A la sosta dei muralhas seculàrias de la Capèla dei Penitents Negres se debanarà dau 6 au 21 de març la dogenca edicion de la mòstra, ara tras que coneiguda, REG’ART de FREMAS. Son seis objectius tematics que fan sa particularitat ! Despuei 1999 REG’ART recampa de nombroseis artistas per la Jornada de la Frema. Aquesta annada REG’ART SUS LA PLANETA es lo rescòntre de 80 artistas vengudas d’Aubanha e de sa region …
Entre sciéncia, ficcion, sciéncia ficcion, entre destriada dei bordilhas, nèblas dei vilas, fragilitat dei centralas, REG’ART pòsa la question : Qunt agach avètz dau monde ? Qunte reg’art portatz sus la planeta ? Coma vesètz la planeta uei ? Coma vesètz lo monde de deman ? E podrà l’art cambiar lei causas ? Polucions ! Curum ! Bordilhas ! Gaz traucaire d’ozona ! Dobtes ! Inquietudas ! Questionaments ! La mòstra fa ressòn a l’actualitat. Leis artistas manifestan, au travèrs de sa creacion, son rapòrt au monde. Reg’Art sus la Planeta, es dins l’aire !!!
Es de notar que tres artistas expòsan en òc : Magalona Dargent-Bizot, Patricia Jouve, Magali Bizot-Dargent, (veire la peça-joncha).
Magalona Dargent-Bizot
Patricia Jouve
Magali Bizot-Dargent (pas acabada)
Comissària de la mòstra : Martina HUET
Entresenhes : MJC d’Aubanha, Comuna d’Aubanha
REG’ART SUS LA PLANETA dau 6 au 21 de març de 2010
Vernissatge lo 5 de març a 18 oras 30
