Burèu de l'ieo-06 en lo 2009

Lo burèu de l’IEO-06 s’es acampat en Bergier (Le Rouret) dissabta 25 d’abriu dau 2009. Aremerciam la comuna per lo prest de la sala dins l’ostau dei associacions.

Acamp dau 25 d’Abriu en Bergier (2 oras 30)

Ordre dau jorn :

– eleccion dau segretari de la seccion :

Carlòta RUBINI, que faía ja partida dau C.A. deven la nòstra segretària. L’aremerciam de pilhar en carga aquesta fonccion. Andrieu SAISSI, Segretari sortent qu’èra present a l’acamp, la va metre au fiu dei afaires en cors e li transmetre toi lu documents ligats a la fonccion de segretari.

projèct per la signaletica bilinga en Bergier :

Aquest projèct es ja estat presentat a la comuna e au sieu Cònsol M. Gérald LOMBARDO. Un article es pareissut dins Nice-Matin. Demandam au premier cònsol una deliberacion dau consèu municipal. Maurici CASCIANI s’encarga de trasmetre la nòstra demanda.

caminar per òc :

Doi caminadas son previsti per lo mes de junh :

A Auriveta lo 14 de junh embé la Chambra d’òc

– A Gòrb embé l’association Sota Òrme lo 27 de junh

lo ponch sus Carcassona :

69 personas si son ja marcadi per Carcassona lo 24 e 25 d’òctobre. L’i son encara quauqui plaças. Tardatz pas de vos marcar pròche lo clavaire.

AG Nacional de l’IEO a Marselha :

Farem lo nòstre possible per participar numerós a l’AG de l’IEO. Se l’i volètz venir pilhatz lenga embé nautres.

cantar per òc :

Doi repeticions si faràn encara a la « black box » dau C.A.L. Bòn-Viatge embé Danielle Franzin lo dimecre 17 de Junh e lo dijòus 15 d’Octòbre, de 7 oras a 10 oras dau sera
A. SAISSI passerà comanda dei C.D a l’IEO-Nacional.

questions diversi :

Siam 193 sòcis e associacions afrairadi que rapresentan alentorn de 2000 personas. Per aquelu que l’an pas fach pensatz de pagar l’escotisson.

Burèu de l'ieo-06 en lo 2009
Burèu de l’ieo-06 en lo 2009

Fòto (de Seneca a drecha) : Maurici CASCIANI (clavaire) Carlòta RUBINI (Segretària) Joan-Pèire BAQUIE (President) Andrieu SAISSI (Segretari sortent)

Laisser un commentaire

Votre adresse e-mail ne sera pas publiée. Les champs obligatoires sont indiqués avec *