Amics occitans, la cronica Ribon-Ribanha d’ancuei, titrada “Lo mieu batejament russe”, v’es prepauada da Patricia Funghini, sòcia de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Lo mieu batejament russe
(ò la mieu transformacion en monina)
M’en vau vos contar una istòria vertadiera.
Au mes de setèmbre d’aquesta annada, siáu estada convidada a un acampament particular. S’es debanat pròche de Selon en Provença nòstra.
Siáu arribada d’ora per ajudar lo mieu amic Dani, organisator d’aquel eveniment : ”lo promier rescòntre europenc d’Ural-França”. N’i aviá de monde venguts d’en pertot : Finlàndia, Austria, Alemanha, França e Occitània.
-Coneissètz l’Orau ? M’anatz respòndre :
-Ben segur, es una cadena de montanhas en Russia.
Avètz rason ; mai, es pereu lo nom d’una motò fabricada regionalament*.
Avètz ja vist de reportatges ò de films tocant la guèrra (la segonda). L’armada alemanda aviá de motòs gròssas emé una plaça per un passatgier a costat dau menaire. Lo dison ”side” per aquest baquet, e ”side-car” per la totalitat. La fabricacion russa leis a presas per modèla ; per l’estetic de segur ! Lo motor es modèrn e de mai, a una resisténcia excepcionala aitant d’estiu quant d’ivèrn. ( Coma si ditz : Cu a fach lo mai, pòu faire lo mens !).
Èri jamai montada sus un parier veïcul. Aviáu una tala enveja qu’aquò sautava ais uelhs. Tot d’un temps, l’òme de la secretària m’a somondut lo mieu baptisme. (Ai pas fach la catamiaula e ai consentit sus lo còp). E, es ansin que mi siáu cambiada en monina**.
Fuguèt una revelacion ! Ren de veire emé una motò tradicionala. Lei sensacions (nòvas per ieu) d’èstre en contact ambé tot ço qu’es alentorn, son unicas. . . . la careça dau mistrau laugier, lo solèu de la reire-sason subre la pèu, lo roncament de la maquina, lei reaccions fòrça amistosas dau monde…e patin e cofin.
L’endeman, ai tornat faire un virolhon emé lo clavaire, èri presa a la leca d’aquest mejan de locomocion. Dins un vira d’uelh, siáu devenguda passionada. Si fau dire que son pas lei jòcs olimpics de la velocitat. Mai, se vos volètz congostar dau païsatge, chalar de totei leis endrechs traversats chausir l’Ural es prendre de sus en sus. Fau pas un arri quora disi viatjar dins una Ural es pas una mena de barrutlatge, es un biais de viure.
Patricia Funghini
Mon baptême russe
(ou ma transformation en singe)
Je vais vous raconter une histoire vraie. Au mois de septembre de cette année, j’ai été invitée à un rassemblement particulier. Cela s’est passé prés de Salon en Provence.
Je suis arrivée tôt afin d’aider mon ami Dani, organisateur de cette manifestation: ”la première rencontre européenne d’Ural-France”. Il y avait des gens venus de partout : Finlande, Autriche, Allemagne, France et Occitanie.
-Connaissez vous l’Oural ? Vous me répondrez :
-Sûrement, c’est une chaîne de montagnes en Russie. Vous avez raison; mais c’est aussi le nom d’une moto fabriquée dans la région*.
Vous avez déjà vu des reportages ou des films à propos de la guerre (la seconde). L’armée allemande avait de grosses motos avec une place pour un passager à côté du chauffeur. Ce bac s’appelle ”side”, et ”side-car” pour l’ensemble. La fabrication russe les a prises comme modèle ; pour l’esthétique bien sur ! Le moteur est moderne et de plus il a une résistance exceptionnelle autant l’été que l’hiver. ( Comme l’on dit : Qui fait le plus, fait le moins!).
Je n’étais jamais montée sur un pareil engin. J’avais une envie telle qu’elle sautait aux yeux. Aussitôt, le mari de la secrétaire m’a offert mon baptême. (Je n’ai pas fait la sainte Nitouche et j’ai de suite accepté). Et, c’est ainsi que je me suis changée en singe**.
Ce fut une révélation ! Rien à voir avec une moto traditionnelle. Les sensations (nouvelles pour moi) d’être en contact avec tout ce qui se trouve aux alentours, sont uniques. . . . la caresse du léger mistral, le soleil de l’arrière-saison sur la peau, le ronflement de la machine, les réactions très amicales des personnes…et ceci et cela.
Le lendemain, j’ai refait un petit tour avec le trésorier, j’étais prise au piège de ce moyen de locomotion. En un clin d’oeil, je suis devenue passionnée. Il faut dire que ce ne sont pas les jeux olympiques de la vitesse. Mais, si vous voulez vous régaler du paysage, apprécier tous les endroits traversés choisir l’Ural c’est prendre le dessus du panier. Je ne fais pas d’erreur lorsque je dis que voyager en Ural n’est pas une sorte de roulage, c’est un mode de vie.
Patricia FUNGHINI
