Dissabta 31 de genoier, l’IEO-06 organizava a Niça per lo segond còup la dictada occitana. Respondèron a la chamada de monde venguts dei 2 cors de lenga dau Gramon, dau cors IEO-06 a Drap. Steve BETTI, escrivan, actor, professor d’occitan-Lenga d’òc, encargat de mission per li lengas regionali pròche lo Rector de Niça, presentèt la dictada tracha d’una nòva (novèla) sieua denant de la legir.
Au nom de toi, l’aremerciam de la sieu venguda e per l’òbra que fa per la lenga e la curtura nòstri.
Troberètz çai-sota, lo comunicat de premsa, li fotòs de la jornada lo tèxto de la dictada en li doi grafias : clàssica e mistralenca.
Aremerciam toi aquelu numerós qu’an participat en aquesta jornada.
Communiqué de presse
Dictée occitane au C.A.L Bon-Voyage
Samedi 31 janvier, l’Institut d’Etudes Occitanes (IEO-06) organisait à Nice (C.A.L Bon-Voyage) une dictée en niçois. Cette dictée, qui en est à sa 12ième édition s’est déroulée dans 41 villes du sud de la France et en Catalogne (Barcelone) le même jour. Pour les organisateurs il ne s’agissait pas de faire une dictée à la Pivot, de porter un jugement sur les compétences de chacun, mais de se faire plaisir en maniant la langue, à l’écrit comme à l’oral, de la faire vivre, de la partager avec tout le monde, dans un moment de rencontre et de convivialité. « Il est stimulant de savoir que plusieurs centaines d’élèves apprenant le niçois, le provençal, le languedocien, etc… planchent sur une dictée le même jour » a déclaré son président Jean-Pierre BAQUIÉ. « Pour cette fête de la langue, nous avons invité, Monsieur Steve BETTI, conseiller du Recteur de Nice pour les langues régionales, lui-même enseignant d’occitan-langue d’oc. Il nous a proposé un texte dont il est l’auteur : Prima (le printemps). »
Cette fête, dont le but est avant tout de valoriser la langue d’oc, s’est déroulée dans la convivialité et la bonne humeur.
A signaler la très bonne dictée de Juliette (12 ans), Fabien (13 ans) et Fanny (14 ans) qui ont reçu leur diplôme sous les acclamations des participants.
Avant de se quitter les récipiendaires ont tiré les rois.
Tèxto de la dictada :
Prima
Lo soleu n’èra qu’a la prima de la sieu corsa, mas, ja, en lo quiet azur celeste, lo carre divin dardejava lo país de Rocabruna dei sieus rais daurats.
Pura la mar paia non semblava s’èstre enavisada de la fin de la nuech e, maestoa cuberta blu, estaía sempre empenecada, chatelina, en l’emperi escur dau pantais.
La tèrra, ela, èra ben revilhada, la tèrra e lu sieus prats, la tèrra e li sieu faissas, mas finda la pichina acropòla, li sieu torres e lu sieus temples de màrmor.
Siguèsse en maion ò per carriera, tot lo monde enfin durbia plan planin li parpèlas e ragantava la vida emb’alegria. Lo pastre, flaüt en boca, menava l’aver en lo verd paradís dau colet : lo paisan laurava lo camp gerp ; lo pescaire tirava l’entremalh emplit de peis jaunes e roges ; e la maire clinada sus lo breç, donava da beure au bambin afamegat un lach de mèu.
Èra lo temps benedit de l’òulivier, rei d’aqueu país de cocanha, que de li sieu brancas d’argent, ornadi de perlas tendri, parava en lo silenci la patz de la prima dau monde.
(…)
Steve BETTI (grafia clàssica)
Prima
Lou souleu n’era qu’à la prima de la siéu coursa, ma, ja, en lou quiet azur celeste, lou carre divin dardejava lou paìs de Rocabruna dei siéu rais daurat.
Pura la mar paia noun semblava s’estre enavisada de la fin de la nuech e, maestoua cuberta blu, estaìa sempre empenecada, chatelina, en l’emperi escur dòu pantai.
La terra, ela, era ben revilhada, la terra e lu siéu prat, la terra e li siéu faissa, mas finda la pichina acroupola, li siéu torre e lu sieu temple de marmo.
Siguesse en maioun o per carrièra, tout lou mounde enfin durbia plan planin li parpela e ragantava la vida emb’alegrìa. Lou pastre, flahut en bouca, menava l’aver en lou vert paradis dòu coulet : lou paisan laurava lou camp gerp ; lou pescaire tirava l’entremalh emplit de pei jaune e roge ; e la maire clinada sus lou brès, dounava da bèure au bambin afamegat un lach de mèu.
Era lou temp benedit de l’òulivié, rei d’aquéu paìs de coucagna, que de li siéu branca d’argent, ournadi de perla tendri, parava en lou silenci la pas de la prima dòu mounde.
(…)
Steve BETTI (grafia mistralenca)
