Amics occitans, la cronica Ribon-Ribanha d’ancuei, titrada “Caça ai bolets.”, v’es prepauada da Joan-Pèire BAQUIÉ, president onorari de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi… a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !
Caça ai bolets.
Caça ai bolets.
Mon paigran materno avia doi passions : la caça e lu bolets. Quora avia acabat de caçar, li arribava d’anar ai bolets eu que conoissia toi lu luecs dont creisson.
Un jorn papet anèt mai luenh que de costuma e si perdèt dau costat dau Pervo (1), per causa dau garbin qu’avia envasit la montanha tota. Lo temps passava e lo calabrun finissèt per arribar. « De qué faire ? » si pensèt.
Naissut a la campanha conoissia toi lu dangiers de la montanha e decidèt de passar la nuech au pen d’un fau ò d’un castanhier.
Tot en un còup, avisèt un pichin lume tra lu aubres. Embé cautèla e guidat per lo barlume finissèt per arribar davant un ostalon emb’un pichin cubert de lauas e una pichina pòrta. Sus la pòrta, l’i èra un fenestron que laissava escapar la lutz que l’avia guidat fins aquí.
Papet piquèt a la pòrta e cridèt :
– L’i a quauqu’un ?
– Segur, diguèt una votz pichoneta, siáu ieu, Miquelin !
– E lo tieu paire es aquí ?
– Non, mon paire es pas aquí, mon paire sortèt quora ma maire intrèt !
– E la tieu maire es aquí ?
– E non, ma maire es pas aquí, ma maire sortèt quora ma mamet intrèt !
– E la tieu maigrana es aquí ?
– E non, ma mamet es pas aquí, ma mamet sortèt quora mon papet intrèt !
– E lo tieu paigran es aquí ?
– E que non, mon papet es pas aquí, mon papet sortèt quora ma granda sòrre intrèt !
– E la tieu granda sòrre es aquí ?
– E non, ma granda sòrre es pas aquí, ma granda sòrre sortèt quora mon fraire màger intrèt !
– Mas coquin de nom, cen qu’es aquel ostalon que lo monde passa lo sieu temps a intrar e a sortir ? bramèt mon paigran.
E Miquelin de respòndre :
– Mas aquí, es pas la maion… es lo cagador !
E cric e crac passèri en lo prat, esquiçèri un bolet pi la coa d’un cat, lo mieu cònte es acabat.
- Montanha de la Val Grana (CN), Itàlia.
Joan-Pèire BAQUIÉ lo 4 de setembre dau 2024
(Adaptat d’un cònte tradicional.)
Chasse aux champignons.
Mon grand-père maternel avait deux passions : la chasse et les champignons. Lorsqu’il revenait de la chasse, il lui arrivait d’aller aux champignons, lui qui connaissait tous les endroits où ils sortent.
Un jour pépé alla plus loin que d’habitude et il se perdit du côté du Pelvoux, à cause du brouillard qui avait enveloppé toute la montagne. Le temps passait et le crépuscule finit par arriver. « Que faire ? » pensa-t-il.
Né à la campagne, il connaissait tous les dangers de la montagne et décida de passer la nuit au pied d’un hêtre ou d’un châtaignier.
Tout à coup, il aperçut une petite lumière entre les arbres. Avec précaution et guidé per la lueur, il finit par arriver devant une maisonnette avec un petit toit en ardoise et une petite porte. Sur la porte, il y avait une petite fenêtre qui laissait échapper la lumière qui l’avait guidé jusque-là.
Mon grand-père frappa à la porte et cria :
Il y a quelqu’un ? Bien sûr, dit une petite voix, c’est moi, Miquelin ! Et ton père, il est ici ? Non, mon papa n’est pas ici, il est sorti lorsque ma maman est entrée ! Et ta mère, elle est ici ? Et non, ma maman n’est pas ici, elle est sortie lorsque ma mémé est entrée ! Et ta grand-mère, elle est ici ? Et non, ma mémé n’est pas ici, elle est sortie lorsque pépé est entré ! Et ton grand-père, il est ici ? Bien sûr que non, mon pépé n’est pas ici, il est sorti lorsque ma grande sœur est entrée ! Et ta grande sœur est ici ? Et non, ma grande sœur n’est pas ici, elle est sortie lorsque mon grand frère est entré. Mais coquin de sort, qu’est-ce-que c’est cette maison où tout le monde passe son temps à entrer et à sortir ? cria mon grand-père.
Miquelin répondit : Mais ici, ce n’est pas la maison, c’est les toilettes !
Et cric et crac, en passant par le pré, j’ai écrasé un champignon et ensuite la queue d’un chat. Mon conte est terminé.