Caminada de l’IEO-06 a La Torre de Tinèa-Capèla Sant Joan.

Lo 10 de novembre un desenau de sòcis de l’IEO-06 faguèron la caminada : La Torre de Tinèa-Capèla Sant Joan.

La pichina chorma s’endraièt premier sus lo camin que mena a la Brasca pi sus la draia que mena au pònt Sant Joan embé una bèla vista sus li cluas de Cramassòri.

Visiteriam la capèla bastida a l’Atge-Mejan e li afrescas de la capèla primitiva (absida virada costat Levant).

Sus lo camin dau retorn rescontreriam Alan Carter un franco-american estabilit au quartier de Sant Joan. Alan travalha la tèrra aquí despí 28 ans e vende, que nos diguèt, li semenças sieui a Kokopelli.

Nos contèt, tra autre, que sauvèt una semença de blad ancian gaug ai doi darniers paisans de Sant Joan. Per anar a la sieu campanha cau caminar a pen una ora e mieja. Nos contèt tanben li fèstas qu’organizava dau temps de la misson e lo monde que l’i venia.

De retorn au vilatge sigueriam aculhits dau cònsol Pau-Pèire DANA, qu’aremerciam e que nos faguèt visitar la capèla dei penitents blancs, lo molin e lo defici.

Una pròpi bèla jornada solelhada dins de luecs meravilhós. Si siam promés de l’i tornar.