Sòca, soquina, d’òli de farina…
La receta de la sòca comença per un forn pròpi caud, qu’auretz ascendut denant de faire lo vòstre « sauçon » que demanda gaire de temps.
Li metretz jà dintre la placa redonda especiala per faire la sòca oncha d’òli ò aquela qu’avetz en lo forn, per fins que sigue finda ela, ben cauda.
Se siatz lests podem començar :
En un saladier, vuar mieg litre d’aiga, doi culhers d’òli d’òuliva, 250 gr de farina de cee, mesclar tot embé vigoria. Non denembrar de salar la vòstra pasta que sembla en aquela dei crespèus de la Candeliera. Aquí la pasta es lesta. La podetz utilisar sus lo còup. D’unu preferisson la laissar repauar una oreta.
Sortir dau forn la vòstra placa cauda e vuar 2 a 3 mm de pasta. Metre sus lo còup au forn e ascendre la graïlha.
Asperar que la sòca sigue ben daurada. Crepar li bòfas qu’arriscan de si formar. Sortir dau forn, pebrar e manjar ben caud. Se siatz defòra ò qu’avetz pas de forn la sòca si pòut finda faire en una sartaia coma de crespèus.
