Resson dei imatges dau Blagaire de l’IEO-06 Jan-Jaume de Niça ven de nen mandar la sieu 9ena crònica inspirada dei dessenhs umoristics que l’IEO-06 mete en rega cada setmana. Esperam que vos agraderà :
La caça ai parpalhons.
Coma leis estatjants de la bèla ciutat de Sant Eutròpi, s’en garçant totei pas mau deis afichas, dei panèus, dei cridas sus la ràdio locala lo “Rigau de Pampelona”, son de lònga a pargar ben en delà dau temps autorizat per va faire, lo premier cònse perdèt tota paciéncia e, sensa la mendre crenta de Bassaquiera e Bassacan per leis eleccions venentas, mandèt Galabru, lo cap dei pandòras dau luec, verificar lei disques oraris de totei lei veituras.
Lo det sus lo pleg dei bràias, lo quèpi d’invern tancat ferm sus la tèsta per aparar … leis aurilhas, leis òrdres fugèron seguits immediatament e son rendut-còmpte, picat coma se deu en tres exemplars, fotò juncha, mandat ais autoritats.
JJ de Niça