Resson dei imatges dau Blagaire de l’IEO-06 Jan-Jaume de Niça ven de nen mandar la sieu 16ena crònica inspirada dei dessenhs umoristics que l’IEO-06 mete en rega cada setmana. Esperam que vos agraderà :
Lo pantais american
Que de mai legitime quora tei gents noirrits de farina de peis ò de plumas, gavats de mila antibioctics, ensordats de lònga de musica per anar au pas de l’auca, dins de cabanas monte restan per miliers, lo bèc copat per defugir lei nafraduras dei batestas, emé un soleu electric que s’aubora e trecòla ben mai d’un còp lo jorn, pron esquichats dins de marridas gabiòlas dins lo solet espèr, dins gaire de temps, dau matabuòu finau …
Que de mai legitime per aqueu aluenchat descendent de l’uòu de Cristòu de voler s’escapar per assajar, bessai emé sa Nina, d’anar picar a la pòrta dau país monte se podiá, gaire de temps fa, dançar emé lei lops …
JJ de Niça