
Amics occitans, la cronica Ribon-Ribanha d’ancuei, titrada « Bibi ò la bèla istòria » vos es presentada da V. DURBANO, sòcia de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bendas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »

Bibi ò la bèla istòria…
Èri pichoneta, n’en avii bessai set sus l’esquina, quora embé la familha mieua, mon
paire, ma maire e lu mieus fraires màgers, s’en anavam en passejada toi ensems. La
vigilia, un audia mon paire dire que calia alestir la veitura, una bèla 403 Peugeot, blua
coma lo ciel de la nòstra region; netejar lu vitres, verificar la mecànica, èra un travalh de
grop ! Tot aquò fach, eravam lèsts…
D’ora, l’endeman, li carrieras de Contes èran silencioï. Faiavam vito, tot ai tres, lu
mieus fraires e ieu, d’anar au garage per saupre cu pueria lo premier dins la veitura.
Cadun volia èstre dau costat de la fenèstra, degun si volia trovar au mitan ! Mas,
pichoneta que èri, totjorn mi tornavi trovar en aquela plaça dont veíi pas gran caua dau
paisatge !
Cau dire finda, que de còups que l’i a, eravam meme set dins la veitura, que lu mieus
grans venion ‘mé nautres promenar. Alora, sus l’assèti de darrier, calia s’esquiçar coma
li amploas dins lo bocal quora li metèm en saumoira. Mi metíi alora sus lu genolhs de
ma maire ò de ma grana, lu mieus fraires l’un sus l’autre finda, e manda… vai ti cercar
la centura !!
Doncas, aqueu jorn, eravam toi afogats de la jornada a venir !! Degun auria poscut
saupre que partits a cinc, s’en torneriam a sièis, mas ti vau contar perqué…
Lu mieus parents avian decidat d’anar visitar d’amics en un pichin vilatge en la valada
de Chans, en montanha, mas finda èra de faire una visita-descuberta sus li peadas dau
mieu reire-gran, lo paire de ma grana, que èra naissut enamont. A l’epòca èra una
expedicion vera de faire un tau camin !
Passats lo Plan de Var, Villars, pichina pausa en cò dei cosins Giauffret en lo Toet de
Buèlh, que tenon la panatería, comestible, libraria e dont un trova de babòias que fan
envuèia mas que siervon a ren ! Crompam aquèu bòn pan que sente bòn e que es
pròpi deliciós, de pissaladieras, de carnsalada, e de tortas de bléa per si faire la
manjuca en cò dei amics.
Repilhèm la rota, e biforcacion vèrs li cluas de Chans…e rotla la veitura ! Quauqu
kilomètres, e au Prat d’Astier un pilha la pichina rota a drecha…mas que de viratges !
Uroament que l’i siam tres darrier, e que siam ben calats, senon fariavam lo sac a ponh
! Mon paire es concentrat, mas d’aqueu temps, de circulacion sus aquèli rotas, l’i èra
gaire, per fortuna …cau just faire mèfi que lu ribàs son pas tant luenh ! Arribats, enfin !!
Veèm lo paneu, siam a Pierlas, beu pichin vilatge de montanha, bèu luec dont si sente
lo bòn ària e dont un aude lo cant dei aucelons e dei rapaces, e lo bèlament dei
motons. Bessai que l’i es un trentenau d’ estatjants aquí, bessai cinquanta d’estiu.
Lo près-dinnar, anam passejar dins lu carreiròus, au mitan de bèli maions de pèiras.
Arrivam sus la plaça dont l’i es la maion comuna, una placa commemoratieua en
òmatge ai paures òmes despareissuts dau temps de la grana guèrra, e una pichina
glèia, pròche d’un piton rocalhòs, dont la pòrta es barrada (pareisse que lo curat dau
Poget ven quauqui fès!). Non avèm trovat dont lo reire-gran auria viscut, que degun lo
nen pòu dire, daumatge …
Pi, enfin, coma l’esperiavam despí un moment, anam veire l’escabòt de motons que
son a brotar l’èrba ben grassa de la montanha. L’i son totplen d’anhèus que corron
dapertot, que belan quora trovan plus sa maire, que fan de sauts que nen fan rire… L’i
son de blancs, de marons, de negres, e d’unus de doi colors… Lo pastre es corcat dins
l’èrba finda eu, si fa un pichin penec. Es un cosin aluenhat, d’après lo nòstre amic qu’a
fach quauqui recèrcas.
Charram de la familha Philip, dau travalh de pastre, de la paur dei lops, dei joves que
s’en van en vila e que laissan darrier d’elu li maions dei ancians. Nautres siam dins lo
prat a jugar embé li bèstias. Mon paire e ma maire charran encara un moment, pi es
l’ora de tornar partir que la rota es lònga. Anam saludar lu amics, e au moment de puar
dins la veitura, veèm lo pastre que s’en torna, ven embé un carton en mans, e dintre lo
carton una anhèla, tota blanca, que fa « mêêêê » coma se diguèsse « bònjorn »! Au
contrari, segurament a la petoira, la paura! Li fèm de careças per la carmar…
Lo pastre nen rassegura, la feda non a pas pron de lach per norrir lu sieus doi
anhèus, doncas es la nòstra mission aüra, embé un biberon… Coma lu parents son de
pacti, pòdem portar la pichina bèstia a maion, mas caurà aver suenh d’ela. Tot ai tres,
siam tant urós e fièrs. A Contes l’i a tant de plaça dins lo prat dau Rio.
Mas denant de partir, volèm la batejar … si sonerà « BIBI » e serà la premiera d’una
grande familha. Ela, a plegat li parpèlas, mas a augut una seguida que dura totjorn ai
jorns d’ancuei…
Veronica
Lo 16 de Settembre dau 2026
Aqueu tèxto m’es vengut que sièm anats embé lo Riri a la descuberta de Pierlas la
dimenchada darriera, qu’es un superbe pichin vilatge qu’ai conoissut quora n’avii sièis ò
set sus l’esquina, e que, maugrat li annadas passadi, a pas tant cambiat… De aucelons,
de rapaces, un pauc de bèstias l’i son totjorn, e avèm trovat que l’i èra de monde finda, segur de caçaires qu’es la sason, mas son enamont e fan viure lo vilatge encara un pauc …
*Sac a punh, revirada de l’englés “punching-bag” qu’es vengut “punching-ball” en
francés.

Bibi ou la belle histoire
J’étais petite, j’avais peut-être 7 ans, quand avec ma famille, mon père, ma mère et mes deux
frères aînés, nous partions en promenade tous ensemble. La veille on entendait mon père dire
qu’il fallait préparer la voiture, une belle 403 Peugeot, bleue comme le ciel de notre région ;
laver les vitres, vérifier la mécanique, c’était un travail de groupe ! Tout cela fait, nous étions
prêts…
De bonne heure, le lendemain, les rues de Contes étaient silencieuses. Nous faisions vite, tous
les 3, mes frères et moi, d’aller au garage pour savoir qui monterait le premier dans la voiture.
Chacun voulait être du côté de la fenêtre, personne ne voulait se retrouver au milieu ! Mais,
toute petite que j’étais, je me retrouvais toujours à cette place d’où je ne voyais pas grand
chose du paysage !
Il faut dire aussi, que parfois, nous étions même 7 dans la voiture, car mes grands-parents
venaient promener avec nous. Alors, sur la banquette arrière, il fallait se serrer comme les
anchois dans le bocal quand on les met en saumure. Je me mettais alors sur les genoux de ma
mère ou de ma grand-mère, mes frères l’un sur l’autre aussi, et allez… va chercher la ceinture
!!!
Donc, ce jour-là, nous étions tous excités par la journée à venir !! Personne n’aurait pu savoir
que partis à 5, nous reviendrions à 6, mais je vais te raconter pourquoi…
Mes parents avaient décidé d’aller visiter des amis dans un petit village dans la vallée du
Cians, à la montagne, mais aussi de faire une visite découverte sur les pas de mon arrière-
grand-père, le père de ma grand-mère, qui était né là-haut. À l’époque, c’était une expédition
de faire un tel chemin !
Passés Plan du Var, Villars, petit arrêt chez les cousins Giauffret à Touêt sur Var, qui tiennent
la boulangerie, épicerie, librairie et où l’on trouve des babioles qui font envie mais qui ne
servent à rien ! Nous achetons ce bon pain qui sent bon et qui est vraiment délicieux, des
pissaladières, de la charcuterie et des tourtes de blette pour manger chez les amis.
Nous reprenons la route, et bifurcation vers les gorges du Cians…et roule la voiture !
Quelques kilomètres, et au Prat d’Astier on prend la petite route à droite … mais que de
virages !! Heureusement que nous sommes 3 à l’arrière, et que nous sommes bien calés, sinon
nous ferions le punching-ball ! Mon père est concentré, mais en ce temps-là, il n’y avait guère
de circulation sur ces routes, par chance …il faut juste faire attention aux ravins qui ne sont
pas bien loin ! Enfin arrivés ! Nous voyons le panneau, nous sommes à Pierlas, beau petit
village de montagne, bel endroit où l’on respire le bon air, et où l’on entend le chant des petits
oiseaux et des rapaces, et le bêlement des moutons. Peut-être y-a-t-il une trentaine d’habitants
ici, peut-être cinquante l’été.
L’après-midi, nous allons promener dans les ruelles, au milieu de belles maisons en pierres.
Nous arrivons sur la place où se trouve la mairie, une plaque commémorative en hommage
aux pauvres hommes disparus pendant la grande guerre, et une petite église, près d’un piton
rocheux, dont la porte est fermée (il paraît que le curé de Puget vient quelques fois !). Nous
n’avons pas trouvé où l’arrière-grand-père aurait vécu, et personne ne peut nous le dire,
dommage …
Puis, enfin, comme nous l’espérions depuis un moment, nous allons voir le troupeau de
moutons qui sont en train de brouter l’herbe bien grasse de la montagne. Il y a beaucoup
d’agneaux qui courent partout, qui bêlent quand ils ne trouvent plus leur mère, qui font des
sauts qui nous font rire… il y en a des blancs, des marrons, des noirs, et certains de deux
couleurs… Le berger est couché dans l’herbe lui aussi, il fait un petit somme. C’est un cousin
éloigné, selon notre ami qui a effectué quelques recherches.
Nous parlons de la famille Philip, du travail de berger, de la peur des loups, des jeunes qui
partent à la ville et qui laissent, derrière eux, les maisons des ancêtres. Nous autres, nous
sommes dans le pré, à jouer avec les bêtes. Mon père et ma mère parlent encore un moment,
puis c’est l’heure de repartir car la route est longue. Nous allons dire au revoir aux amis, et au
moment de monter dans la voiture, nous voyons le berger qui revient, il vient avec un carton
dans les mains, et dans le carton une agnelle, toute blanche, qui fait » mêêêê » comme si elle
disait « bonjour » ! Au contraire, sûrement a-t-elle peur, la pauvre !! Nous lui faisons des
caresses pour la calmer…
Le berger nous rassure, la brebis n’a pas assez de lait pour nourrir ses 2 agneaux, donc ça
devient notre mission maintenant, avec un biberon … comme nos parents sont d’accord, nous
pouvons ramener la petite bête à la maison, mais il faudra prendre soin d’elle. Nous sommes
si heureux et fiers tous les trois. À Contes, il y a tant de place dans le pré au Riou.
Mais avant de partir, nous voulons la baptiser … elle s’appellera « Bibi » et sera la première
d’une grande famille. Elle, est morte, mais elle a eu une suite qui dure toujours de nos jours…
Véronique
Le 16 Septembre 2026
(Ce texte m’est venu car nous sommes allés avec le Riri à la découverte de Pierlas le week-
end dernier, superbe petit village que j’ai connu lorsque j’avais 6 ou 7 ans, et qui, malgré les
années passées, n’a pas beaucoup changé … il y a toujours des oiseaux, des rapaces, quelques
bêtes, et nous avons trouvé qu’il y avait du monde aussi, bien-sûr des chasseurs car c’est la
saison, mais ils sont là-haut et ils font vivre le village encore un peu …)

