan a se corsejar, quand traucan dins l’aire sei tunèus de cristau. Escriure, pensar, que me dison, viure es pas vòuguer que me dison, aimar nimai, morir es pas perdre que me dison, e vòs assajar aquò ambé de mots d’òmes ?”
“Ve, que li faguèt Danís, per veire au fons de ieu bofi dins ma flaüta ò lèvi leis uelhs devèrs la còla mai lei mots non me pòdon ajudar, Chazinta !”
Aquesta agachèt mai per la fenèstra, amondaut lei fagetas s’èran fachas rossas. Quauquei jorns en una jornada.
“Vèsi l’auton, Danís, l’auton au fons de ieu.”
Joan-Glaudi PUECH

Je vois l’automne, Danis
Cette année-là l’automne fut en avance, il arriva bien avant la Saint Michel. Sur les adrets où la végétation souffrait de la sécheresse, les érables champêtres envoyèrent le premier signal en arborant d’un seul coup la flamme jaune de leur feuillage au milieu des pierriers blancs.
« La mort est un éclat de rire ! lui dit Danis.
- Pourquoi tu dis ça ?
- Quand Martial est mort il a ri ! »
Oui, il avait ri, à la fin d’un long soupir. Un rire qui s’acheva par une sorte de sifflement à peine audible. Ainsi il avait ri deux fois dans sa vie, la première le jour de sa naissance d’après ce qu’il lui avait dit, et la seconde au moment de son dernier souffle. Jamais Chazinta ne l’avait vu s’esclaffer, mais il arborait toujours un petit sourire aux coins des lèvres dont personne ne pouvait savoir si c’était de mépris ou de gentillesse. Des fossettes s’y étaient creusées, un peu comme pour Lecca.
« Il rit aussi le jour où il vint à la lumière, Danis ! »
L’unique fenêtre de la pièce donnait sur la colline et sur la petite prairie en contre-bas de la cour de la ferme où Jup et Fine trottaient côte à côte en faisant onduler leurs crinières. Chez les Daumas, à chaque génération, à chaque mariage, on construisait un prolongement, une dépendance, avec sa cheminée, son recoin pour le lit, la porte et la fenêtre, pas plus. Cela s’arrêta au début du siècle et la famille peu à peu se raccourcit jusqu’à revenir prendre place dans la maison d’origine. Chazinta restait là dans un de ces prolongements de ferme, elle ne gênait pas. Par la fenêtre on pouvait voir le lopin de terre où était enseveli Martial, un enclos avec sa croix à côté du caveau des Daumas. Vaudois ceux-ci, ancien temps, puis parpaillots, et puis rien, mais ils enterraient toujours leurs morts à côté de la maison, sans prêtres, pasteurs ou curés, au bord de ce petit pré dont Danis, il le lui affirmait, fleurissait au printemps de façon merveilleuse.
Elle avait eu l’autorisation de la préfecture pour que Martial puisse être guère loin de Jup, son dernier compagnon d’armes. Et le jour de l’enterrement le préfet lui-même vint et aussi Frère Anselme qui se contenta de murmurer un Pater Noster.
A la fin de la cérémonie, l’ancien colonel déchargea les six coups de son révolver, bras tendu, corps au garde-à-vous. Ils avaient laissé les chevaux s’approcher de l’enclos, Fine fut effrayée et s’enfuit au fond du pré, Jup resta planté devant la tombe, tête basse, il la releva seulement quand Danis improvisa avec sa flûte de Pan un air triste qui lui venait du cœur.
« Martial se demandait toujours si Jup n’avais pas été un cheval de guerre, lui dit Danis
- Il t’a beaucoup parlé à toi, hein ? »
Chazinta voulait tout savoir et le questionnait sans cesse.
« Et qu’est-ce qu’il est allé faire de l’autre côté de la colline, où deux jours en ont fait cinq d’après toi ?
- Il cherchait une guadalajara.
- Une guadalajara ?
- Oui, une maison blanche. »
Elle n’avait pas osé parler avec le moine-ermite tant celui-ci ressemblait à un revenant, un échappé du royaume des morts.
« Les revenants ça n’existe pas, lui dit Danis, il a été blessé aux guerres d’avant. »
Ce fut frère Anselme qui vint à elle un jour où elle était allée rendre visite à Régine. Le moine lui avait confié que son mari était fasciné par cet Amiel qu’il avait rencontré dans la patache de Grenoble. Elle aussi elle l’avait vu, c’est elle qui lui avait apporté la pèlerine noire. Elle l’avait oublié, un inconnu qu’elle avait jugé peu intéressant, elle l’aurait croisé qu’elle ne l’aurait pas reconnu. Il avait toujours eu du flair Martial, plus qu’elle. « Un flair de chasseur, de tueur. Pour dire la vérité la première fois que je l’avais vu il m’avait fait peur ! » lui avait encore dit le moine.
Chazinta avait donné les papiers d’identité d’Amiel au préfet qui les rangea dans sa poche en lui disant que finalement l’histoire du loup solitaire contenterait très bien tout le monde. Trois voyous que de toute façon personne ne réclamerait. On pouvait dire que cette bête féroce n’avait pas fait un si mauvais travail que ça. Chazinta se garda bien de tout lui raconter.
« Tu t’entends bien avec la Régine, hein ? lui fit remarquer Danis, vous êtes collègues cinq sous maintenant ! La première fois que je t’ai menée à la cabane je l’ai regretté tout de suite quand je l’ai entendue pleurer ! Jamais je l’avais vue comme ça et même quand il y avait eu l’homme-arbuste ! Je suis rentré, j’étais avec Gianna sur la terrasse, je me rappellerai toujours ta face de marbre. Tu étais mauvaise ! Quelqu’un qui pouvait tuer que je me suis pensé, tout comme Martial quand je l’épiais qui descendait de la crête. Et puis tu as dit, en me regardant sans me voir : « Maudits soient le désir des hommes et l’impuissance des femmes ! » Et le plus incroyable c’est que Régine arrêta ses sanglots, elle s’est levée et elle est venue poser sa tête sur ton épaule ! Heureusement, heureusement, j’aurais dû la protéger que j’aurais pas fait le poids contre toi !
- Je t’apprendrai, va. Pour le moment leçon d’écriture mon beau ! »
Denis venait de recopier un poème de Victor Hugo avec le porte-plume de Martial. Chazinta lui faisait l’école, le maître n’en voulait plus ne sachant pas s’il était idiot ou rêveur, ou les deux à la fois, Joseph, son père, restait muet sur le sujet et se contentait de hausser les épaules. Chazinta s’était aperçu de l’intérêt que lui portait Martial et à son chevet quand le jeune homme lui posa la main sur le front celui-ci se détendit aussitôt. Elle l’avait senti, elle l’avait vu, elle en était sûre, Danis avait chassé l’angoisse de la mort. Et pourtant, un homme comme Martial !
« Tu sais, ça me plaît pas Victor Hugo, c’est joli c’est sûr, c’est joli mais triste. Et puis c’est pas ma langue, pourquoi il me faudrait apprendre le français ? »
Chazinta referma le livre des « Contemplations » et lui mit devant le nez les « Isclo d’or ». Elle n’en dit pas plus, laissa Danis le feuilleter.
« Mais ? C’est écrit comme ça se prononce ! » Puis quand il en eut fini avec quelques pages : « Ça n’existe pas ça ! C’est un jardin des merveilles, un pays d’illusions où les bergers connaissent la langue des fées, des oiseaux, des sources, du ciel et de l’herbe ! Moi qui mène les brebis… »
« Tu n’as qu’à écrire toi ! lui fit Chazinta, je te trouverai un carnet que tu garderas dans ta besace, avec un crayon, ce sera plus solide que le porte-plume. C’est sûr il est à toi maintenant, je ne dis pas le contraire, mais c’est la seule chose qui te reste de Martial. »
Elle se leva, un moineau s’était posé sur le rosier devant la fenêtre, sa tête avec la rotation des yeux tournait de tous côtés, les ailes frémissaient. Il prit subitement son envol quand Chazinta se mit à l’observer.
De l’autre côté de la cour, derrière le petit mur, se voyait le couvert de lauzes épaisses du caveau des Daumas et un peu plus à droite le dessus de la croix de bois. Une croix, parce que c’était la coutume, parce que ça se faisait comme ça, et puis parce qu’il y avait le nom dessus, et les dates, la date du premier rire et celle du dernier. Le moineau revint et alla se percher sur la croix, les deux pattes bien plantées, la tête tournée de côté pour regarder d’un œil tout rond et qui cette fois ne bougeait pas. Peut-être que d’être plus loin le rassurait un peu plus. Il regardait Chazinta de son œil fixe et celle-ci s’accrocha à son regard de trou d’aiguille. Regard tragique qui lui donna soudain la sensation étrange que la vie devrait être considérée à partir de la mort. Un chemin inverse.
« Il disait pareil Martial.
- Quoi ? Comment, je parle seule ?
- Oui tu parles toute seule depuis sa mort, et oui qu’il disait pareil, plus ou moins, c’est moi qui le comprends comme ça. Il disait que si les gens, chacun pour soi, à l’intérieur d’eux, avaient la connaissance profonde de leur fin, la connaissance chevillée à la moëlle qu’il disait, eh, il y aurait plus de guerres. C’est bien comme ça que tu penses « considérer la vie en partant de la mort », non ? »
Elle ne put lui répondre, le garçon allait plus loin que sa propre perception, il la dévoilait, il en faisait éclore le germe d’une idée et peut-être même l’ébauche d’une réponse.
« Regarde ! »
Sur son cahier d’écriture, à côté du poème de Victor Hugo, Danis venait d’écrire quelques lignes. Chazinta les lut, en silence puis à voix haute :
« Les oiseaux m’empêchent de penser quand ils jouent à se poursuivre, quand ils creusent dans l’air leurs tunnels de cristal. Ecrire, penser, qu’ils me disent, vivre n’est pas vouloir qu’ils me disent, aimer non plus, mourir ce n’est pas perdre qu’ils me disent, et tu veux essayer ça avec des mots d’hommes ? »
« Comprend, lui dit Danis, pour voir au fond de moi je souffle dans ma flûte ou je lève les yeux vers la colline mais les mots ne peuvent pas m’aider Chazinta ! »
Celle-ci regarda de nouveau par la fenêtre, là-haut les hêtraies étaient devenues rousses. Quelques jours en une journée.
« Je vois l’automne Danis, l’automne au fond de moi. »



Un grand mercé a Joan-Glaudi Puech qu’escriu despí quauqui annadas una cronica mesadiera per lu amics e sòcis de l’IEO 06