Dissabta passat, si recampèron sòcias, sòcis, amigas, amics de l’IEO-06 per festejar lu 50 ans de la sieu creacion, lo 4 de novembre dau 1976.
Embé un programa dei bèi, siguèt, de cen que n’en diguèron una bèla jornada !
Lu convidats, coma si deu, siguèron aculhits dins l’Atrium de l’AnimaNice Bòn Viatge, embé café e pastisserias, un temps que permetèt de si retrovar dins un ambient joiós.
Siguèt pi lo moment dei expausats, Joan-Pèire Baquié, president d’onor, presentèt l’associacion.

fòto JP SPIES
JOAN-PÈIRE BAQUIÉ
La presentacion de Joan-Pèire Baquié ;
Passèt pi lo micrò a dòna Vitetti, conselhera municipala de la comuna de Niça, delegada ai tradicions niçardi e a la coina niçarda, ajoncha au cònsol de Niça monsur Eric CIOTTI, que lo rapresentava. Diguèt la sieu sosten ai tòcas de l’IEO-06, la trasmission de la lenga e de la culturas dins la tolerança e lo respèct de toi.

JOAN-PÈIRE BAQUIÉ, MURIELA VITETTI
Joan-Pèire Spies, president, faguèt pi una presentacion de la situacion de la lenga, embé li chifras de l’ensenhament dins l’acadèmia e li condicions d’aparament de la lenga :

JOAN-PÈIRE SPIES
un estatut per la lenga
mai de mejans e de formacions
una vertadiera politica linguistica a toi lu nivèus.
Siguèt lo moment dau discors oficial per anonça lu 50 ans de l’IEO-06.

Lo discors de Joan-Pèire Spies :
La traduccion en francés :

fòto JP SPIES
CINQ PRESIDENTS SUS LO PONTIN
JOAN-PÈIRE BAQUIÉ, JAUME PIETRI, GILBE COMBE, JOAN-PÈIRE SPIES, MAURICI CASCIANI
La fanfara NICE LIBERATION OCHESTRA, menada da lo nòstre amis Patrick Vaillant encaminèt pi la partida joioa e festiva de la jornada, que faguèt balar dins la sala,

fòto JP SPIES
NICE LIBERATION ORCHESTRA

fòto JP SPIES
pi lu amics de Choeur de Zinc de Coaraza donèron de la votz per de cançons tradicionali repilhadi per toi…

fòto JP SPIES
CHOEUR DE ZINC

fòto JP SPIES
Sortèron de dessota dei tauliers botilhas e tortas, pissaladièras, entrepans e pans banhats, carsalada e fromais,

fòto JP SPIES
per si partir un past toi ensems, en seguida de qué arribèron tartas, tortas de blea e pastisson d’anniversari embé la sieu candela costumiera e lo sieu parasòl ! e siguèt lo moment de cantar Ò la mieu bèla Niça dins doi versions, aquela de Menica Rondelly e finda aquela engajada que Gian Caléna, escrivèt en lo 1975.


Dins l’après-dinnar, lo monde si recampèt dins la Boita Negra, la Black Box, per assistir a un concert dau diau de NICE LIBERATION OCHESTRA.

fòto JP SPIES
NICE LIBERATION ORCHESTRA
Siguèt pi lo temps de la scena duberta, dont si podia assistir a
de scenetas de l’atalier Còmèdia

fòto JP SPIES
CRESTIAN DESRUMEAUX, ROGIER GILLI

CRESTIAN DESRUMEAUX

fòto JP SPIES
MARIDO MAIRE, CRESTIAN DESRUMEAUX, REGINA BAQUIÉ, CRESTIANA BAILLY, IRENA

La lectura d’un bèu tèxte de Jòrgi Ghirardi, acompanhat de Crestiana Minighetti e Choasa Ferranti : la Bicicleta

CRESTIANA MINIGHETTI, JÒRGI GHIRARDI, CHOASA FERRANTI
Una creacion de l’atalier teatre de l’IEO-06, TERRA TANT AMADA
embé Anna-Maria Sgaravizzi, Arleta Pastor, Ben Spies, Gilbe Combe, Joan-Pèire Spies

fòto EMILIE SPIES

fòto EMILIE SPIES

fòto EMILIE SPIES

fòto EMILIE SPIES
ARLETA PASTOR, ANNA-MARIE SGARRAVIZZI, JOAN-PÈIRE SPIES, BEN SPIES, GILBE COMBE
Li premieri scenas de GIGI PANTAIS, da Joan-Luc Sauvaigo e Patric Vaillant, presentadi per Joan-Pèire Baquié au tèxte, Patric Vaillant per la música au banjo e Anna-Maria Sgaravizzi au cant

ANNA-MARIE SGARRAVIZZI, PATRIC VAILLANT, JOAN-PÈIRE BAQUIÉ

fòto JP SPIES
De lecturas scenarisadi da Marc Waltzer, embé Quentin Waltzer a la quitarra : Lo passatge, Mila

fòto JP SPIES
MARC E QUENTIN WALTZER
Una poesia sieu dicha da Giacomino Genti

fòto JP SPIES
GIACOMINO GENTI
Un poema d’Alan Pelhon dich da Joan-Pèire Baquié
Una cançon da Aliç Champollion

fòto JP SPIES

ALIÇ CHAMPOLLION

LU PARTICIPANTS A LA SCENA DUBERTA
LU RIBAIRES si metèron en plaça per encaminar un premier balèti endiablat, seguit d’una segonda partida de la fanfara NICE LIBERATION ORCHESTRA

fòto JP SPIES

fòto JP SPIES
LU RIBAIRES SUS LO PONTIN EMBÉ CRESTIANA BAILLY AU PETADOR

fòto JP SPIES
La jornada s’acabèt encara emé de danças que nen prepauèron lu musicaires de MEYLI MEYLO, e cadun s’enanèt emplit de vam e d’estrambòrd.

fòto JP SPIES

fòto JP SPIES
MARTINA CHIRIO A LA JORGINA

fòto JP SPIES

fòto JP SPIES
LUC DENEIRE A LA JORGINA
Remarciam toi aquelu que participèron a n’aquesta jornada !
Coma si diguèt, Viva e longa vida a l’IEO-06 !


