Cars amics, cars sòcis,
Lo 30 de novembre d’aquest an eravam tra 500 e 1 000 mobilizats a París còntra la refòrma dau BAC que desvaloriza li lengas regionali. Per lo premier còup Alsacians, Bascos, Bretons, Catalans, Còrsos, Occitans e ben d’autres s’èran acampats per dire non au sagatatge dei nòstri lengas.
Una delegacion de cinc personas siguèt reçaupuda miej’ora au Ministèri. Eran presents, tra autres, dins la delegacion lu deputats Paul MOLAC e Francés ALFONSI. Ren de concret ne’n sortiguèt mas per toi lu presents siguèt l’ocasion de nos acampar, d’escambiar, de parlar d’avenir dins una sala l’après-dinnar.
Vos demandam de demorar mobilizats per d’autri accions a venir.
Per saludar cada lenga presenta lo 30 de novembre desiram la bòna annada :
♦ En alsacian : “a glìcklig nèi Johr”
♦ En basco : “urte berri on”Ouverture dans 0
♦ En breton : “bloavezh mat”
♦ En catalan : “bon any nou”.
♦ En corso : “pace e salute”
♦ En franco-provençau/Arpitan : “Bon an que vint!”.
♦ En normand : “bouone annaée”
♦ En occitan : “bona annada” mas tanben “bòna annada ben granada e ben acompanhada”.
♦ En picard : “boinne énée”
♦ Auguessiam denembrat d’autri lengas a vautres de nos dire…
