Dissabta 3 de març si debanèt a Niça una formacion PARLESC au C.A.L Bòn-Viatge en la sala dei cors de lenga de l’IEO-06. Pèire BRECHET president de l’IEO-Federal e Laurenç Gosset, director de l’IEO-Federal avion fach lo desplaçament per formar lu estagiaris marcats au nombre de 10.
De matin, Laurenç Gosset presentèt PARLESC e lo Quadre Europèu Comun de Referença per li Lengas (QECRL). De vèspre, Pèire BRECHET animèt la discutida a l’entorn d’elements pedagogics que permeton de melhorar l’ensenhament.
Da notar tanben la presença d’Anna-Maria POGGIO, viça presidenta de l’IEO-Federal, que nos faguèt l’amistat de la sieu presença.
L’IEO-06 si ten a disposicion dei ensenhaires que posquèron pas èstre presents e que ne’n vodrion saupre mai sus lo contengut d’aquesta formacion.
Per ne’n saupre mai sus PARLESC clicatz sus l’imatge :
