“Un blòg per dire, mostrar, convidar lo mond tot a partejar un pauc dels nòstres camins d’Occitània, mercé lo rebaladís menat per lo trentenat d’associacions sòcias de l’IEO, aquí en tèrra d’Erau. E, rau … ieo34@orange.fr ieoerau34@gmail.com” es ensin que si presenta lo blòg dei amics de l’IEO-Erau. Lo vorguessiatz visitar, li troberètz coma ancuei una poesia de Claudi ALRANQ
https://ieoerau34.blogspot.com/search/label/Claudi%20Alranq
Ciutadin Confinit Confinat
Se sona Confinit Confinat
es lo nom que la vida li a donat
mai que l’aguèsse pas cercat
la pòrta, la pòrta
la masqueta que pendola a son nas
Confinit Confinat es que l’as cercat
d’èstre al revèrs de çò qu’as aimat ?
Als 4 punts del mond
aimava viatjar
ara vira redond
coma un ploc dins son jaç.
Aimava potonar
e brassar los afars
ara es entrepachat
per lo gestum d’Estat.
Aimava onorar
la rentabilitat
lo trabalh a tampat
qual ganha de rès ganhar ?
Se sona Confinit Confinat
es lo nom que la vida li a donat
mai que l’aguèsse pas cercat
la pòrta, la pòrta
la masqueta que pendola a son nas
Confinit Confinat es que l’as cercat
d’èstre al revèrs de çò qu’as aimat ?
Aimava la grand’vila
se risiá dels pecanòts
ara vei que la vida
compta mai que l’autò.
Aviá un borsicòt
a la caissa d’estalvi
la banca fai fiascò
onte passa l’estalvi ?
Se teniá una mòstra
a cadun dels ponhets
mas l’agulha li mòstra
que lo temps se clavèt.
Se sona Confinit Confinat
es lo nom que la vida li a donat
mai que l’aguèsse pas cercat
la pòrta, la pòrta
la masqueta que pendola a son nas
Confinit Confinat es que l’as cercat
d’èstre al revèrs de çò qu’as aimat ?
Aimava tant la França
que li parlava inglés
ara per far pitança
se mascarà chinés ?
Aimava pas votar
o votar con-que-vira
mal o ben se cal far
al destin qu’òm aspira.
Se regala das stars
dels espets et d’espòrts
e ben n’a de comptar
que dessús sos recòrds.
Se sona Confinit Confinat
es lo nom que la vida li a donat
mai que l’aguèsse pas cercat
la pòrta, la pòrta
la masqueta que pendola a son nas
Confinit Confinat es que l’as cercat
d’èstre al revèrs de çò qu’as aimat ?
Trapava natural
lo climat destrachit
E del virus dirà
qu’es Dieu que l’a porgit ?
Aimava visitar
sos parents retirats
e pasmens posquèt pas
lor dire adieu-siatz.
E sos enfants deman
quana vida auràn
la que mena enluòc
o la del país d’òc ?
Ieu tanben soi Confinit Confinat
es lo nom que la vida m’a donat
mai que l’aguèsse pas cercat
la pòrti, la pòrti
la masqueta que pendola a mon nas
Confinit Confinat es que trobador
trobaràs un autre biais d’aimar ?
Claudi Alranq
Claude Alranq, né le 21 février 1947 à Pézenas, est un comédien, auteur dramatique, metteur en scène et conteur français. Chercheur dans le domaine de l’ethno-scénologie, il a fondé, en 2000, la licence professionnelle Acteurs Sud. Il a enseigné à l’Université de Nice. Wikipédia
NOS A ESCRICH :
Françon Dalbera: Es pròpi ver que tot cen que semblava natural coma viatjar, si radunar, manjar ensems per faire fèsta non es plus possible au jorn d’ancuei.