Amics occitans, la cronica Ribon-Ribanha d’ancuei, titrada « A PREPAUS D’UNA BREÇARELA… », vos es presentada da Joan-Pèire SPIES, president de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bendas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
A prepaus d’una breçarela…
S’es trovat que siguèt organizada per la grana fèsta de Carcassona une serada embé totplen de cantaires que siguèt difusida sus una cadena publica, e que si pòu veire encara sus lo site de France Télévision
Èri davant dau fenestron esto sera…
Per acabar la fèsta, un fuec d’artifici gigant illumina lo cèu d’estiu. Li muralhas de la ciutat fortifica la mai ben conservada en entier despí l’Atge Mejan son abrandadi e donan un imatge incantarèu que meravilha lu centenaus de miliers d’estatjants e de forestiers en vacanças, coma cada annada.
Aquesta tradicion es naissuda lo 14 d’aost dau 1898, dau temps de la venguda en país d’òc dei Cadets de Gascogne, qu’èran de personalitats artistiqui e politiqui vengudi per una fèsta culturala, que durèt quatre jorns de temps, dau 12 au 15 d’aost.
© Bibliothèque municipale de Lyon
Un tren emplit d’una seissantena d’artistas e d’òmes politiques originaris dau miegjorn e de la chorma de l’Opera Garnier percorrèt li vilas dau sud de França. La tòca per aquesti personalitats qu’avian « fach passar camin a París » èra de rendre omenatge a’n aquelu que lu avian precedit dins aquesta via de la notorietat nacionala -e, d’unu dion, de s’entraversar en li manifestacions felibrenqui, mas aquò es una autra istòria-
La darriera serada d’aqueli fèstas siguèt consacrada au premier fuec d’artifici tirat despí lu barris de la vila vièlha.
Après una novela desfilada embé flambèus, à 9 oras 34 de sera l’abrandament de la Ciutat estrambordava lu doi mile personas que s’èran amassadi per l’apercebre.
1. Salva de 25 marrons d’ària
2. Abrandament dei muralhas au defòra
3. Tir de 50 bombas e de 210 fusadas diversi
4. Salva de 25 marrons d’ària
- Abrandament dei doi muralhas e de Sant Nasari
- Grand boquet de 300 candelas romani mandant 4000 glòbes de colors variadi
- Tir de 300 marrons d’ària
Es vengut pi qu’aquesta manifestacion si debane lo 14 de julhet, jorn de la fèsta nacionala francea.
Doncas, aquest an, concèrt, seguit dau fuec d’artifici que, coma es costuma ancuei, es acompanhat de músicas causidi per l’ocasion.
Siguèt susprès e urós a l’escota de l’ària que faguèt la dubertura… (dins l’enregistrament 01:52). Es un cant conoissut sota lo nom de Breçarela Iroquesa, que jugavi au flaüt dau temps que lo nòstre enfant èra pichon pichon…
Era la version registrada de Polo & Pan que n’en faguèron una cançon a la mòda en lo 2021.
Mas se siguèri esmogut d’escotar aquesta cançon, e de la causida dei organisators, es per una rason autra finda.
De fach, sabèm aüra qu’aquest’ària, transcrich en lo 1896 per lo premier còup, es ren un imne de la nacion iroquesa.
Un cercaire canadian, Stephen Puzkas, a descubert en lo 2017 qu’aquest imne ven dau mitan dei Estats Units, da la tribú Arapahos dau Colorado e dau Wyoming. S’es espandit dins toi lu pòbles barrotlaires dei premieri nacions, fins a venir sus li scènas, dins lu clips e dintre dei hit-parades…
Pura, aquesta melodia, que siguèt empedida dai autoritats, es ren una breçarela, mas un planh que si cantava dins de ceremonias de Danças dei Esperits, dont lu balaires si ploravan dau temps qu’evocavan la sieu condicion de dependença.
Quora conoisses li paraulas,
Ani’qune’chawu’nani’,
Ani’qune’chawu’nani’;
Awa’wabiqāna’kaye’na,
Awa’wabiqāna’kaye’na;
Iyahu’hni’bithi’ti,
Iyahu’h ni’bithi’ti.
Ò dins una autra version grafica
Ani couni chaounani
Ani couni chaounani
Awawa bikana caïna
Awawa bikana caïna
Eiaouni bissini
Eiaouni bissini
e dins la version occitana (niçarda)
Paire, augues pietat de ieu
Paire, augues pietat de ieu
Que siáu a morir de la set
Que siáu a morir de la set
Tot a despareissut – ai ren da manjar
Tot a despareissut – ai ren da manjar
mi sembla que s’aude autrament la cançon… Ti venon en ment de situacions actuali que fa pas mestier de precisar, cadun capisse, et m’agrada de pensar que la causida es pas de ren au mitan de li pampalhetas, qu’es un gèst de refús de la barbaria, ieu mi venon li paraulas dau poema :
s’envòlan toi lu pantais frachs
en país de bombas garach
lo pichon naissut bèl e brave
es vengut blanc lo sieu cadavre…
© UNICEF
… pura pòrger un degot de lach
basterà per secar lu plors
un regal coma aigar la flor
que plora dins la calorassa
li vòli una vida doça
JOAN-PÈIRE SPIES
A propos d’une berceuse…
Voilà que fut organisé pour la grande fête de Carcassonne une soirée, avec de nombreuses vedettes, qui fut diffusée sur une chaine publique, et que l’on peut revoir sur le site de France Télévision
J’étais devant l’écran ce soir-là…
Pour terminer en beauté, un feu d’artifice géant illumine le ciel d’été. Les remparts de la cité fortifiée la mieux conservée en entier depuis le Moyen-Age sont embrasés et donnent une vision enchanteresse qui émerveille les centaines de milliers d’habitants et de vacanciers, comme chaque année.
Cette tradition est née le 14 aout 1898, au moment du passage en Occitanie des Cadets de Gascogne, des personnalités artistiques et politiques venues pour une fête culturelle, qui a duré à Carcassonne quatre jours, du 12 au 15 aout.
Un train rempli d’une soixantaine d’artistes et d’hommes politiques originaires du Sud et de la troupe de l’Opéra Garnier a parcouru les villes du midi de la France. Le but pour ces personnalités qui « avaient réussi à Paris » était de rendre hommage à ceux qui les avaient précédés dans cette voie de la notoriété nationale -et, disent certains, de contrecarrer les manifestations félibréenques, mais c’est une autre histoire-
La dernière soirée de ces fêtes fut consacrée au premier feu d’artifice tiré depuis les remparts de la vieille ville.
Après une nouvelle retraite aux flambeaux, à 9h34 du soir l’embrasement de la Cité enthousiasma les deux mille personnes qui s’était massées pour l’apercevoir, suivant l’ordre suivant :
1. Salve de 25 marrons d’air
2. Embrasement de l’enceinte extérieure
3. Tir de 50 bombes et de 210 fusées diverses
4. Salve de 25 marrons d’air
5. Embrasement des deux enceintes et de St-Nazaire
6. Grand bouquet de 300 chandelles romaines lançant 4000 globes de couleurs variées
- Tir de 300 marrons d’air
Puis plus tard cette manifestation a trouvé sa place le 14 juillet, jour de la fête nationale française.
Donc, cette année, concert, suivi du feu d’artifice qui, comme c’est courant de nos jours, est accompagné de musiques choisies pour l’occasion.
Je fus surpris et heureux à l’écoute de l’air d’ouverture… (dans l’enregistrement 01:52). C’est un chant connu sous le nom de Berceuse Iroquoise, que je jouais à la flute quand notre fils était bébé…
C’était la version enregistrée de Polo & Pan qui en firent un tube en 2021.
Mais si je fus ému d’entendre cette chanson, et du choix du metteur en scène, c’est aussi pour une autre raison.
En fait, nous savons maintenant que cet air, transcrit en1896 pour la première fois, n’est pas un hymne de la nation iroquoise.
Un chercheur canadien, Stephen Puzkas, a découvert en 2017 que cet hymne vient du centre des États-Unis, de la tribu Arapahos du Colorado et du Wyoming. Il s’est répandu dans tous les peuples nomades des premières nations, jusqu’à parvenir sur les scènes, dans les clips et bien placé dans les hit-parades…
Pourtant cette chanson, qui fut interdite par les autorités, n’est pas du tout une berceuse, mais un chant de lamentation qui se chantait au cours de cérémonies de Danses des Esprits, au cours desquelles les danseurs pleuraient en évoquant leur condition de dépendance.
Quand on connait les paroles,
Ani’qune’chawu’nani’,
Ani’qune’chawu’nani’;
Awa’wabiqāna’kaye’na,
Awa’wabiqāna’kaye’na;
Iyahu’hni’bithi’ti,
Iyahu’h ni’bithi’ti.
ou dans una autra version graphique
Ani couni chaounani
Ani couni chaounani
Awawa bikana caïna
Awawa bikana caïna
Eiaouni bissini
Eiaouni bissini
et dans la version française
Père, aie pitié de moi
Père, aie pitié de moi
Car je meurs de soif
Car je meurs de soif
Tout a disparu – je n’ai plus rien à manger
Tout a disparu – je n’ai plus rien à manger
il me semble qu’on écoute la chanson autrement… Viennent à l’esprit les situations que nous connaissons à l’heure actuelle, qu’il n’est pas utile d’énumérer, chacun comprend, et il me plait de penser qu’au milieu des paillettes le choix n’est pas anodin, qu’il relève d’un acte de refus de la barbarie, et me viennent les mots du poème :
tous les rêves brisés s’envolent
dans le pays labouré de bombes
le petit né beau et fort
son corps est devenu transparent…
… pourtant offrir une goutte de lait
suffira pour sécher les pleurs
un cadeau comme arroser la fleur
qui pleure dans la canicule
Je lui veux une vie douce