Cars amics e sòcis,
L’Institut d’Estudis Occitans-06 vos desira una pròpi bòna annada 2016. Que l’an novèu sigue portaire d’avançadas per la lenga d’Òc, lo respècte e la promocion dei lengas, la diversitat culturala dins un esperit de convivéncia aquí e dapertot.
A caduna e cadun d’ajustar lo sieu vam, la sieu vivacitat, per que l’occitan tengue la sieu plaça dins lo grand concèrt planetari.
Vos desiram segon la tradicion una bòna annada 2016, ben granada e ben acompanhada.
Vos esperam encara mai numerós en lo 2016 a legir lu nòstres articles e a participar ai activitats de l’IEO-06 e aqueli dei associacions afrairadi (qu’arepresentan mai de 2 000 sòcis).
2015 siguèt una annada d’espandiment de la nòstra seccion embé 7 cors de lenga, 3 ataliers de danças tradicionali (un novèu a la Ternitat bailejat da Fabian ROSSO), un de teatre, de charaïssa, l’escòla dei campaniers de Saorge, la cronica setmaniera « ribon-ribanha« , la biblioteca-cedeteca a Niça, una pàgina facebook (596 amics), la crònica setmaniera de l’Agachaire, eca…Per la segonda annada un atalier de coïna foncciona embé Crestian DESRUMEAUX, lo camin de la lenga d’oc embé Marc Waltzer, li caminadas embé lo nòstre sòci e amic Joan-Maria ROSSET, avèm dubert un partenariat embé lo PNR Préalpes d’Azur, siam presents dins 2 escòlas de Niça per d’animacions en lenga…
L’IEO-06 publiquèt 3 libres en l’annada :
– « Camin dë mëmòria » de Jan-Piè Aiperto
– « Minusculitats e autreis essencialitats » de Magalí Bizot-Dargent
– Ribon-Ribanha LO RETORN òbra collectiva dei sòcis de l’IEO-06
L’an 2016 serà una annada de consolidacion.
Avèm besonh de toi e v’aperam a l’AG dau 16 de genoièr despí li 9 oras, sala ANIMANICE (2 Pònt René COTY) a Niça per ne’n discutre.
De pòstes au Consèu d’Administracion (C.A) son a provedir. Asperam li vòstri candidaturas pròche lo vòstre animator, per corriel, per corrier.
AG a Niça
L’AG es un moment-clau en la vida d’una associacion, e si devem de toi l’i participar.
Après l’AG deurem ensems lo gòto de l’amistat e mangerem ensems li especialitats qu’auretz aduchi.
L’après-dinnar serà recreatiu e serà cen que cadun ne’n farà : cants, danças, poemas, diaporamas embé toi lu sòcis volontaris…, embé l’espectacle de l’atalier teatre e lo concert de Zine, cantairitz niçarda e sòcia de l’iEO-06.
Atalier danças
Brefle un moment de convivialitat e de rescòntres emb’ai sòcis venguts de Còntes, La Còla, Grassa, Drap, Niça, Saorge, e ne’n passi…
Un autre apontament / rendètz-vos es previst lo 30 / 01 a 10 oras embé la dictada occitana au Licèu MASSENA organizada per un collectiu d’associacions (L’Association des Professeurs de Langues Régionales (A.P.L.R.), la Fédération des Associations du comté de Nice, l’Institut d’Études Occitanes (I.E.O.-06), Nissart per tougiou, Parlen ! Oc-bi countea.
Vos asperam encara mai numerós que l’an passat 130.
Mèfi ! Aquest an si cau marcar, sus la pàgina :
https://framadate.org/hT4sd9zFpBCMtQSI
que, per de rasons de securitat que cadun conóisse, lo provisor demanda ai organizators la tiera dei participants
Coma lo podetz veire l’annada 2016 comença fòrt. Fètz-nos lo plasir d’èstre au nòstre costat.
Comptam sus la vòstra participacion e lo vòstre investiment. Vos demandam tanben de pensar a faire societar d’amics que pensan que defendre la lenga d’òc e la sieu cultura es aparar la diversitat en lo monde.
lo camin de la lenga d’oc de Drap a Pelhon
E aüra lu nòstres vots en li lengas dau monde. Se la vòstra non l’i es, la podètz ajonher basta nos escriure.
feliç any nou
Happy New Year
bòn an novèl
aam saiid / sana saiida
ein gutes neues Jahr / prost Neujahr
pace e salute/paci e saluta
e glëckliches nëies / güets nëies johr
shnorhavor nor tari
yeni iliniz mubarek
gelükkig nyjaar
asgwas amegas
feliç any nou
bon lanné
Štastný nový rok
bonne année
bon nannen / bon lannen
bònn ané
bon lanné / bonanné
banané
bone-érèz ané
mon swet zot la bonn anen
sretna nova godina
godt nytår
feliz año nuevo
head uut aastat
onnellista uutta vuotta
gelukkig Nieuwjaar
bon an
bliadhna mhath ur
ath bhliain faoi mhaise
feliz aninovo
blwyddyn newydd dda
kali chronia / kali xronia
felice anno nuovo, buon anno
asseguèsse-ameguèsse
sala we ya nû pîroz be
bona annada
sabai di pi mai
felix sit annus novus
bona annada
szczesliwego nowego roku
feliz ano novo
bòna annada / bono annado
bonu annu nou
srecna nova godina
äs guets Nöis
ia ora te matahiti api
tashi délek
bone annéye / bone annéye èt bone santéye
Vorguessiatz laissar un messatge en bas d’article vos aremerciam de passar per l’adreça : jpbaquie@yahoo.fr (per rason d’espams avèm deugut barrar lo forom dirèct : répondre à cet article).
Si vous souhaitez laisser un commentaire sous l’article, merci de l’envoyer à l’adresse : jpbaquie@yahoo.fr En raison des spams, nous avons dû temporairement fermer le forum direct.
Françoise Cl. : Bòna e uroa annada. !
Lucienne G. : Gramàci pèr vosti vot, souvete tamben uno bono annado a touto la chourmo de l’IEO. Poutoun Luciano. (Doumage poudrai pas veni à l’A.G .)
Loïsa e Rogier G. vi auguran un bòn Cap d’an e una bòna annada 2016 clafida de bòni cauvas e sobretot la sanitat. A si veire ben lèu per l’acampada generala.
Glaudi B. : Bòna annada, bèn granada, acompanhada ! A l’an que vèn e se siam pas mai que siguem pas mens !
Anna-Maria M. : Bonheur et santé pour chacun d’entre vous ! Je vous embrasse
Felicità e salute per ognuno di voi ! Un abbraccio
Bonur e santat per cadun de vautres ! Baietas
Jaume P. : Bon dì , bon annu, bon capu d’annu!
Pace è salute per tuttu l’annu !
Michelle A. : Bòna annada 2016
Jean Louis C. : Ban Prenchìpiou pèr vautre e pèr tout a voaisha familha
Pèr un’ annàia nova, douça e apasìa
Amistà
Cari sòcias, cars sòcis, amigas, amics de l’IEO-06 !
Bèla annada a caduna, cadun, dins l’esper e lo bastir d’un monde qui done de jòia,
un avenir clarinós per vos,
per lu enfants que son a créisser e a venir,
de pantais a pantaiar e de pantais a viure,
de poesia en la vida
e de fortuna dins lu projècts…
Amistats associativi
Baietas
A si veire lèu
Joan-Pèire Spies
President de l’IEO-06
Buona anada à tu finda. Roland I.