Vaquí la cronica setmanièra de l’Agachaire d’aquest diménegue (dimenge) dins « La Provence », edicion deis Aups.Retour ligne automatiqueRetour ligne automatiqueRetour ligne automatique
Per informacion, aquesta cronica comencèt, l’i a mai de dètz-e-vuech ans, lo 8 de junh de 1997. Òsca !
Cronicas, emb’un pauc de retard, aquela dau 27 de decembre de 2015 en lenga nòsta
Per l’Agachaire
Jan e Jan
« Jan e Jan parton l’an. » Aqueste provèrbi es pas soncament provençau mai se ditz dins tot lo païs d’òc. Ansin lei Gascons an « Nadau e Sent-Joan partatjan l’an », ò « Nadau e Sent-Joan que copen l’an ». Les Catalans an tot plen de formulacions equivalentas : « Entre Jesús i Joan, parteixen l’any », « De Sant-Joan a Sant-Joan sis mesos van », « De Sant-Joan de juny a Sant-Joan de Nadal, mig any per igual »…
Sant Joan l’evangelista
Lei rasons qu’an fach chausir dos sants dau nom de Joan per marcar solstici d’estiu e solstici d’ivèrn son tant complèxas coma simbolicas. Reprenon la dualitat romana dau dieu Janús e opauson lo Joan que batejava a’n aqueu que, censat, escriguet l’Apocalipsi. Estudiarem pas aicí tot aqueu simbolisme, fòrça ric, mai contarem un dei nombrós miracles atribuits au sant Joan de l’ivèrn, que recampa sota son nom l’apòstol Joan, l’evangelista e les autors de l’Apocalipsi.
L’apocalipsi de Sant Joan
La « Legenda daurada » afortisse que, un jorn qu’avián vougut forçar sant Joan a adorar « lor dieu Na Diana », eu en preguent « lo temple de Na Diana va tombar tantòst, e la idòla rompet »… Per aquò « l’avesque de las idòlas » lo vouguet empoionar en li fent beure un « enap tot plen de veren », d’abòrd testat sus dos condamnats a mòrt que « tantòst tomberon mòrts ». Mai Joan li faguet lo signe de la crotz, e te beguet aquò coma s’èra de vin…